ਕੇਬੀਸੀ11:ਸੁਨੀਤਾ ਕ੍ਰਿਸ਼ਨਾਨ ਦੀ ਕਹਾਣੀ ਸੁਣ ਹਰ ਇੱਕ ਦੀਆਂ ਅੱਖਾਂ ਹੋਇਆਂ ਨਮ

ਸ਼ੁਕਰਵਾਰ ਨੂੰ ਸਮਾਜਸੇਵੀ ਸੁਨੀਤਾ ਕ੍ਰਿਸ਼ਨਾਨ ਕੇਬੀਸੀ11 'ਚ ਆਈ ਸੀ। ਉਨ੍ਹਾਂ ਦੀ ਕਹਾਣੀ ਸੁਣ ਕੇ ਸਾਰਿਆਂ ਦੀਆਂ ਅੱਖਾਂ ਨਮ ਹੋ ਗਈਆਂ। ਉਸ ਦੀ ਕਹਾਣੀ ਸੁਣ ਕੇ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਸੁਨੀਤਾ ਅਤੇ ਕੇਬੀਸੀ ਦੀ ਸ਼ਲਾਘਾ ਕੀਤੀ ਹੈ।

ਮੁੰਬਈ: ਅਮਿਤਾਭ ਬੱਚਨ ਦੇ ਸ਼ੋਅ ਕੇਬੀਸੀ11 'ਚ ਸ਼ੁਕਰਵਾਰ ਦੇ ਐਪੀਸੋਡ 'ਚ ਇੱਕ ਅਜਿਹੀ ਹਸਤੀ ਆਈ ਸੀ ਜਿਸ ਦੀ ਕਹਾਣੀ ਸੁਣ ਕੇ ਹਰ ਇੱਕ ਦੀਆਂ ਅੱਖਾਂ ਨਮ ਹੋ ਗਈਆਂ। ਇਸ ਵਾਰ ਲੜੀਵਾਰ ਐਪੀਸੋਡ 'ਚ ਸਮਾਜ ਸੇਵਿਕਾ ਸੁਨੀਤਾ ਕ੍ਰਿਸ਼ਨਾਨ ਆਈ ਸੀ। ਹਾਟ ਸੀਟ 'ਤੇ ਬੈਠੀ ਸੁਨੀਤਾ ਕ੍ਰਿਸ਼ਨਾਨ ਨੇ ਆਪਣੀ ਕਹਾਣੀ ਸੁਣਾਈ ਤਾਂ ਅਮਿਤਾਭ ਬੱਚਨ ਦੰਗ ਰਹਿ ਗਏ।

ਦਰਅਸਲ, ਸੁਨੀਤਾ ਕ੍ਰਿਸ਼ਨਾਨ ਜਦੋਂ 15 ਸਾਲ ਦੀ ਸੀ, ਤਾਂ ਉਨ੍ਹਾਂ ਦੇ ਨਾਲ 8 ਲੋਕਾਂ ਨੇ ਬਲਾਤਕਾਰ ਕੀਤਾ। ਇਨ੍ਹਾਂ ਹੀ ਨਹੀਂ ਬਲਕਿ ਸੁਨੀਤਾ ਨੂੰ ਆਪਣੇ ਕੰਮ ਦੇ ਦੌਰਾਨ ਕਈ ਵਾਰ ਜਾਨਲੇਵਾ ਹਮਲਿਆਂ ਦਾ ਵੀ ਸਾਹਮਣਾ ਕਰਨਾ ਪਿਆ ਸੀ।

ਸੁਨੀਤਾ ਦੀ ਇਹ ਕਹਾਣੀ ਸੁਣ ਕੇ ਬਾਲੀਵੁੱਡ ਅਦਾਕਾਰ ਅਨੁਸ਼ਕਾ ਸ਼ਰਮਾ ਖ਼ੁਦ ਨੂੰ ਟਵੀਟ ਕਰਨ ਤੋਂ ਰੋਕ ਨਹੀਂ ਪਾਈ। ਅਨੁਸ਼ਕਾ ਨੇ ਇੱਕ ਨਹੀਂ ਬਲਕਿ ਦੋ-ਦੋ ਟਵੀਟ ਕੀਤੇ, ਪਹਿਲੇ ਟਵੀਟ 'ਚ ਉਨ੍ਹਾਂ ਨੇ ਲਿਖਿਆ,"ਸੁਨੀਤਾ ਕ੍ਰਿਸ਼ਨਾਨ ਨੇ ਜਿਸ ਢੰਗ ਦੇ ਨਾਲ ਆਪਣੀ ਗੱਲ ਰੱਖੀ ਹੈ, ਉਹ ਕਾਬਿਲ-ਏ-ਤਾਰਿਫ਼ ਹੈ। ਇਹ ਗੱਲ ਹੈਰਾਨ ਤਾਂ ਕਰਦੀ ਹੀ ਹੈ, ਬਲਕਿ ਬੇਹੱਦ ਦਰਦਨਾਕ ਵੀ ਹੈ।"

ਆਪਣੇ ਦੂਜੇ ਟਵੀਟ 'ਚ ਅਨੁਸ਼ਕਾ ਨੇ ਲਿਖਿਆ, "ਮੈਨੂੰ ਖੁਸ਼ੀ ਹੈ ਕਿ ਦੁਨੀਆ 'ਚ ਸੁਨੀਤਾ ਵਰਗੇ ਲੋਕ ਮੌਜੂਦ ਹਨ। ਕੇਬੀਸੀ ਨੂੰ ਵਧਾਈ ਜਿਨ੍ਹਾਂ ਸੁਨੀਤਾ ਵਰਗੇ ਲੋਕਾਂ ਨੂੰ ਹਾਈਲਾਈਟ ਕੀਤਾ ਹੈ।"

ਅਨੁਸ਼ਕਾ ਤੋਂ ਇਲਾਵਾ ਛੋਟੇ ਪਰਦੇ ਦੇ ਸਟਾਰ ਜੈ ਭਾਨੂਸ਼ਾਲੀ ਨੇ ਵੀ ਟਵੀਟ ਕਰ ਆਪਣੇ ਵਿਚਾਰ ਰੱਖੇ ਹਨ। ਉਨ੍ਹਾਂ ਲਿਖਿਆ ਹੈ ਕਿ ਕੇਬੀਸੀ ਦਾ ਲੜੀਵਾਰ ਐਪੀਸੋਡ ਤੁਹਾਨੂੰ ਅੰਦਰੋਂ ਹਿਲਾ ਕੇ ਰੱਖ ਦੇਵੇਗਾ। ਅੱਜ ਸਾਨੂੰ ਅਹਿਸਾਸ ਹੋਇਆ ਕਿ ਅਸੀਂ ਕਿੰਨੀ ਦੁੱਖਭਰੀ ਦੁਨੀਆ 'ਚ ਰਹਿੰਦੇ ਹਾਂ। ਕੇਬੀਸੀ ਨੇ ਨਾਂ ਸਿਰਫ਼ ਸਾਡੇ ਗਿਆਨ 'ਚ ਵਾਧਾ ਕੀਤਾ ਹੈ, ਬਲਕਿ ਦੇਸ਼ ਦੀ ਸੱਚਾਈ ਵੀ ਸਾਹਮਣੇ ਲੈ ਕੇ ਆਉਂਦੀ ਹੈ।

ਇਸ ਐਪੀਸੋਡ ਨੂੰ ਵਿਖਾਉਣ ਦੇ ਲਈ ਕੇਬੀਸੀ ਦਾ ਧੰਨਵਾਦ। ਅਨੁਸ਼ਕਾ ਤੋਂ ਇਲਾਵਾ ਕਈਆਂ ਨੇ ਇਸ ਐਪੀਸੋਡ 'ਤੇ ਆਪਣੇ ਵਿਚਾਰ ਟਵੀਟ ਕੀਤੇ ਹਨ।