ਹੈਦਰਾਬਾਦ: ਦਿੱਲੀ ਦੀ ਤਿਹਾੜ ਜੇਲ੍ਹ (Tihar Jail Delhi) ਵਿੱਚ ਬੰਦ 200 ਕਰੋੜ ਰੁਪਏ ਦੀ ਠੱਗੀ ਮਾਰਨ ਵਾਲੇ ਠੱਗ ਸੁਕੇਸ਼ ਚੰਦਰਸ਼ੇਖਰ ਬਾਰੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਸੁਕੇਸ਼ ਆਪਣੀ ਕਥਿਤ ਪ੍ਰੇਮਿਕਾ ਜੈਕਲੀਨ ਫਰਨਾਂਡੀਜ਼ ਨਾਲ ਆਪਣੇ ਆਉਣ ਵਾਲੇ ਪ੍ਰੋਜੈਕਟ ਵਿੱਚ ਇੱਕ ਫਿਲਮ ਬਣਾਉਣਾ ਚਾਹੁੰਦਾ ਸੀ। ਇਸ ਫਿਲਮ (Movie) ਦਾ ਬਜਟ 500 ਕਰੋੜ ਰੁਪਏ ਦੱਸਿਆ ਜਾ ਰਿਹਾ ਹੈ। ਖਾਸ ਗੱਲ ਇਹ ਹੈ ਕਿ ਸੁਕੇਸ਼ ਨੇ ਜੈਕਲੀਨ ਨੂੰ ਕਰੋੜਾਂ ਦਾ ਤੋਹਫਾ ਦਿੱਤਾ ਹੈ।
ਇੰਡੀਆ ਟੂਡੇ (India Today) ਦੀ ਇੱਕ ਖਬਰ ਮੁਤਾਬਕ ਠੱਗ ਸੁਕੇਸ਼ ਚੰਦਰਸ਼ੇਖਰ ਬਾਲੀਵੁੱਡ ਅਭਿਨੇਤਰੀ ਜੈਕਲੀਨ ਫਰਨਾਂਡੀਜ਼ (Bollywood actress Jacqueline Fernandez) ਨੂੰ ਲੁਭਾਉਣ ਲਈ ਵੱਡੀ ਯੋਜਨਾ ਬਣਾ ਰਿਹਾ ਸੀ। ਰਿਪੋਰਟ ਮੁਤਾਬਕ ਸੁਕੇਸ਼ ਨੇ ਜੈਕਲੀਨ ਨਾਲ ਫਿਲਮ ਬਣਾਉਣ ਦਾ ਵਾਅਦਾ ਕੀਤਾ ਸੀ। ਸੁਕੇਸ਼ ਨੇ ਜੈਕਲੀਨ ਨੂੰ ਕੁਝ ਫਰਜ਼ੀ ਅਤੇ ਏ-ਲਿਸਟ ਨਿਰਮਾਤਾਵਾਂ ਦਾ ਨਾਂ ਵੀ ਦਿੱਤਾ। ਸੁਕੇਸ਼ ਨੇ ਕਥਿਤ ਤੌਰ 'ਤੇ ਜੈਕਲੀਨ ਨੂੰ ਕਿਹਾ ਸੀ ਕਿ ਉਹ ਉਸ ਨਾਲ 500 ਕਰੋੜ ਰੁਪਏ ਦੇ ਬਜਟ ਨਾਲ ਇੱਕ ਮਹਿਲਾ ਸੁਪਰਹੀਰੋ ਫਿਲਮ ਦਾ ਨਿਰਮਾਣ ਕਰੇਗਾ। ਇਹ ਵੀ ਕਿਹਾ ਗਿਆ ਸੀ ਕਿ ਇਹ ਫਿਲਮ ਤਿੰਨ ਭਾਗਾਂ ਵਿੱਚ ਬਣੇਗੀ।
ਰਿਪੋਰਟ ਮੁਤਾਬਕ ਸੁਕੇਸ਼ ਨੂੰ ਚੰਗੀ ਤਰ੍ਹਾਂ ਪਤਾ ਸੀ ਕਿ ਜੈਕਲੀਨ ਬਾਲੀਵੁੱਡ 'ਚ ਕੰਮ ਦੀ ਤਲਾਸ਼ ਕਰ ਰਹੀ ਹੈ ਅਤੇ ਉਸ ਦੇ ਹੱਥਾਂ 'ਚ ਬਹੁਤੀਆਂ ਫਿਲਮਾਂ (Movies) ਨਹੀਂ ਲੱਗ ਸਕੀਆਂ। ਅਜਿਹੇ 'ਚ ਸੁਕੇਸ਼ ਨੇ ਜੈਕਲੀਨ ਨੂੰ ਲੁਭਾਉਣ ਲਈ ਉਸ ਦਾ ਇਸਤੇਮਾਲ ਕੀਤਾ। ਅਜਿਹੇ 'ਚ ਸੁਕੇਸ਼ ਨੇ ਜੈਕਲੀਨ ਨਾਲ ਵਾਅਦਾ ਕੀਤਾ ਸੀ ਕਿ ਉਹ ਉਸ ਨਾਲ ਭਾਰਤ ਦੀ ਪਹਿਲੀ ਮਹਿਲਾ ਸੁਪਰਹੀਰੋ ਫਿਲਮ ਬਣਾਏਗਾ, ਜਿਸ 'ਚ ਹਾਲੀਵੁੱਡ ਦੇ ਵੀਐੱਫਐਕਸ ਕਲਾਕਾਰ (Hollywood VFX artist) ਕੰਮ ਕਰਨਗੇ। ਇਹ ਵੀ ਕਿਹਾ ਗਿਆ ਸੀ ਕਿ ਇਸ ਫਿਲਮ (Movie) ਦੀ ਸ਼ੂਟਿੰਗ ਵਿਸ਼ਵ ਪੱਧਰ 'ਤੇ ਕੀਤੀ ਜਾਵੇਗੀ।