ਭਾਵੁਕ ਕਰ ਦੇਵੇਗਾ ਪ੍ਰਭ ਗਿੱਲ ਦਾ ਨਵਾਂ ਗੀਤ 'ਇੱਕ ਸੁਪਨਾ'

15 ਜਨਵਰੀ ਨੂੰ ਰਿਲੀਜ਼ ਹੋਇਆ ਪ੍ਰਭ ਗਿੱਲ ਦੀ ਆਵਾਜ਼ 'ਚ ਗੀਤ 'ਇੱਕ ਸੁਪਨਾ' ਨੂੰ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਇਹ ਗੀਤ ਯੂਟਿਊਬ 'ਤੇ ਨਬੰਰ 1 'ਤੇ ਟ੍ਰੈਂਡ ਕਰ ਰਿਹਾ ਹੈ।

ਚੰਡੀਗੜ੍ਹ: ਪੰਜਾਬੀ ਗਾਇਕ ਪ੍ਰਭ ਗਿੱਲ ਦਾ ਗੀਤ 'ਇੱਕ ਸੁਪਨਾ' ਯੂਟਿਊਬ 'ਤੇ ਨਬੰਰ 1 'ਤੇ ਟ੍ਰੈਂਡ ਕਰ ਰਿਹਾ ਹੈ। ਵਿੰਦਰ ਨੱਥੂਮਾਜਰਾ ਦੇ ਬੋਲਾਂ ਉੱਤੇ ਗੁਰਚਰਨ ਸਿੰਘ ਨੇ ਇਸ ਗੀਤ ਨੂੰ ਸੰਗੀਤ ਦੇ ਨਾਲ ਸ਼ਿੰਘਾਰਿਆ ਹੈ।

ਇਸ ਗੀਤ ਵਿੱਚ ਇੱਕ ਪਿਓ-ਧੀ ਦੇ ਰਿਸ਼ਤੇ ਨੂੰ ਵਿਖਾਇਆ ਗਿਆ ਹੈ। ਕਿਸ ਤਰ੍ਹਾਂ ਇੱਕ ਬਾਪ ਆਪਣੀ ਔਲਾਦ ਨੂੰ ਪਿਆਰ ਅਤੇ ਪਰਵਰਿਸ਼ ਨਾਲ ਪਾਲਦਾ ਹੈ ਅਤੇ ਉਹ ਹੀ ਔਲਾਦ ਵੱਡੀ ਹੋ ਕੇ 21 ਸਾਲਾਂ ਦਾ ਪਿਆਰ ਭੁੱਲ ਜਾਂਦੀ ਹੈ ਅਤੇ 21 ਦਿਨਾਂ ਦੇ ਪਿਆਰ ਨੂੰ ਸਚਾ ਪਿਆਰ ਕਹਿੰਦੀ ਹੈ।

ਇਸ ਗੀਤ ਵਿੱਚ ਸੁਨੇਹਾ ਦਿੱਤਾ ਗਿਆ ਹੈ ਕਿ ਉਨ੍ਹਾਂ ਨੂੰ ਕਦੀ ਨਾ ਭੁੱਲੋਂ ਜਿਨ੍ਹਾਂ ਨੇ ਤੁਹਾਨੂੰ ਵੱਡਾ ਕਰਨ ਲਈ ਆਪਣੇ ਆਪ ਨੂੰ ਭੁਲਾਇਆ ਹੈ। ਵਰਣਨਯੋਗ ਹੈ ਕਿ ਛੇਤੀ ਹੀ ਪ੍ਰਭ ਗਿੱਲ ਗਾਇਕ ਤੋਂ ਅਦਾਕਾਰ ਬਣਨ ਜਾ ਰਹੇ ਹਨ। ਉਨ੍ਹਾਂ ਦੀ ਡੈਬਿਯੂ ਪੰਜਾਬੀ ਫ਼ਿਲਮ ਯਾਰ ਅਣਮੁੱਲੇ ਰਿਟਰਨਜ਼ 6 ਮਾਰਚ 2020 ਨੂੰ ਸਿਨੇਮਾ ਘਰਾਂ 'ਚ ਦਸਤਕ ਦੇਵੇਗੀ। ਜ਼ਿਕਰਯੋਗ ਹੈ ਕਿ ਇਸ ਗੀਤ ਨੂੰ ਹੁਣ ਤੱਕ 1 ਮਿਲੀਅਨ ਤੋਂ ਵੱਧ ਲੋਕ ਵੇਖ ਚੁੱਕੇ ਹਨ।