ਸੰਜੇ ਦੱਤ ਨੇ ਜਨਮ ਦਿਨ ਦੇ ਮੌਕੇ ਫੈਂਨਜ਼ ਨੂੰ ਦਿੱਤਾ ਤੋਹਫ਼ਾ

ਸੰਜੂ ਬਾਬਾ ਨੇ ਆਪਣੇ ਜਨਮ ਦਿਨ ਦੇ ਮੌਕੇ ਫੈਂਨਸ ਨੂੰ ਤੋਹਫ਼ਾ ਦਿੱਤਾ। ਦਰਅਸਲ ਸੰਜੇ ਦੱਤ ਦੀ ਅਗਲੀ ਫ਼ਿਲਮ 'KGF 2' ਦਾ ਪੋਸਟਰ ਰਿਲੀਜ਼ ਹੋ ਗਿਆ ਹੈ ਜਿਸ ਨੂੰ ਲੋਕਾਂ ਦਾ ਭਰਪੂਰ ਪਿਆਰ ਮਿਲ ਰਿਹਾ ਹੈ ਤੇ ਪੋਸਟਰ ਰਿਲੀਜ਼ ਹੋਣ ਸਾਰ ਹੀ ਸੁਰਖੀਆਂ ਵਿੱਚ ਆ ਪੁੱਜਾ ਹੈ

ਮੁੰਬਈ: ਬਾਲੀਵੁੱਡ ਅਦਾਕਾਰ ਸੰਜੇ ਦੱਤ ਦਾ ਅੱਜ ਜਨਮ ਦਿਨ ਹੈ। ਜਨਮ ਦਿਨ ਦੇ ਮੌਕੇ 'ਤੇ ਸੰਜੇ ਦੱਤ ਦੀ ਨਵੀਂ ਫ਼ਿਲਮ ਦਾ ਪੋਸਟਰ ਰਿਲੀਜ਼ ਕੀਤਾ ਗਿਆ ਹੈ। ਸੰਜੇ ਕੰਨੜ ਦੀ ਫ਼ਿਲਮ 'KGF 2' ਵਿੱਚ ਨਜ਼ਰ ਆਉਣਗੇ। ਇਸ ਫ਼ਿਲਮ ਦਾ ਪਹਿਲਾ ਭਾਗ 2018 ਵਿੱਚ ਰਿਲੀਜ਼ ਹੋਇਆ ਸੀ ਜਿਸ ਨੂੰ ਦਰਸ਼ਕਾਂ ਦਾ ਭਰਪੂਰ ਹੁੰਗਾਰਾ ਵੀ ਮਿਲਿਆ।

'KGF' ਦਾ ਪਹਿਲਾ ਭਾਗ ਚਾਰ ਭਾਸ਼ਵਾਂ ਵਿੱਚ ਰਿਲੀਜ਼ ਹੋਇਆ ਸੀ ਜਿਸ ਨੇ ਸਾਰੇ ਭਾਰਤ ਵਿੱਚ ਆਪਣਾ ਨਾਂਅ ਕਮਾ ਲਿਆ। ਇਸ ਤੋਂ ਇਲਾਵਾ ਫ਼ਿਲਮ ਨੇ ਕਈ ਅਵਾਰਡ ਵੀ ਜਿੱਤੇ। ਜੇ ਇਸ ਫ਼ਿਲਮ ਦੇ ਬਾਕਸ ਆਫ਼ਿਸ ਦੀ ਗੱਲ ਕੀਤੀ ਜਾਵੇ ਤਾਂ 'KGF' ਨੇ ਬਾਕਸ ਆਫ਼ਿਸ ਤੇ ਤਕਰੀਬਨ 243-250 ਕਰੋੜ ਤੱਕ ਦੀ ਕਮਾਈ ਕੀਤੀ ਹੈ। 'KGF 2' ਵਿੱਚ ਬਾਲੀਵੁੱਡ ਦੇ ਸੰਜੂ ਬਾਬਾ ਵੀ ਨਜ਼ਰ ਆਉਣਗੇ। ਫ਼ਿਲਮ ਦਾ ਪੋਸਟਰ ਹਾਲ ਹੀ ਵਿੱਚ ਸੰਜੂ ਬਾਬਾ ਦੇ ਜਨਮ ਦਿਨ ਦੇ ਮੌਕੇ ਤੇ ਰਿਲੀਜ਼ ਕੀਤਾ ਗਿਆ ਹੈ। ਜਿਸ 'ਤੇ ਸੰਜੇ ਦੱਤ ਕਾਫ਼ੀ ਖ਼ੁਸ਼ ਤੇ ਉਤਸ਼ਾਹਿਤ ਵੀ ਨਜ਼ਰ ਆ ਰਹੇ ਹਨ। ਨਾਲ ਹੀ ਦੱਸ ਦਈਏ ਕਿ ਪੋਸਟਰ ਰਿਲੀਜ਼ ਹੋਣ 'ਤੇ ਹੀ ਇਹ ਪੋਸਟਰ ਸੁਰਖੀਆਂ ਵਿੱਚ ਆ ਗਿਆ ਹੈ ਦੱਸ ਦਈਏ ਕਿ ਫ਼ਿਲਮ ਨੂੰ ਪ੍ਰਸ਼ਾਨਥ ਨੀਲ ਨੇ ਡਾਇਰੈਕਟ ਕੀਤਾ ਸੀ ਤੇ ਇਸ ਫ਼ਿਲਮ ਦੇ ਭਾਗ ਦੂਜੇ ਨੂੰ ਵੀ ਪ੍ਰਸ਼ਾਨਥ ਨੀਲ ਹੀ ਡਾਇਰੈਕਟ ਕਰਨਗੇ। ਇਸ ਫ਼ਿਲਮ ਦੇ ਰਿਲੀਜ਼ ਮਿਤੀ ਹਾਲੇ ਤੱਕ ਸਾਹਮਣੇ ਨਹੀਂ ਆਈ ਹੈ।