ਮਹੁੱਬਤ ਦੇ ਕੁਝ ਅਜਿਹੇ ਸੱਚ ਜੋ ਸਿਰਫ਼ ਮੈਂ ਦਸਾਂਗਾ -ਜਾਨੀ

ਗੀਤਕਾਰ ਜਾਨੀ ਬਹੁਤ ਜ਼ਲਦ ਗਾਇਕੀ ਦੇ ਵਿੱਚ ਆਪਣਾ ਡੈਬਯੂ ਕਰਨ ਜਾ ਰਹੇ ਹਨ। ਇਸ ਦੀ ਜਾਣਕਾਰੀ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਹੈ।

ਚੰਡੀਗੜ੍ਹ: ਪੰਜਾਬੀ ਮਿਊਜ਼ਿਕ ਇੰਡਸਟਰੀ 'ਚ ਗੀਤਕਾਰ ਜਾਨੀ ਕਿਸੇ ਪਹਿਚਾਣ ਦਾ ਮਹੁਤਾਜ ਨਹੀਂ ਹੈ। ਇਸ ਗੀਤਕਾਰ ਨੇ ਕਈ ਗਾਇਕਾਂ ਨੂੰ ਆਪਣੀ ਕਲਮ ਦੇ ਨਾਲ ਹਿੱਟ ਕੀਤਾ ਹੈ ਪਰ ਹੁਣ ਇਹ ਗੀਤਕਾਰ ਖ਼ੁਦ ਗਾਇਕੀ ਦਾ ਰੁੱਖ ਕਰਨ ਜਾ ਰਿਹਾ ਹੈ।
ਹਾਲ ਹੀ ਦੇ ਵਿੱਚ ਜਾਨੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਗੀਤ 'ਜਾਨੀ ਵੇ ਜਾਨੀ' ਦਾ ਪੋਸਟਰ ਰਿਲੀਜ਼ ਕੀਤਾ ਹੈ। ਜਿਸ ਦੀ ਕੈਪਸ਼ਨ 'ਚ ਉਨ੍ਹਾਂ ਲਿਖਿਆ,"ਮਹੁੱਬਤ ਦੇ ਕੁਝ ਅਜਿਹੇ ਸੱਚ ਜੋ ਸਿਰਫ਼ ਮੈਂ ਦਸਾਂਗਾ।"

ਦੱਸਣਯੋਗ ਹੈ ਕਿ ਇਸ ਗੀਤ ਦੇ ਬੋਲ ਵੀ ਜਾਨੀ ਨੇ ਲਿਖੇ ਹਨ। ਇਸ ਗੀਤ ਨੂੰ ਸੰਗੀਤਬੱਧ ਸੁਖੀ ਮਿਊਜ਼ਿਕਲ ਡਾਕਟਰਜ਼ ਵੱਲੋਂ ਕੀਤਾ ਗਿਆ ਹੈ। ਬਹੁਤ ਜ਼ਲਦ ਇਸ ਗੀਤ ਨੂੰ ਦੇਸੀ ਮੈਲੋਡੀਜ਼ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਜਾ ਰਿਹਾ ਹੈ।