ਛੋਟੀ ਉਮਰੇ ਵੱਡੀਆਂ ਮੱਲਾਂ ਮਾਰ ਰਹੀ ਮੋਗਾ ਦੀ ਹੇਜ਼ਲ

ਮੋਗਾ 'ਚ ਰਹਿਣ ਵਾਲੀ 5 ਸਾਲਾਂ ਹੇਜ਼ਲ ਨੇ ਸੁਸ਼ਮਿਤਾ ਸੇਨ ਨਾਲ ਮਾਡਲਿੰਗ ਕੀਤੀ ਹੈ। ਹਾਲ ਹੀ ਦੇ ਵਿੱਚ ਉਹ ਇੱਕ ਸਕੂਲ 'ਚ ਵੈੱਬਸਾਇਟ ਲਾਂਚ ਕਰਨ ਪੁੱਜੀ। ਕਿਵੇਂ ਮਿਲਿਆ ਹੇਜ਼ਲ ਨੂੰ ਸੁਸ਼ਮਿਤਾ ਸੇਨ ਦੇ ਨਾਲ ਮਾਡਲਿੰਗ ਕਰਨ ਦਾ ਮੌਕਾ, ਪੜ੍ਹੋ ਪੂਰੀ ਖ਼ਬਰ ...

ਮੋਗਾ:ਸ਼ਹਿਰ 'ਚ ਰਹਿਣ ਵਾਲੀ 5 ਸਾਲਾਂ ਹੇਜ਼ਲ ਨੇ ਛੋਟੀ ਉਮਰੇ ਵੱਡੀਆਂ ਮੱਲਾਂ ਮਾਰੀਆਂ ਹਨ।ਛੋਟੀ ਜਿਹੀ ਉਮਰ 'ਚ ਹੇਜ਼ਲ ਨੇ ਵੱਡੀ ਪ੍ਰਾਪਤੀ ਹਾਸਿਲ ਕੀਤੀ ਹੈ। ਦੱਸ ਦਈਏ ਕਿ ਹੇਜ਼ਲ ਨੇ ਸੁਸ਼ਮਿਤਾ ਸੇਨ ਦੇ ਨਾਲ ਮਾਡਲਿੰਗ ਕੀਤੀ ਹੈ। ਦਰਅਸਲ, ਹੇਜ਼ਲ ਨੇ ਆਨਲਾਈਨ ਮਾਡਲਿੰਗ ਦਾ ਕੰਪੀਟੀਸ਼ਨ ਜਿੱਤ ਕੇ ਬਾਲੀਵੁੱਡ ਸਟਾਰ ਸੁਸ਼ਮਿਤਾ ਸੇਨ ਦੇ ਨਾਲ ਮਾਡਲਿੰਗ ਕੀਤੀ। ਹਾਲ ਹੀ ਦੇ ਵਿੱਚ ਮੋਗਾ ਦੇ ਕੇਪੀਐਸ ਸਕੂਲ ਵਿੱਚ ਹੋ ਰਹੇ ਹੈਲਥੀ ਬੱਚਿਆਂ ਦੇ ਫੋਟੋ ਕੰਪੀਟੀਸ਼ਨ ਦੀ ਵੈਬਸਾਈਟ ਲਾਂਚ ਕਰਨ ਹੇਜ਼ਲ ਪਹੁੰਚੀ।

ਇਸ ਮੌਕੇ ਹੇਜ਼ਲ ਦੀ ਮਾਂ ਨੇ ਆਪਣੀ ਬੇਟੀ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਇਹ ਹੇਜ਼ਲ ਦੀ ਕਿਸਮਤ ਹੈ, ਜੋ ਉਸ ਨੂੰ ਇਹ ਪ੍ਰਾਪਤੀ ਮਿਲੀ ਹੈ। ਉਨ੍ਹਾਂ ਕਿਹਾ ਕਿ ਇੱਕ ਸਮਾਂ ਸੀ ਜਦੋਂ ਉਨ੍ਹਾਂ ਦਾ ਸੁਪਨਾ ਸੀ ਮਾਡਲਿੰਗ ਕਰਨਾ, ਉਨ੍ਹਾਂ ਨੂੰ ਬਹੁਤ ਖੁਸ਼ੀ ਹੈ ਕਿ ਹੇਜ਼ਲ ਉਨ੍ਹਾਂ ਦਾ ਸੁਪਨਾ ਪੂਰਾ ਕਰ ਰਹੀ ਹੈ।

ਇਹ ਵੀ ਪੜ੍ਹੋ: ਜਲੰਧਰ ਵਿੱਚ ਖੇਡਿਆ ਜਾ ਰਿਹਾ ਸੁਰਜੀਤ ਸਿੰਘ ਹਾਕੀ ਟੂਰਨਾਮੈਂਟ ਦਾ ਫਾਈਨਲ ਮੈਚ

ਦੱਸ ਦਈਏ ਕਿ ਹੇਜ਼ਲ ਨੂੰ ਸੁਸ਼ਮਿਤਾ ਸੇਨ ਦੇ ਨਾਲ ਕੰਮ ਕਰਨ ਤੋਂ ਬਾਅਦ ਕਈ ਆਫ਼ਰ ਆਏ ਹਨ। ਯੂਕੇਜੀ 'ਚ ਪੜ੍ਹ ਰਹੀ ਹੇਜ਼ਲ ਨੂੰ ਜਦੋਂ ਸੁਸ਼ਮਿਤਾ ਸੇਨ ਦੇ ਨਾਲ ਕੰਮ ਕਰਨ ਦਾ ਤਜ਼ੁਰਬਾ ਪੁਛਿਆ ਗਿਆ ਤਾਂ ਉਸ ਨੇ ਜਵਾਬ ਬੜੇ ਹੀ ਕਿਊਟ ਜਿਹੇ ਅੰਦਾਜ਼ 'ਚ ਦਿੱਤਾ ਕਿ ਬਹੁਤ ਵਧੀਆ ਰਿਹਾ। ਜਦੋਂ ਹੇਜ਼ਲ ਤੋਂ ਇਹ ਪੁੱਛਿਆ ਗਿਆ ਕਿ ਵੱਡੇ ਹੋ ਕੇ ਉਹ ਕੀ ਬਣਨਾ ਚਾਹੁੰਦੀ ਹੈ ਤਾਂ ਇਸ ਦਾ ਜਵਾਬ ਉਸ ਨੇ ਮਾਡਲਿੰਗ ਦਿੱਤਾ।
ਜ਼ਿਕਰ-ਏ-ਖ਼ਾਸ ਹੈ ਕਿ ਅੱਜ ਛੋਟੀ ਉਮਰੇ ਬੱਚੇ ਵੱਡੀਆਂ ਮਲਾਂ ਮਾਰ ਰਹੇ ਹਨ। ਇਸ ਕਾਰਨ ਦੇਸ਼ ਅਤੇ ਸੂਬੇ ਦਾ ਨਾਂ ਤਾਂ ਰੋਸ਼ਨ ਹੁੰਦਾ ਹੀ ਹੈ, ਇਸ ਦੇ ਨਾਲ ਹੀ, ਬੱਚਿਆਂ ਦਾ ਆਤਮ ਵਿਸ਼ਵਾਸ਼ ਵੀ ਵੱਧਦਾ ਹੈ।