ਚੰਡੀਗੜ੍ਹ:ਕੋਰੋਨਾ ਕਾਲ ਦੇ ਦੌਰਾਨ ਵਿੱਚ ਫ਼ਿਲਮ ਇੰਡਸਟਰੀ ਵੀ ਕਾਫ਼ੀ ਸਮਾਂ ਬੰਦ ਰਹੀ ਪਰ ਪਿਛਲੇ ਕੁਝ ਸਮੇਂ ਤੋਂ ਫ਼ਿਲਮੀ ਦੁਨੀਆਂ ਵਿੱਚ ਫਿਰ ਤੋਂ ਹਰਿਆਵਲ ਪਰਤ ਆਈ ਹੈ। ਜਿਸ ਦੇ ਸਦਕਾ ਪੰਜਾਬੀ ਫ਼ਿਲਮ ਇੰਡਸਟਰੀ ਵਿੱਚ ਕਈ ਫ਼ਿਲਮਾਂ ਆ ਰਹੀਆਂ ਹਨ। ਇਸੇ ਦੌਰਾਨ ਪਿੱਛੇ ਜੇ ਐਮੀ ਵਿਰਕ ਦੀ ਫ਼ਿਲਮ ਪੁਆੜਾ ਅਤੇ ਕਿਸਮਤ 2 ਦਾ ਪੋਸਟਰ ਰਲੀਜ਼ ਕੀਤਾ ਗਿਆ ਸੀ।
ਇੱਕ ਵਾਰ ਫਿਰ 'ਐਮੀ ਵਿਰਕ' (Amy Virk ) ਦੀ ਨਵੀਂ ਫ਼ਿਲਮ "ਸੌਂਕਣ ਸੌਂਕਣੇ" ਦਾ ਪੋਸਟਰ ਰਿਲੀਜ਼ ਹੋਇਆ ਹੈ ਅਤੇ ਇਹ ਫ਼ਿਲਮ ਵੀ 18 ਅਪ੍ਰੈਲ 2022 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫ਼ਿਲਮ ਵਿੱਚ ਪ੍ਰਮੁੱਖ ਅਦਾਕਾਰ ਐਮੀ ਵਿਰਕ, ਪੰਜਾਬੀ ਅਭਿਨੇਤਰੀ ਸਰਗੁਣ ਮਹਿਤਾ ਅਤੇ ਨਿਮਰਤ ਖਹਿਰਾ ਨਜ਼ਰ ਆਉਂਣਗੇ। ਇਸ ਫ਼ਿਲਮ ਨੂੰ ਅੰਬਰਦੀਪ ਸਿੰਘ ਵੱਲੋਂ ਲਿਖਿਆ ਗਿਆ ਹੈ।