ਮੁੰਬਈ: ਕੌਣ ਬਣੇਗਾ ਕਰੋੜਪਤੀ 11 ਨੂੰ ਆਪਣਾ ਪਹਿਲਾ ਕਰੋੜਪਤੀ ਬੀਤੇ ਹਫ਼ਤੇ ਮਿਲ ਚੁੱਕਾ ਹੈ, ਜਿਸ ਦਾ ਨਾਂਅ ਹੈ ਸਨੋਜ ਰਾਜ ਹੈ। ਛੇਤੀ ਹੀ ਕੇਬੀਸੀ ਦਾ ਦੂਜਾ ਕਰੋੜਪਤੀ ਮਿਲਣ ਜਾ ਰਿਹਾ ਹੈ, ਜਿਸ ਦਾ ਨਾਂਅ ਹੈ ਬਬੀਤਾ। ਸੋਨੀ ਟੀਵੀਂ ਨੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈੋ। ਇਸ ਵੀਡੀਓ 'ਚ ਬਬਿਤਾ ਦੇ ਕਰੋੜਪਤੀ ਬਣਨ ਦੇ ਸਫ਼ਰ ਦੀ ਝਲਕ ਵਿਖਾਈ ਗਈ ਹੈ।
ਦੱਸ ਦਈਏ ਕਿ ਕਰੋੜਪਤੀ ਬਬੀਤਾ, ਅਮਰਾਵਤੀ ਦੀ ਰਹਿਣ ਵਾਲੀ ਹੈ। ਇਸ ਹਫ਼ਤੇ ਉਹ ਸ਼ੋਅ 'ਚ ਨਜ਼ਰ ਆਵੇਗੀ। ਬਬੀਤਾ ਦਾ ਜੀਵਨ ਸੰਘਰਸ਼ ਨਾਲ ਭਰਿਆ ਹੋਇਆ ਹੈ। ਇਸ ਗੱਲ ਦਾ ਅੰਦਾਜ਼ਾ ਬਬੀਤਾ ਦੇ ਇੱਕ ਜਵਾਬ ਤੋਂ ਲਗਾਇਆ ਜਾ ਸਕਦਾ ਹੈ। ਦਰਅਸਲ ਅਮਿਤਾਭ ਬੱਚਨ ਉਨ੍ਹਾਂ ਤੋਂ ਪੁਛਦੇ ਹਨ ਕਿ ਤੁਹਾਨੂੰ ਤਨਖ਼ਾਹ ਕਿੰਨੀ ਮਿਲਦੀ ਹੈ ਤੁਹਾਨੂੰ ਇਸ ਸਵਾਲ ਦਾ ਜਵਾਬ ਦਿੰਦੇ ਹੋਏ ਬਬੀਕਾ ਮੁਸਕੁਰਾਉਂਦੇ ਹੋਏ ਆਖਦੀ ਹੈ 1500 ਰੁਪਏ, ਇਹ ਸੁਣ ਕੇ ਬਿਗ ਬੀ ਹੈਰਾਨ ਹੋ ਜਾਂਦੇ ਹਨ।