ਏਕਮ ਅਤੇ ਸ਼ਿੰਦਾ ਨੇ ਸਿਖਾਇਆ ਸਰਗੁਣ ਨੂੰ ਡਾਂਸ

ਗਿੱਪੀ ਗਰੇਵਾਲ ਨੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ। ਜਿਸ 'ਚ ਸ਼ਿੰਦਾ ਤੇ ਏਕਮ ਸਰਗੁਣ ਨੂੰ ਡਾਂਸ ਸਿਖਾ ਰਹੇ ਹਨ।

ਚੰਡੀਗੜ੍ਹ :ਪਾਲੀਵੁੱਡ ਸੁਪਰਸਟਾਰ ਸਰਗੁਣ ਮਹਿਤਾ ਦੀ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ। ਜਿਸ 'ਚ ਉਹ ਡਾਂਸ ਸਿਖਦੇ ਹੋਏ ਵਿਖਾਈ ਦੇ ਰਹੇ ਹਨ। ਦੱਸ ਦਈਏ ਕਿ ਡਾਂਸ ਉਨ੍ਹਾਂ ਨੂੰ ਹੋਰ ਕੋਈ ਨਹੀਂ ਗਿੱਪੀ ਗਰੇਵਾਲ ਦੇ ਦੋਵੇਂ ਪੁੱਤਰ ਏਕਮ ਅਤੇ ਸ਼ਿੰਦਾ ਸਿਖਾ ਰਹੇ ਹਨ।
ਇਸ ਵੀਡੀਓ ਨੂੰ ਗਿੱਪੀ ਗਰੇਵਾਲ ਨੇ ਇੰਸਟਾਗ੍ਰਾਮ 'ਤੇ ਸਾਂਝਾ ਕਰਦੇ ਹੋਏ ਲਿਖਿਆ,"ਡਾਂਸ ਸਿਖਾ ਦਿੱਤਾ ਅੱਜ ਸਰਗੁਣ ਮਹਿਤਾ ਨੂੰ, ਸ਼ਿੰਦਾ ਤੇ ਏਕਮ ਬਿਲਕੁਲ ਮੇਰੇ ਵਾਂਗ ਡਾਂਸ ਕਰਦੇ ਹਨ।"

ਦੱਸਣਯੋਗ ਹੈ ਕਿ ਗਿੱਪੀ ਅਤੇ ਸਰਗੁਣ ਦੀ ਫ਼ਿਲਮ 'ਚੰਡੀਗੜ੍ਹ ਅੰਮ੍ਰਿਤਸਰ ਚੰਡੀਗੜ੍ਹ' 24 ਮਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਹੈ।