ਮੁੰਬਈ: ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐੱਨ.ਸੀ.ਬੀ) ਨੇ ਅੱਜ ਫਿਲਮ ਨਿਰਮਾਤਾ ਇਮਤਿਆਜ਼ ਖੱਤਰੀ ਨੂੰ ਕਰੂਜ਼ ਸ਼ਿਪ 'ਤੇ ਨਸ਼ੀਲੇ (Drugs) ਪਦਾਰਥਾਂ ਦੀ ਬਰਾਮਦਗੀ ਦੇ ਸਬੰਧ ਵਿੱਚ ਪੁੱਛਗਿੱਛ ਲਈ ਤਲਬ ਕੀਤਾ ਹੈ। ਇਸ ਤੋਂ ਪਹਿਲਾਂ ਐੱਨ.ਸੀ.ਬੀ. ਨੇ ਸ਼ਨੀਵਾਰ ਨੂੰ ਡਰੱਗਜ਼ (Drugs) ਮਾਮਲੇ ਵਿੱਚ ਉਸ ਤੋਂ 8 ਘੰਟੇ ਪੁੱਛਗਿੱਛ ਕੀਤੀ ਸੀ। ਐੱਨ.ਸੀ.ਬੀ. ਨੇ ਇਸ ਮਾਮਲੇ ਵਿੱਚ ਦਿੱਲੀ (Delhi) ਦੇ 2 ਆਯੋਜਕਾਂ ਨੂੰ ਵੀ ਬੁਲਾਇਆ ਹੈ।
ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐੱਨ.ਸੀ.ਬੀ.) ਨੇ ਇੱਕ ਕਰੂਜ਼ ਸਮੁੰਦਰੀ ਜਹਾਜ਼ (Ships) ਤੋਂ ਨਸ਼ੀਲੇ ਪਦਾਰਥ (Drugs) ਬਰਾਮਦ ਕਰਨ ਦੇ ਸਬੰਧ ਵਿੱਚ ਇੱਥੇ ਫਿਲਮ ਨਿਰਮਾਤਾ ਇਮਤਿਆਜ਼ ਖੱਤਰੀ ਦੇ ਘਰ ਅਤੇ ਦਫ਼ਤਰ (Office) 'ਤੇ ਛਾਪੇਮਾਰੀ ਕੀਤੀ।
ਅਧਿਕਾਰੀ ਨੇ ਦੱਸਿਆ ਕਿ (ਐੱਨ.ਸੀ.ਬੀ.) ਦੀ ਮੁੰਬਈ ਮੰਡਲ ਇਕਾਈ ਨੇ 9 ਅਕਤੂਬਰ ਦੀ ਸਵੇਰ ਨੂੰ ਇੱਥੇ ਬਾਂਦਰਾ ਵਿੱਚ ਖੱਤਰੀ ਦੇ ਘਰ ਅਤੇ ਦਫ਼ਤਰ (Office) 'ਤੇ ਛਾਪੇਮਾਰੀ ਕੀਤੀ ਸੀ। ਨਸ਼ੀਲੇ (Drugs) ਪਦਾਰਥਾਂ ਦੀ ਬਰਾਮਦਗੀ ਦੇ ਮਾਮਲੇ ਵਿੱਚ ਪਹਿਲਾਂ ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਤੋਂ ਪੁੱਛਗਿੱਛ ਦੌਰਾਨ ਖੱਤਰੀ ਦਾ ਨਾਂ ਸਾਹਮਣੇ ਆਇਆ ਸੀ। ਉਸਨੇ ਇਹ ਵੀ ਦੱਸਿਆ ਕਿ (ਐੱਨ.ਸੀ.ਬੀ.) ਮਹਾਂਨਗਰ ਵਿੱਚ ਦਵਾਈਆਂ ਵੇਚਣ ਅਤੇ ਸਪਲਾਇਰਾਂ ਦੇ ਖ਼ਿਲਾਫ਼ ਕਾਰਵਾਈ ਕਰ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਇੱਕ ਕਰੂਜ਼ (ਜਹਾਜ਼) ਵਿੱਚ ਪਾਰਟੀ ਹੋਣ ਵਾਲੀ ਹੈ, ਇਸ ਸੂਚਨਾ ਦੇ ਅਧਾਰ ਤੇ, ਐੱਨ.ਸੀ.ਬੀ. ਟੀਮ ਨੇ ਪਿਛਲੇ ਸ਼ਨੀਵਾਰ ਗੋਆ (Goa) ਜਾਣ ਵਾਲੀ ਕੋਰਡੇਲੀਆ ਕਰੂਜ਼ ਉੱਤੇ ਛਾਪਾ ਮਾਰਿਆ ਅਤੇ ਕਰੂਜ਼ ਤੋਂ ਨਸ਼ੀਲੇ (Drugs) ਪਦਾਰਥ ਬਰਾਮਦ ਕਰਨ ਦਾ ਦਾਅਵਾ ਕੀਤਾ। ਇਸ ਮਾਮਲੇ ਵਿੱਚ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਸਮੇਤ ਕੁੱਲ 18 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ:ਅੱਤਵਾਦ ਤੇ ਡਰੱਗਜ਼ ਕੇਸ: NIA ਵੱਲੋਂ ਦਿੱਲੀ ਤੇ ਜੰਮੂ-ਕਸ਼ਮੀਰ ਦੇ ਕਈ ਟਿਕਾਣਿਆਂ 'ਤੇ ਛਾਪੇਮਾਰੀ
