ਚੰਡੀਗੜ੍ਹ: ਸਰਗੁਣ ਮਹਿਤਾ ਪੰਜਾਬੀ ਇੰਡਸਟਰੀ ਦਾ ਉਹ ਨਾਂਅ ਬਣ ਗਿਆ ਹੈ ਜੋ ਫ਼ਿਲਮ ਸੁਪਰਹਿੱਟ ਕਰਵਾ ਕੇ ਰਹਿੰਦਾ ਹੈ। 31 ਜੁਲਾਈ 2015 ਨੂੰ ਰਿਲੀਜ਼ ਹੋਈ ਫ਼ਿਲਮ ਅੰਗਰੇਜ਼ ਨੇ ਪੰਜਾਬੀ ਇੰਡਸਟਰੀ ਦੇ ਦੋ ਵੱਡੇ ਕਲਾਕਾਰਾਂ ਦੀ ਜ਼ਿੰਦਗੀ ਬਦਲ ਦਿੱਤੀ। ਇੱਕ ਨਾਂਅ ਸਰਗੁਣ ਮਹਿਤਾ ਅਤੇ ਦੂਜਾ ਨਾਂਅ ਐਮੀ ਵਿਰਕ, ਦੋਹਾਂ ਹੀ ਕਲਾਕਾਰਾਂ ਨੇ ਇਸ ਫ਼ਿਲਮ ਰਾਹੀਂ ਆਪਣੇ ਪਾਲੀਵੁੱਡ ਸਫ਼ਰ ਦੀ ਸ਼ੁਰੂਆਤ ਕੀਤੀ ਸੀ।
ਚੰਡੀਗੜ੍ਹ 'ਚ ਜਮ ਪਲ ਸਰਗੁਣ ਨੇ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਟੀਵੀ ਨਾਟਕਾਂ ਤੋਂ ਕੀਤੀ ਸੀ। ਪੰਜਾਬੀ ਇੰਡਸਟਰੀ 'ਚ ਆਉਣ ਦਾ ਸਬੱਬ ਮਸ਼ਹੂਰ ਲੇਖਕ ਅਤੇ ਨਿਰਦੇਸ਼ਕ ਅੰਬਰਦੀਪ ਸਿੰਘ ਰਾਹੀਂ ਬਣਿਆ। ਦਰਅਸਲ ਸਰਗੁਣ ਅਤੇ ਅੰਬਰਦੀਪ ਇੱਕ ਰਿਐਲਿਟੀ ਸ਼ੋਅ 'ਚ ਇੱਕਠੇ ਕੰਮ ਕਰਦੇ ਸੀ। ਅੰਬਰਦੀਪ ਉਸ ਵੇਲੇ ਅੰਗਰੇਜ਼ ਫ਼ਿਲਮ ਲਿਖ ਰਹੇ ਸੀ। ਧੰਨ ਕੌਰ ਦੇ ਕਿਰਦਾਰ ਲਈ ਉਨ੍ਹਾਂ ਨੂੰ ਸਰਗੁਣ ਪਸੰਦ ਆਈ।