ਗੋਵਿੰਦਾ ਦੇ ਬੇਟੇ ਯਸ਼ਵਰਧਨ ਦਾ ਜੁਹੂ 'ਚ ਹੋਇਆ ਕਾਰ ਐਕਸੀਡੈਂਟ

ਰਿਪੋਰਟ ਦੇ ਅਨੁਸਾਰ ਗੋਵਿੰਦਾ ਦੇ ਬੇਟੇ ਯਸ਼ਵਰਧਨ ਆਹੂਜਾ ਦੀ ਗੱਡੀ ਬੀਤੀ ਰਾਤ ਮੁੰਬਈ ਦੇ ਜੁਹੂ ਇਲਾਕੇ ਵਿੱਚ ਹਾਦਸੇ ਦਾ ਸ਼ਿਕਾਰ ਹੋ ਗਈ ਹੈ। ਹਾਲਾਂਕਿ ਯਸ਼ਵਰਧਨ ਗੱਡੀ ਆਪ ਹੀ ਚਲਾ ਰਿਹਾ ਸੀ, ਪਰ ਉਹ ਸੁਰੱਖਿਅਤ ਹੈ।

ਮੁੰਬਈ: ਬਾਲੀਵੁੱਡ ਅਭਿਨੇਤਾ ਗੋਵਿੰਦਾ ਦੇ ਬੇਟੇ ਯਸ਼ਵਰਧਨ ਆਹੂਜਾ ਦੀ ਕਾਰ ਬੁੱਧਵਾਰ ਰਾਤ ਨੂੰ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਇਸ ਹਾਦਸੇ 'ਚ ਕੋਈ ਜ਼ਖਮੀ ਨਹੀ ਹੋਇਆ ਹੈ।

ਤਾਜ਼ਾ ਰਿਪੋਰਟਾਂ ਅਨੁਸਾਰ ਇਹ ਹਾਦਸਾ ਬੀਤੀ ਰਾਤ ਜੁਹੂ ਖੇਤਰ ਵਿੱਚ ਕਰੀਬ 8:30 ਵਜੇ ਵਾਪਰਿਆ, ਜਿਸ ਵਿੱਚ ਯਸ਼ਵਰਧਨ ਦੀ ਕਾਰ ਦਾ ਕੁਝ ਹਿੱਸਾ ਟੁੱਟ ਗਏ ਹਨ ਪਰ ਉਸਨੂੰ ਕੋਈ ਨੁਕਸਾਨ ਨਹੀਂ ਹੋਇਆ ਅਤੇ ਨਾ ਹੀ ਦੂਸਰੀ ਕਾਰ ਨੂੰ ਨੁਕਸਾਨ ਪਹੁੰਚਿਆ ਹੈ।

ਰਿਪੋਰਟ ਦੇ ਅਨੁਸਾਰ, ਹਾਦਸੇ ਦੇ ਸਮੇਂ ਯਸ਼ਵਰਧਨ ਗੱਡੀ ਚਲਾ ਰਿਹਾ ਸੀ। ਜਾਣਕਾਰੀ ਅਨੁਸਾਰ ਦੋਵੇਂ ਧਿਰਾਂ ਨੇ ਕੇਸ ਸੁਲਝਾ ਲਿਆ ਹੈ ਅਤੇ ਪੁਲਿਸ ਵਿੱਚ ਕੋਈ ਸ਼ਿਕਾਇਤ ਦਰਜ ਨਹੀਂ ਕੀਤੀ ਗਈ ਹੈ।

ਇਸ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵੀ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਗੋਵਿੰਦਾ ਵੀ ਮੌਕੇ 'ਤੇ ਵੇਖੇ ਜਾ ਸਕਦੇ ਹਨ।