ਹੈਦਰਾਬਾਦ: ਦੱਖਣ ਫਿਲਮ ਇੰਡਸਟਰੀ ਦੇ 'ਬਾਹੂਬਲੀ' ਸਟਾਰ ਪ੍ਰਭਾਸ ਅਤੇ ਦੱਖਣ ਦੀ ਖੂਬਸੂਰਤ ਅਦਾਕਾਰਾ ਪੂਜਾ ਹੇਗੜੇ ਸਟਾਰਰ ਫਿਲਮ 'ਰਾਧੇ-ਸ਼ਿਆਮ' ਰਿਲੀਜ਼ ਲਈ ਤਿਆਰ ਹੈ। ਇਹ ਫਿਲਮ 11 ਮਾਰਚ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਦੇਸ਼ ਭਰ 'ਚ ਫਿਲਮ ਦਾ ਪ੍ਰਚਾਰ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਫਿਲਮ ਦਾ ਇੱਕ ਹੋਰ ਰੋਮਾਂਟਿਕ-ਭਾਵਨਾ ਵਾਲਾ ਗੀਤ 'ਮੈਂ ਇਸ਼ਕ ਮੇਂ ਹੂੰ' 8 ਮਾਰਚ ਨੂੰ ਰਿਲੀਜ਼ ਹੋ ਗਿਆ ਹੈ। ਇਹ ਪੂਰਾ ਲਵ-ਸੈਡ ਗੀਤ ਹੈ, ਜਿਸ 'ਚ ਪ੍ਰਭਾਸ ਅਤੇ ਪੂਜਾ ਵਿਚਾਲੇ ਜ਼ਬਰਦਸਤ ਕੈਮਿਸਟਰੀ ਦੇਖਣ ਨੂੰ ਮਿਲ ਰਹੀ ਹੈ।
ਰਾਧਾ ਕ੍ਰਿਸ਼ਨ ਕੁਮਾਰ ਦੇ ਨਿਰਦੇਸ਼ਨ ਵਿੱਚ ਬਣੀ ਫ਼ਿਲਮ ‘ਰਾਧੇ ਸ਼ਿਆਮ’ ਦਾ ਨਵਾਂ ਗੀਤ ‘ਮੈਂ ਇਸ਼ਕ ਮੇਂ ਹੂੰ’ ਨੂੰ ਮਨਨ ਭਾਰਦਵਾਜ ਅਤੇ ਹਰਜੋਤ ਕੌਰ ਨੇ ਗਾਇਆ ਹੈ। ਗੀਤ ਨੂੰ ਸੰਗੀਤ ਮਨਨ ਭਾਰਦਵਾਜ ਨੇ ਦਿੱਤਾ ਹੈ। ਗੀਤ ਦੇ ਬੋਲ ਕੁਮਾਰ ਨੇ ਲਿਖੇ ਹਨ। ਇਸ ਗੀਤ 'ਚ ਪ੍ਰਭਾਸ ਅਤੇ ਪੂਜਾ ਵਿਚਾਲੇ ਪਿਆਰ ਅਤੇ ਵਿਛੋੜੇ ਦਾ ਦਰਦ ਦੇਖਣ ਨੂੰ ਮਿਲ ਰਿਹਾ ਹੈ। ਹੇਠਾਂ ਦਿੱਤਾ ਗੀਤ ਸੁਣੋ...
ਦੱਸ ਦੇਈਏ ਕਿ ਇਹ ਫਿਲਮ 11 ਮਾਰਚ ਨੂੰ ਦੁਨੀਆ ਭਰ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। 'ਰਾਧੇ ਸ਼ਿਆਮ' ਇੱਕ ਪੈਨ ਇੰਡੀਆ ਫਿਲਮ ਹੈ, ਜੋ ਤੇਲਗੂ ਦੇ ਨਾਲ-ਨਾਲ ਹਿੰਦੀ, ਕੰਨੜ, ਮਲਿਆਲਮ ਅਤੇ ਤਾਮਿਲ ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋਵੇਗੀ।