ਫ਼ਿਲਮ 'ਛੜਾ' ਦਾ ਟਰੇਲਰ ਹੋ ਰਿਹੈ ਤਿਆਰ

ਦਿਲਜੀਤ ਦੋਸਾਂਝ ਨੇ ਆਪਣੀ ਆਉਣ ਵਾਲੀ ਫ਼ਿਲਮ 'ਛੜਾ' ਦੀ ਜਾਣਕਾਰੀ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਹੈ।

ਚੰਡੀਗੜ੍ਹ :ਬਾਲੀਵੁੱਡ ਅਤੇ ਪਾਲੀਵੁੱਡ ਦੇ ਸੁਪਰਸਟਾਰ ਦਿਲਜੀਤ ਦੋਸਾਂਝ ਨੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਸਾਂਝੀ ਕੀਤੀ ਹੈ ਜਿਸ 'ਚ ਉਨ੍ਹਾਂ ਆਪਣੀ ਆਉਣ ਵਾਲੀ ਫ਼ਿਲਮ 'ਛੜਾ' ਦੀ ਜਾਣਕਾਰੀ ਦਿੱਤੀ ਹੈ।
ਦਿਲਜੀਤ ਨੇ ਲਿਖਿਆ ਹੈ,"ਰੰਗਾਂ ਰੰਗ ਲੱਗ ਰਿਹੈ ਟਰੇਲਰ ਮੈਂ ਇੰਤਜ਼ਾਰ ਨਹੀਂ ਕਰ ਸਕਦਾ ਤੁਹਾਡੇ ਨਾਲ ਸਾਂਝਾ ਕਰਨ ਦੇ ਲਈ,ਸ਼ੁਕਰ ਬਾਬੇ ਦਾ..ਸ਼ੁਕਰ ,ਬੱਚਿਆਂ ਨੂੰ ਕੁਤਕੁਤਾਰੀਆਂ ..ਨੌਜਵਾਨਾਂ ਲਈ ਝੋਲ-ਮੋਲ .ਸਿਆਨਿਆਂ ਲਈ ਹਾਸੇ ..ਤੇ ਛੜਿਆਂ ਦੇ ਹੱਕ 'ਚ ਟਰੇਲਰ ਬਹੁਤ ਜਲਦ"

ਦੱਸਣਯੋਗ ਹੈ ਕਿ ਇਹ ਫ਼ਿਲਮ 21 ਜੂਨ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਇਸ ਫ਼ਿਲਮ 'ਚ ਦਿਲਜੀਤ ਤੋਂ ਇਲਾਵਾ ਨੀਰੂ ਬਾਜਵਾ ਵੀ ਮੁੱਖ ਭੂਮਿਕਾ 'ਚ ਵਿਖਾਈ ਦੇਵੇਗੀ। ਇੰਸਟਾਗ੍ਰਾਮ 'ਤੇ ਦੋਹਾਂ ਕਲਾਕਾਰਾਂ ਨੇ ਫ਼ਨੀ ਵੀਡੀਓਜ਼ ਰਾਹੀਂ ਫ਼ਿਲਮ ਦਾ ਪ੍ਰਮੋਸ਼ਨ ਸ਼ੁਰੂ ਕਰ ਦਿੱਤਾ ਹੈ।