ਮੁੰਬਈ: ਦੇਸ਼ ਦੇ ਪਹਿਲੇ ਸੁਪਰਹੀਰੋ 'ਸ਼ਕਤੀਮਾਨ' ਦੇ ਕਿਰਦਾਰ ਨਾਲ ਮਸ਼ਹੂਰ ਮੁਕੇਸ਼ ਖੰਨਾ ਨੇ ਹਾਲ ਹੀ ਵਿੱਚ 'ਮਹਾਭਾਰਤ' ਅਤੇ 'ਰਾਮਾਇਣ' ਦੇ ਦੁਬਾਰਾ ਪ੍ਰਸਾਰਣ 'ਤੇ ਬੋਲਦਿਆਂ ਅਦਾਕਾਰਾ ਸੋਨਾਕਸ਼ੀ ਸਿਨਹਾ 'ਤੇ ਵਿਅੰਗ ਕੱਸਿਆ। ਉਨ੍ਹਾਂ ਕਿਹਾ ਕਿ ਇਸ ਦਾ ਦੁਬਾਰਾ ਪ੍ਰਸਾਰਣ ਅਜਿਹੇ ਲੋਕਾਂ ਲਈ ਕੀਤਾ ਗਿਆ ਹੈ ਜਿਨ੍ਹਾਂ ਨੇ ਇਹ ਪਹਿਲਾਂ ਨਹੀਂ ਦੇਖਿਆ।
ਦੱਸ ਦਈਏ ਕਿ ਡੀਡੀ 'ਤੇ ਪ੍ਰਸਾਰਿਤ ਹੋਣ ਵਾਲਾ ਮਸ਼ਹੂਰ ਧਾਰਾਵਾਹਿਕ ਮਹਾਭਾਰਤ ਵਿੱਚ ਮੁਕੇਸ਼ ਖੰਨਾ ਨੇ ਭੀਸ਼ਮ ਪਿਤਾਮਾ ਦਾ ਕਿਰਦਾਰ ਨਿਭਾਇਆ ਸੀ। ਹੁਣ 21 ਦਿਨਾਂ ਦੇ ਲਾਕਡਾਊਨ ਕਾਰਨ ਬੀਆਰ ਚੋਪੜਾ ਦੇ ਮਹਾਭਾਰਤ ਨੂੰ ਦੁਬਾਰਾ ਡੀਡੀ ਨੈਸ਼ਨਲ 'ਤੇ ਪ੍ਰਸਾਰਿਤ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ।