ਪ੍ਰਸ਼ੰਸਕ ਦੇ ਫਾਸਟ ਫੂਡ ਸੈਂਟਰ ਉੱਤੇ ਪਹੁੰਚੇ ਅਦਾਕਾਰ ਸੋਨੂੰ ਸੂਦ,ਵੇਖੋ ਵਿਡੀਉ

ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਸ਼ੁੱਕਰਵਾਰ ਨੂੰ ਹੈਦਰਾਬਾਦ ਦੇ ਬੇਗਮਪੇਟ ਇਲਾਕੇ ਵਿੱਚ ਪਹੁੰਚੇ। ਸੋਨੂੰ ਉਨ੍ਹਾਂ ਦੇ ਨਾਂਅ ਤੋਂ ਇੱਕ ਫਾਸਟ ਫੂਡ ਸੈਂਟਰ ਚਲਾ ਰਹੇ ਅਨਿਲ ਦੀ ਦੁਕਾਨ 'ਤੇ ਪਹੁੰਚੇ ਅਤੇ ਉਨ੍ਹਾਂ ਨੇ ਫੈਨਜ਼ ਦੇ ਨਾਲ ਸੈਲਫੀ ਵੀ ਖਿਚਵਾਈ।

ਹੈਦਰਾਬਾਦ: ਅਦਾਕਾਰ ਸੋਨੂੰ ਸੂਦ ਨੂੰ ਇੱਕ ਪ੍ਰੇਰਣਾ ਮੰਨਦਿਆਂ ਅਨਿਲ ਹੈਦਰਾਬਾਦ ਦੇ ਬੇਗਮਪੇਟ ਵਿੱਚ ਇੱਕ ਫਾਸਟ ਫੂਡ ਸੈਂਟਰ ਚਲਾਉਂਦਾ ਹੈ। ਅਨਿਲ ਨੇ ਸੋਨੂੰ ਦਾ ਨਿੱਘਾ ਸਵਾਗਤ ਕੀਤਾ। ਸੋਨੂੰ ਨੇ ਸੁਝਾਅ ਦਿੱਤਾ ਕਿ ਨੌਜਵਾਨ ਅਨਿਲ ਨੂੰ ਇੱਕ ਆਦਰਸ਼ ਵਜੋਂ ਲਿਆ ਜਾਣਾ ਚਾਹੀਦਾ ਹੈ ਅਤੇ ਬਹੁਤ ਸਾਰੇ ਲੋਕਾਂ ਨੂੰ ਦੂਜਿਆਂ ਨੂੰ ਰੁਜ਼ਗਾਰ ਦੇਣ ਦੇ ਵਿਚਾਰ 'ਤੇ ਕੰਮ ਕਰਨਾ ਚਾਹੀਦਾ ਹੈ।

ਸੋਨੂੰ ਸੂਦ ਨੇ ਤਲੇ ਅੰਡੇ

ਸੋਨੂੰ ਨੇ ਅਨਿਲ ਤੋਂ ਉਸਦੇ ਕਾਰੋਬਾਰ ਦੇ ਵੇਰਵਿਆਂ ਬਾਰੇ ਜਾਣਕਾਰੀ ਲਈ। ਸੋਨੂੰ ਸੂਦ ਨੇ ਖੁਦ ਅੰਡੇ ਤਲੇ ਅਤੇ ਚਾਵਲ ਵੀ ਬਣਾਏ। ਸੋਨੂੰ ਸੂਦ ਨੇ ਅਨਿਲ ਦੀ ਦੁਕਾਨ 'ਤੇ ਖਾਣਾ ਵੀ ਖਾਇਆ। ਉਨ੍ਹਾਂ ਨੇ ਉਮੀਦ ਜਤਾਈ ਕਿ ਅਨਿਲ ਦਾ ਕਾਰੋਬਾਰ ਬਹੁਤ ਸਾਰੇ ਮੁਨਾਫੇ ਵਿੱਚ ਬਦਲ ਜਾਣਾ ਚਾਹੀਦਾ ਹੈ।

ਅਨਿਲ ਨੇ ਕਿਹਾ ਕਿ ਉਹ ਸੋਨੂੰ ਸੂਦ ਦੇ ਆਉਣ ਤੋਂ ਬਹੁਤ ਖੁਸ਼ ਹੈ। ਸੋਨੂੰ ਨੂੰ ਦੇਖਣ ਲਈ ਪ੍ਰਸ਼ੰਸਕ ਦਾ ਇਕੱਠ ਹੋ ਗਿਆ ਅਤੇ ਉਨ੍ਹਾਂ ਦੇ ਆਪਣੇ ਮਨਪਸੰਦ ਅਦਾਕਾਰ ਨਾਲ ਸੈਲਫੀ ਵੀ ਲਈ।

ਤਾਲਾਬੰਦੀ ਦੌਰਾਨ ਰਿਅਲ ਲਾਈਫ਼ ਹੀਰੋ ਸੋਨੂੰ ਸੂਦ

ਦੱਸ ਦਈਏ ਕਿ ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਤਾਲਾਬੰਦੀ ਦੇ ਸਮੇਂ, ਸੋਨੂੰ ਸੂਦ ਨੇ ਦੇਸ਼ ਭਰ ਦੇ ਲੋਕਾਂ ਦੀ ਮਦਦ ਕੀਤੀ ਹੈ। ਇਸ ਕੜੀ ਵਿੱਚ, ਤੇਲੰਗਨਾ ਦੇ ਸਿੱਦੀਪਤ ਜ਼ਿਲ੍ਹੇ ਦੇ ਡੁੱਬਾ ਤਾਂਡਾ ਪਿੰਡ ਦੇ ਲੋਕਾਂ ਨੇ ਅਦਾਕਾਰ ਸੋਨੂੰ ਸੂਦ ਨੂੰ 'ਅਸਲ ਹੀਰੋ' ਦੱਸਦੇ ਹੋਏ ਇੱਕ ਮੰਦਰ ਬਣਾਇਆ ਅਤੇ ਉੱਥੇ ਉਨ੍ਹਾਂ ਦੇ ਬੁੱਤ ਦੀ ਸਥਾਪਨਾ ਕੀਤੀ।

ਕੋਵਿਡ -19 ਮਹਾਂਮਾਰੀ ਨੂੰ ਰੋਕਣ ਲਈ ਲਾਗੂ ਕੀਤੇ ਗਏ ਤਾਲਾਬੰਦੀ ਦੇ ਦੌਰਾਨ ਪ੍ਰਵਾਸੀਆਂ ਦੀ ਮਦਦ ਕਰਨ ਲਈ ਅਦਾਕਾਰ ਦੀ ਪ੍ਰਸ਼ੰਸਾ ਹੋ ਰਹੀ ਹੈ। ਐਤਵਾਰ ਨੂੰ ਮੰਦਰ ਅਤੇ ਬੁੱਤ ਦਾ ਉਦਘਾਟਨ ਕੀਤਾ ਗਿਆ ਅਤੇ ਆਦਿਵਾਸੀ ਔਰਤਾਂ ਨੇ ਰਵਾਇਤੀ ਕੱਪੜੇ ਪਹਿਨੇ ਅਤੇ ਇਸ ਮੌਕੇ ਲੋਕ ਗੀਤਾਂ 'ਤੇ ਨਾਚ ਕੀਤਾ।

ਕੁੱਝ ਪਿੰਡ ਵਾਸੀਆਂ ਨੇ ਬੁੱਤ ਦੇ ਉਦਘਾਟਨ ਤੋਂ ਬਾਅਦ ਆਰਤੀ ਉਤਾਰੀ ਅਤੇ ਤਿੱਲਕ ਲਗਾਉਂਦਿਆਂ ਕਿਹਾ ਕਿ ਅਦਾਕਾਰ ਹਰ ਇੱਕ ਲਈ ਪ੍ਰੇਰਣਾ ਹੈ। ਮੰਦਰ ਨਿਰਮਾਣ ਦੀ ਖਬਰ 'ਤੇ ਪ੍ਰਤੀਕ੍ਰਿਆ ਦਿੰਦਿਆਂ ਅਦਾਕਾਰ ਨੇ ਟਵੀਟ ਕੀਤਾ ਸੀ,'ਸਰ ਮੈਂ ਇਸ ਦੇ ਲਾਇਕ ਨਹੀਂ ਹਾਂ।'