ਇੱਕ ਵਾਰ ਸੁਣੋ ਹਰਪਾਲ ਸਿੰਘ ਦੀ ਅਵਾਜ਼, ਤੁਸੀਂ ਵੀ ਹੋ ਜਾਵੋਗੇ ਮੁਰੀਦ

ਫ਼ਰੀਦਕੋਟ ਦੇ ਰਹਿਣ ਵਾਲੇ ਹਰਪਾਲ ਸਿੰਘ ਪੇਸ਼ੇ ਤੋਂ ਕਬਾੜ ਦਾ ਕੰਮ ਕਰਦੇ ਹਨ ਪਰ ਉਨ੍ਹਾਂ ਦੀ ਅਵਾਜ਼ ਬਾ ਕਮਾਲ ਹੈ। ਹਰਪਾਲ ਦੱਸਦੇ ਹਨ ਉਹ ਬਚਪਨ 'ਚ ਕਲੀਆਂ ਦੇ ਬਾਦਸ਼ਾਹ ਕੁਲਦੀਪ ਮਾਣਕ ਨੂੰ ਮਿਲ ਚੁੱਕੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੁਲਦੀਪ ਮਾਣਕ ਨੇ ਉਨ੍ਹਾਂ ਤੋਂ ਗੀਤ ਸੁਣਿਆ ਸੀ ਅਤੇ ਗੀਤ ਸੁਣ ਕੇ ਉਨ੍ਹਾਂ ਨੂੰ ਆਪਣੀ ਘੜੀ ਦੇ ਦਿੱਤੀ ਸੀ।

ਫ਼ਰੀਦਕੋਟ: ਪਿੰਡ ਪੱਖੀ ਕਲਾਂ 'ਚ ਕਬਾੜ ਦਾ ਕੰਮ ਵਾਲੇ ਹਰਪਾਲ ਸਿੰਘ ਇੱਕ ਬਹੁਤ ਹੀ ਵੱਧੀਆ ਗਾਇਕ ਹਨ। ਉਨ੍ਹਾਂ ਦੀ ਗਾਇਕੀ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਹਰਪਾਲ ਸਿੰਘ ਪੇਸ਼ੇ ਤੋਂ ਕਬਾੜ ਦਾ ਕੰਮ ਕਰਦੇ ਹਨ।

ਵਰਣਨਯੋਗ ਹੈ ਕਿ ਹਰਪਾਲ ਉਹ ਗਾਇਕ ਹਨ ਜਿਨ੍ਹਾਂ ਦੀ ਕੁਲਦੀਪ ਮਾਣਕ ਨਾਲ ਇੱਕ ਮਿੱਠੀ ਯਾਦ ਜੁੜੀ ਹੋਈ ਹੈ। ਹਰਪਾਲ ਆਖਦੇ ਹਨ ਕਿ ਬਚਪਨ 'ਚ ਉਹ ਇੱਕ ਵਿਆਹ 'ਚ ਗਏ ਸੀ ਜਿੱਥੇ ਕੁਲਦੀਪ ਮਾਣਕ ਪਹੁੰਚੇ ਹੋਏ ਸੀ। ਉਥੇ ਕੁਲਦੀਪ ਮਾਣਕ ਨੇ ਉਨ੍ਹਾਂ ਦਾ ਗੀਤ ਸੁਣ ਕੇ ਹਰਪਾਲ ਸਿੰਘ ਨੂੰ ਆਪਣੀ ਘੜੀ ਗੁੱਟ ਤੋਂ ਉਤਾਰ ਕੇ ਦਿੱਤੀ ਸੀ।

ਪਿੰਡ ਵਾਸਿਆਂ ਨੇ ਮੀਡੀਆ ਨਾਲ ਗੱਲਬਾਤ ਵੇਲੇ ਕਲਾਕਾਰਾਂ ਅਤੇ ਕੰਪਨੀ ਵਾਲਿਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਹਰਪਾਲ ਦੇ ਹੁਨਰ ਨੂੰ ਅਗੇ ਲੈਕੇ ਆਉਣ ਤਾਂ ਜੋ ਦੁਨੀਆ ਵੀ ਉਸ ਨੂੰ ਜਾਣ ਪਾਵੇ।
ਜ਼ਿਕਰਯੋਗ ਹੈ ਕਿ ਅੱਜ ਦੇ ਦੌਰ 'ਚ ਸੋਸ਼ਲ ਮੀਡੀਆ ਨੇ ਕਈ ਸਟਾਰ ਬਣਾਏ ਵੀ ਹਨ ਅਤੇ ਕਈਆਂ ਨੂੰ ਸਚਾਈ ਵੀ ਵਿਖਾਈ ਹੈ। ਜੋ ਲੋਕ ਗਾਇਕਾਂ ਦੀ ਆਲੋਚਨਾ ਕਰਦੇ ਹਨ, ਉਨ੍ਹਾਂ ਨੂੰ ਵੀ ਚਾਹੀਦਾ ਹੈ ਕਿ ਉਹ ਚੰਗੀ ਚੀਜ਼ ਨੂੰ ਪ੍ਰਮੋਟ ਕਰਨ।