ਪਟਨਾ: ਮਸ਼ਹੂਰ ਅਦਾਕਾਰ ਨਾਨਾ ਪਾਟੇਕਰ ਨੂੰ ਫਿਲਮਾਂ ਵਿੱਚ ਅਦਾਕਾਰੀ ਦਿਖਾਉਂਦੇ ਤਾਂ ਸਭ ਨੇ ਵੇਖਿਆ ਹੈ, ਪਰ ਸ਼ਨੀਵਾਰ ਨੂੰ ਬਾਲੀਵੁੱਡ ਅਦਾਕਾਰ ਬਿਹਾਰ ਪਹੁੰਚੇ। ਇੱਥੇ ਉਹ ਮੋਕਾਮਾ ਦੇ ਇੱਕ ਪਿੰਡ ਵਿੱਚ ਖੇਤਾਂ ਵਿੱਚ ਕਿਸਾਨਾਂ ਵਾਂਗੂ ਹਲ ਚਲਾਉਂਦੇ ਵੇਖਿਆ ਗਿਆ। ਦੱਸ ਦਈਏ ਕਿ ਨਾਨਾ ਪਾਟੇਕਰ ਸੀਆਰਪੀਐਫ ਦੇ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਮੋਕਾਮਾ ਆਏ ਸਨ।
ਫਿਲਮੀ ਪਰਦੇ ਦੇ ਮਸ਼ਹੂਰ ਕਲਾਕਾਰ ਦੁਪਹਿਰ ਤੋਂ ਬਾਅਦ ਪਿੰਡ ਪਹੁੰਚੇ। ਕੁੱਝ ਪਲ ਕਿਸਾਨਾਂ ਨਾਲ ਬਿਤਾਉਣ ਤੋਂ ਬਾਅਦ, ਉਨ੍ਹਾਂ ਨੇ ਬਿਹਾਰ ਦੇ ਪਿੰਡਾਂ ਦੀ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਕਿਹਾ ਕਿ ਭਾਰਤ ਸਿਰਫ਼ ਪਿੰਡਾਂ ਵਿੱਚ ਰਹਿੰਦਾ ਹੈ। ਇਸ ਸਮੇਂ ਦੌਰਾਨ ਉਨ੍ਹਾਂ ਨੇ ਖੇਤ ਵਿੱਚ ਹਲ ਵੀ ਚਲਾਇਆ।
ਇਸ ਮੌਕੇ ਨਾਨਾ ਪਾਟੇਕਰ ਨੇ ਕਿਸਾਨਾਂ ਦੀਆਂ ਮੁਸ਼ਕਿਲਾਂ ਬਾਰੇ ਵੀ ਜਾਣਕਾਰੀ ਲਈ। ਖੇਤਾਂ ਵਿੱਚ ਬਿਜਾਈ ਦਾ ਦ੍ਰਿਸ਼ ਵੀ ਵੇਖਿਆ। ਸਿਨੇਮਾ ਸਟਾਰ ਨਾਨਾ ਪਾਟੇਕਰ ਦੇ ਆਉਣ ਦੀ ਖ਼ਬਰ ਸੁਣਦਿਆਂ ਹੀ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਉਸ ਦੀ ਇੱਕ ਝਲਕ ਦੇਖਣ ਪਹੁੰਚੇ, ਪਰ ਪੁਲਿਸ ਨੇ ਕੋਰੋਨਾ ਦੀ ਲਾਗ ਅਤੇ ਸੁਰੱਖਿਆ ਕਾਰਨ ਪਿੰਡ ਵਾਸੀਆਂ ਨੂੰ ਦੂਰ ਰੱਖਿਆ।