Asia Cup 2023 : ਤੈਅ ਹੋਏ ਸੁਪਰ 4 ਮੈਚਾਂ ਦੇ ਮੁਕਾਬਲੇ, ਜਾਣੋ ਇੱਕ ਵਾਰ ਫਿਰ ਕਦੋਂ ਹੋਵੇਗਾ ਪਾਕਿਸਤਾਨ ਨਾਲ ਮੁਕਾਬਲਾ

India vs Pakistan match Once Again: ਪਾਕਿਸਤਾਨ ਦੇ ਨਾਲ ਭਾਰਤੀ ਕ੍ਰਿਕਟ ਟੀਮ ਨੇ ਗਰੁੱਪ ਏ ਤੋਂ ਸੁਪਰ 4 ਲਈ ਕੁਆਲੀਫਾਈ ਕਰ ਲਿਆ ਹੈ, ਜਿਸ ਕਾਰਨ ਇਕ ਵਾਰ ਫਿਰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ 10 ਸਤੰਬਰ ਨੂੰ ਕੋਲੰਬੋ 'ਚ ਮੈਚ ਖੇਡਿਆ ਜਾਵੇਗਾ।

ਨਵੀਂ ਦਿੱਲੀ:ਸ਼੍ਰੀਲੰਕਾ 'ਚ ਖੇਡੇ ਜਾ ਰਹੇ ਏਸ਼ੀਆ ਕੱਪ 2023 ਦੌਰਾਨ ਭਾਰਤੀ ਕ੍ਰਿਕਟ ਟੀਮ ਨੇ ਨੇਪਾਲ ਨੂੰ 10 ਵਿਕਟਾਂ ਨਾਲ ਹਰਾ ਕੇ ਸੁਪਰ 4 'ਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਭਾਰਤੀ ਕ੍ਰਿਕਟ ਟੀਮ ਪਾਕਿਸਤਾਨ ਦੇ ਨਾਲ ਗਰੁੱਪ ਏ ਤੋਂ ਸੁਪਰ 4 ਵਿੱਚ ਕੁਆਲੀਫਾਈ ਕਰ ਚੁੱਕੀ ਹੈ। ਦੂਜੇ ਪਾਸੇ ਗਰੁੱਪ ਬੀ ਤੋਂ ਸੁਪਰ 4 ਵਿੱਚ ਜਾਣ ਵਾਲੀਆਂ ਟੀਮਾਂ ਦਾ ਫੈਸਲਾ ਅੱਜ ਦੇ ਮੈਚ ਤੋਂ ਬਾਅਦ ਹੀ ਹੋਵੇਗਾ ਕਿਉਂਕਿ ਬੰਗਲਾਦੇਸ਼ ਅਤੇ ਸ਼੍ਰੀਲੰਕਾ ਨੇ ਇੱਕ-ਇੱਕ ਮੈਚ ਜਿੱਤਿਆ ਹੈ ਅਤੇ ਦੋਵਾਂ ਦੇ ਦੋ-ਦੋ ਅੰਕ ਹਨ।

ਭਾਰਤ ਬਨਾਮ ਪਾਕਿਸਤਾਨ ਦਾ ਇੱਕ ਹੋਰ ਮੁਕਾਬਲਾ

ਜੇਕਰ ਸ਼੍ਰੀਲੰਕਾ ਅਤੇ ਅਫਗਾਨਿਸਤਾਨ ਵਿਚਾਲੇ ਅੱਜ ਦਾ ਮੈਚ ਸ਼੍ਰੀਲੰਕਾ ਦੀ ਟੀਮ ਜਿੱਤ ਜਾਂਦੀ ਹੈ ਤਾਂ ਉਹ ਸੁਪਰ 4 ਲਈ ਕੁਆਲੀਫਾਈ ਕਰ ਲਵੇਗੀ ਅਤੇ ਇੱਕ ਜਿੱਤ ਬੰਗਲਾਦੇਸ਼ ਦੀ ਟਿਕਟ 'ਤੇ ਵੀ ਮੋਹਰ ਲਗਾ ਦੇਵੇਗੀ, ਪਰ ਜੇਕਰ ਅਫਗਾਨਿਸਤਾਨ ਦੀ ਟੀਮ ਕੋਈ ਉਲਟਫੇਰ ਕਰ ਦਿੰਦੀ ਹੈ ਤਾਂ ਮਾਮਲਾ ਰਨ ਰੇਟ 'ਤੇ ਚਲਾ ਜਾਵੇਗਾ ਅਤੇ ਵਧੀਆ ਰਨ ਰੇਟ ਵਾਲੀ ਟੀਮ ਸੁਪਰ ਚਾਰ ਲਈ ਕੁਆਲੀਫਾਈ ਕਰੇਗੀ।

ਭਾਰਤ ਅਤੇ ਪਾਕਿਸਤਾਨ ਦੇ ਸੁਪਰ 4 ਵਿੱਚ ਕੁਆਲੀਫਾਈ ਕਰਨ ਦੇ ਕਾਰਨ, ਭਾਰਤ ਅਤੇ ਪਾਕਿਸਤਾਨ ਦੇ ਨਾਲ-ਨਾਲ ਭਾਰਤੀ ਟੀਮ ਦੇ ਸੁਪਰ 4 ਦੇ ਸਾਰੇ ਮੈਚ ਅਤੇ ਤਰੀਕਾਂ ਲਗਭਗ ਫਿਕਸ ਹਨ। ਭਾਰਤੀ ਕ੍ਰਿਕਟ ਟੀਮ ਨੇ ਅਗਲਾ ਸੁਪਰ 4 ਮੈਚ ਪਾਕਿਸਤਾਨ ਨਾਲ 10 ਸਤੰਬਰ ਨੂੰ ਕੋਲੰਬੋ ਦੇ ਮੈਦਾਨ 'ਤੇ ਖੇਡਣਾ ਹੈ। ਇਸ ਤੋਂ ਬਾਅਦ ਭਾਰਤੀ ਟੀਮ ਦਾ ਅਗਲਾ ਮੈਚ 12 ਸਤੰਬਰ ਨੂੰ ਕੋਲੰਬੋ ਦੇ ਮੈਦਾਨ 'ਤੇ ਹੋਵੇਗਾ, ਜਦਕਿ ਭਾਰਤੀ ਕ੍ਰਿਕਟ ਟੀਮ ਸੁਪਰ 4 ਦਾ ਆਪਣਾ ਆਖਰੀ ਅਤੇ ਤੀਜਾ ਮੈਚ 15 ਸਤੰਬਰ ਨੂੰ ਕੋਲੰਬੋ 'ਚ ਖੇਡੇਗੀ।