ਨਵੀਂ ਦਿੱਲੀ: ਬਾਰਡਰ ਗਾਵਸਕਰ ਟਰਾਫੀ ਦੇ ਅਜੇ ਦੋ ਟੈਸਟ ਮੈਚ ਬਾਕੀ ਹਨ ਪਰ ਇਸ ਤੋਂ ਪਹਿਲਾਂ ਹੀ ਆਸਟ੍ਰੇਲੀਆਈ ਟੀਮ ਦੇ ਖਿਡਾਰੀ ਘਰ ਪਰਤ ਚੁੱਕੇ ਹਨ। ਕਮਿੰਸ ਘਰੇਲੂ ਕਾਰਨਾਂ ਕਰਕੇ ਘਰ ਪਰਤ ਗਏ ਹਨ। ਕ੍ਰਿਕਟ ਆਸਟ੍ਰੇਲੀਆ ਨੇ ਪੁਸ਼ਟੀ ਕੀਤੀ ਹੈ ਕਿ ਪੈਟ ਕਮਿੰਸ ਦੀ ਮਾਂ ਬੀਮਾਰ ਹੈ। ਜਿਸ ਕਾਰਨ ਉਨ੍ਹਾਂ ਨੂੰ ਸੀਰੀਜ਼ ਦੇ ਮੱਧ 'ਚ ਆਸਟ੍ਰੇਲੀਆ ਪਰਤਣਾ ਪਿਆ। ਉਨ੍ਹਾਂ ਦੀ ਜਗ੍ਹਾ ਸਟੀਵ ਸਮਿਥ ਨੂੰ ਤੀਜੇ ਮੈਚ ਲਈ ਕਪਤਾਨ ਬਣਾਇਆ ਗਿਆ ਹੈ।
ਪਹਿਲਾਂ ਡੇਵਿਡ ਵਾਰਨਰ ਪਰਤੇ ਆਸਟ੍ਰੇਲੀਆ:ਭਾਰਤ ਨੇ ਸੀਰੀਜ਼ ਦੇ ਪਹਿਲੇ ਟੈਸਟ 'ਚ ਆਸਟ੍ਰੇਲੀਆ ਨੂੰ ਪਾਰੀ ਅਤੇ 132 ਦੌੜਾਂ ਨਾਲ ਹਰਾਇਆ। ਇਹ ਮੈਚ ਨਾਗਪੁਰ ਵਿੱਚ ਖੇਡਿਆ ਗਿਆ ਸੀ। ਇਸ ਤੋਂ ਬਾਅਦ ਦੂਜਾ ਟੈਸਟ ਦਿੱਲੀ ਵਿੱਚ ਖੇਡਿਆ ਗਿਆ ਜਿਸ ਵਿੱਚ ਭਾਰਤ ਨੇ 6 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਦੂਜੇ ਟੈਸਟ 'ਚ ਹੀ ਗੇਂਦ ਡੇਵਿਡ ਵਾਰਨਰ ਦੇ ਹੈਲਮੇਟ 'ਚ ਜਾ ਲੱਗੀ। ਜਿਸ ਤੋਂ ਬਾਅਦ ਉਹ ਮੈਚ 'ਚੋਂ ਬਾਹਰ ਹੋ ਗਏ। ਡੇਵਿਡ ਵਾਰਨਰ ਵੀ ਆਸਟ੍ਰੇਲੀਆ ਪਰਤ ਆਏ ਹਨ। ਹੁਣ ਪੈਟ ਕਮਿੰਸ (Pat Cummins) ਦੇ ਵੀ ਆਸਟ੍ਰੇਲੀਆ ਵਾਪਸ ਜਾਣ ਕਾਰਨ ਸਟੀਵ ਸਮਿਥ (Steve Smith) ਨੂੰ ਤੀਜੇ ਟੈਸਟ ਲਈ ਕਪਤਾਨ ਬਣਾਇਆ ਗਿਆ ਹੈ।
ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਤਿੰਨ ਵਨਡੇ ਮੈਚ : ਤੀਜੇ ਮੈਚ 'ਚ ਭਾਰਤ ਅਤੇ ਆਸਟ੍ਰੇਲੀਆ ਦੀਆਂ ਟੀਮਾਂ ਇੰਦੌਰ 'ਚ ਆਹਮੋ-ਸਾਹਮਣੇ ਹੋਣਗੀਆਂ। ਇਹ ਮੈਚ 1 ਤੋਂ 5 ਮਾਰਚ ਦਰਮਿਆਨ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ ਚੌਥਾ ਟੈਸਟ ਮੈਚ 9-13 ਮਾਰਚ ਦਰਮਿਆਨ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਟੈਸਟ ਸੀਰੀਜ਼ ਤੋਂ ਬਾਅਦ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਤਿੰਨ ਵਨਡੇ ਮੈਚ ਖੇਡੇ ਜਾਣਗੇ। ਪਹਿਲਾ ਮੈਚ 17 ਮਾਰਚ ਨੂੰ ਵਾਨਖੇੜੇ ਸਟੇਡੀਅਮ, ਦੂਜਾ ਮੈਚ 19 ਮਾਰਚ ਨੂੰ ਵਿਸ਼ਾਖਾਪਟਨਮ ਅਤੇ ਤੀਜਾ ਮੈਚ 22 ਮਾਰਚ ਨੂੰ ਚੇਨਈ ਵਿੱਚ ਹੋਵੇਗਾ।
ਆਸਟਰੇਲੀਆ ਦੀ ਟੀਮ:1 ਸਟੀਵਨ ਸਮਿਥ (ਕਪਤਾਨ), 2 ਸਕਾਟ ਬੋਲੈਂਡ, 3 ਐਲੇਕਸ ਕੈਰੀ (ਵਿਕਟਕੀਪਰ ਬੱਲੇਬਾਜ਼) 4 ਕੈਮਰਨ ਗ੍ਰੀਨ, (ਆਲ ਰਾਊਂਡਰ) 5 ਪੀਟਰ ਹੈਂਡਸਕੌਮ, 6 ਟ੍ਰੈਵਿਸ ਹੈੱਡ (ਮਿਡਲ ਆਰਡਰ ਬੱਲੇਬਾਜ਼) 7 ਉਸਮਾਨ ਖਵਾਜਾ (ਸਲਾਮੀ ਬੱਲੇਬਾਜ਼) 8 ਮੈਥਿਊਨ ਕੁਨਲਰ। , 9 ਮਾਰਨਸ ਲੈਬੁਸ਼ਗਨ, 10 ਨਾਥਨ ਲਿਓਨ (ਸਪਿਨ ਗੇਂਦਬਾਜ਼), 11 ਲਾਂਸ ਮੌਰਿਸ (ਗੇਂਦਬਾਜ਼) 12 ਟੌਡ ਮਰਫੀ (ਸਪਿਨ ਗੇਂਦਬਾਜ਼) 13 ਮੈਟ ਰੇਨਸ਼ਾ (ਬੱਲੇਬਾਜ਼) 14 ਮਿਸ਼ੇਲ ਸਟਾਰਕ (ਗੋਲਬਾਜ਼)
ਇਹ ਵੀ ਪੜ੍ਹੋ:-Mohammed Siraj: ਕੋਹਲੀ ਵਾਂਗ ਬਣਨਾ ਚਾਹੁੰਦਾ ਹੈ ਟੀਮ ਇੰਡੀਆ ਦਾ ਇਹ ਗੇਂਦਬਾਜ਼, ਕ੍ਰਿਕਟ ਰੈਂਕਿੰਗ 'ਚ ਪਹਿਲੇ ਨੰਬਰ 'ਤੇ ਕਾਬਜ਼
