ਦੇਖੋ ਕਿਸ ਤਰ੍ਹਾਂ ਫਿਲਮ ਰਿਲੀਜ਼ ਕਰਵਾਉਣ ਲਈ ਕੰਗਨਾ ਰਨੌਤ ਕੱਢ ਰਹੀ ਹੈ ਹਾੜੇ...

ਕੰਗਨਾ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ਥਲਾਈਵੀ ਨੂੰ ਲੈ ਕੇ ਚਰਚਾ 'ਚ ਹੈ। ਅਜਿਹੇ 'ਚ ਉਹ ਇੰਸਟਾਗ੍ਰਾਮ ’ਤੇ ਫਿਲਮ ਦੇ ਟ੍ਰੇਲਰ ਦਾ ਲਿੰਕ ਜੋੜ ਰਹੀ ਸੀ, ਪਰ ਉਸ ਨੂੰ ਇਜਾਜ਼ਤ ਨਹੀਂ ਮਿਲੀ।

ਹੈਦਰਾਬਾਦ: ਕੰਗਨਾ ਰਣੌਤ (Kangana Ranaut) ਨੇ ਇੱਕ ਵਾਰ ਫਿਰ ਤੋਂ ਆਪਣੇ ਬੇਬਾਕੀ ਦਾ ਸਬੂਤ ਦਿੱਤਾ ਹੈ। ਆਏ ਦਿਨ ਸੋਸ਼ਲ ਮੀਡੀਆ ’ਤੇ ਆਪਣੀ ਫਿਲਮਾਂ ਅਤੇ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ ਚ ਬਣੀ ਰਹਿਣ ਵਾਲੀ ਕੰਗਨਾ ਨੇ ਹੁਣ ਇੰਸਟਾਗ੍ਰਾਮ ਨੂੰ ਝਾੜ ਪਾਈ ਹੈ। ਕੰਗਨਾ ਨੇ ਇੰਸਟਾਗ੍ਰਾਮ ਦੇ ਅਧਿਕਾਰੀਆਂ ਨੂੰ ਬੇਵਕੁਫ ਤੱਕ ਕਹਿ ਦਿੱਤਾ ਹੈ ਅਤੇ ਉਨ੍ਹਾਂ ’ਤੇ ਭੜਕੀ ਵੀ ਹੈ। ਉੱਥੇ ਹੀ ਤਾਜਾ ਰਿਪੋਰਟ ਦੇ ਮੁਤਾਬਿਕ ਮਲਟੀਪਲੇਕਸ ਸਿਨੇਮਾ ਨੇ ਕੰਗਨਾ ਰਣੌਤ ਦੀ ਫਿਲਮ ਥਲਾਈਵਾ ਨੂੰ ਰਿਲੀਜ਼ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਹੈ।

ਕੀ ਹੈ ਪੂਰਾ ਮਾਮਲਾ

ਕੰਗਨਾ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ਥਲਾਈਵੀ ਨੂੰ ਲੈ ਕੇ ਚਰਚਾ 'ਚ ਹੈ। ਅਜਿਹੇ 'ਚ ਉਹ ਇੰਸਟਾਗ੍ਰਾਮ ’ਤੇ ਫਿਲਮ ਦੇ ਟ੍ਰੇਲਰ ਦਾ ਲਿੰਕ ਜੋੜ ਰਹੀ ਸੀ, ਪਰ ਉਸ ਨੂੰ ਇਜਾਜ਼ਤ ਨਹੀਂ ਮਿਲੀ। ਇਸ ਤੋਂ ਬਾਅਦ ਕੰਗਨਾ ਦੇ ਪ੍ਰੋਫਾਈਲ ਦੇ ਐਡਿਟ ਸੈਕਸ਼ਨ ਨੂੰ ਵੀ ਲਾਕ ਕਰ ਦਿੱਤਾ ਗਿਆ, ਜਿਸ 'ਤੇ ਕੰਗਨਾ ਗੁੱਸੇ ਚ ਆ ਗਈ ਅਤੇ ਇੱਕ ਲੰਮੀ ਪੋਸਟ ਰਾਹੀਂ ਉਸਨੇ ਇੰਸਟਾਗ੍ਰਾਮ ਨੂੰ ਬਹੁਤ ਖਰੀ-ਖਰੀ ਸੁਣਾਈ।

ਇੰਸਟਾ ਸਟੋਰੀ ’ਚ ਕੱਢੀ ਭੜਾਸ

ਇੰਸਟਾਗ੍ਰਾਮ ਦੇ ਇਸ ਕੰਮ 'ਤੇ ਕੰਗਨਾ ਨੇ ਆਪਣੇ ਇੰਸਟਾ ਸਟੋਰੀ ਪੇਜ ’ਤੇ ਸਪੱਸ਼ਟ ਤੌਰ 'ਤੇ ਲਿਖਿਆ,'ਪਿਆਰੇ ਇੰਸਟਾਗ੍ਰਾਮ, ਮੈਂ ਆਪਣੀ ਫਿਲਮ ਦਾ ਟ੍ਰੇਲਰ ਲਿੰਕ ਪ੍ਰੋਫਾਈਲ 'ਤੇ ਜੋੜਨਾ ਚਾਹੁੰਦਾ ਹਾਂ। ਮੈਂ ਕਿਹਾ ਹੈ ਕਿ ਮੇਰੀ ਪ੍ਰੋਫਾਈਲ ਪ੍ਰਮਾਣਿਤ ਹੈ। ਕਈ ਸਾਲਾਂ ਤੱਕ ਨਾਮ ਕਮਾਇਆ ਹੈ, ਪਰ ਫਿਰ ਵੀ ਮੈਨੂੰ ਆਪਣੀ ਖੁਦ ਦੀ ਪ੍ਰੋਫਾਈਲ ਵਿੱਚ ਕੁਝ ਜੋੜਨ ਲਈ ਤੁਹਾਡੀ ਆਗਿਆ ਦੀ ਜ਼ਰੂਰਤ ਹੈ।

ਮਹਿਸੂਸ ਹੋ ਰਹੀ ਗੁਲਾਮੀ

ਕੰਗਨਾ ਉੱਥੇ ਹੀ ਨਹੀਂ ਰੁਕੀ। ਉਨ੍ਹਾਂ ਨੇ ਅੱਗੇ ਲਿਖਿਆ ਕਿ ਭਾਰਤ ਵਿੱਚ ਤੁਹਾਡੀ ਟੀਮ ਮੈਨੂੰ ਕਹਿੰਦੀ ਹੈ ਕਿ ਉਨ੍ਹਾਂ ਨੂੰ ਆਪਣੇ ਅੰਤਰਰਾਸ਼ਟਰੀ ਬੌਸ ਦੀ ਇਜਾਜ਼ਤ ਲੈਣੀ ਪਵੇਗੀ, ਇੱਕ ਹਫ਼ਤਾ ਬੀਤ ਗਿਆ ਹੈ, ਹੁਣ ਮੈਂ ਕਿਸੇ ਗੋਰੇ ਮੂਰਖ ਦੇ ਗੁਲਾਮ ਵਾਂਗ ਮਹਿਸੂਸ ਕਰ ਰਹੀ ਹਾਂ। ਆਪਣੀ ਈਸਟ ਇੰਡੀਆ ਕੰਪਨੀ ਦਾ ਰਵੱਈਆ ਬਦਲੋ, ਬੇਵਕੂਫੋ। ਹੁਣ ਕੰਗਨਾ ਦੀ ਇਹ ਪੋਸਟ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।

ਥਲਾਈਵੀ ਕਦੋਂ ਰਿਲੀਜ਼ ਹੋਵੇਗੀ?

ਹਾਲ ਹੀ ਵਿੱਚ ਕੰਗਨਾ ਨੇ ਫਿਲਮ ਥਲਾਈਵੀ ਦੀ ਰਿਲੀਜ਼ ਡੇਟ ਦਾ ਖੁਲਾਸਾ ਕੀਤਾ। ਕਈ ਵਾਰ ਰਿਲੀਜ਼ ਡੇਟ ਟਾਲਣ ਤੋਂ ਬਾਅਦ ਇਹ ਫਿਲਮ 10 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਤਾਜ਼ਾ ਖਬਰਾਂ ਮੁਤਾਬਿਕ ਕੰਗਨਾ ਦੀ ਫਿਲਮ ਮਲਟੀਪਲੈਕਸਾਂ ਵਿੱਚ ਰਿਲੀਜ਼ ਨਹੀਂ ਹੋਵੇਗੀ।

ਕੰਗਨਾ ਨੇ ਲਗਾਈ ਗੁਹਾਰ

ਤਾਜ਼ਾ ਰਿਪੋਰਟ ਦੇ ਮੁਤਾਬਿਕ ਕੰਗਨਾ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਵਿੱਚ ਉਹ ਦੱਸ ਰਹੀ ਹੈ ਕਿ ਉਨ੍ਹਾਂ ਦੀ ਫਿਲਮ ਰਿਲੀਜ਼ ਨਹੀਂ ਹੋਵੇਗੀ। ਅਜਿਹੀ ਸਥਿਤੀ ਵਿੱਚ ਹੁਣ ਕੰਗਨਾ ਲਈ ਇੱਕ ਵੱਡੀ ਸਮੱਸਿਆ ਖੜ੍ਹੀ ਹੋ ਗਈ ਹੈ ਕਿਉਂਕਿ ਮਲਟੀਪਲੈਕਸ ਨੇ ਉਸਦੀ ਫਿਲਮ ਥਲਾਈਵੀ ਨੂੰ ਰਿਲੀਜ਼ ਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਅਜਿਹੀ ਸਥਿਤੀ ਵਿੱਚ ਕੰਗਨਾ ਨੇ ਵੀਡੀਓ ਵਿੱਚ ਮਲਟੀਪਲੈਕਸ ਸਿਨੇਮਾ ਦੇ ਮਾਲਕਾਂ ਨੂੰ ਬੇਨਤੀ ਕੀਤੀ ਹੈ ਕਿ ਉਹ ਬਾਲੀਵੁੱਡ ਦੇ ਗੈਂਗ ਤੋਂ ਬਾਹਰ ਸੋਚਣ, ਕਿਉਂਕਿ ਸਾਡੀ ਫਿਲਮ 90 ਕਰੋੜ ਵਿੱਚ ਬਣੀ ਹੈ।