ਪਿਆਰ ਵਿੱਚ ਆਈ ਦੂਰੀ ਨੂੰ ਵਿਖਾਉਂਦਾ ਹੈ ਗੀਤ 'ਚੰਨਾ ਵੇ'

ਪੰਜਾਬੀ ਫ਼ਿਲਮ ਸੁਫਨਾ ਦੇ ਗੀਤਾਂ ਨੂੰ ਦਰਸ਼ਕ ਚੰਗੀ ਪ੍ਰਤੀਕਿਰੀਆ ਦੇ ਰਹੇ ਹਨ। ਫ਼ਿਲਮ ਦੇ ਗੀਤ 'ਕਬੂਲ ਏ' ਅਤੇ 'ਜਾਨ ਦਿਆਂ ਗੇ' ਨੂੰ ਦਰਸ਼ਕ ਕਾਫ਼ੀ ਪਸੰਦ ਕਰ ਰਹੇ ਹਨ।

ਚੰਡੀਗੜ੍ਹ: ਐਮੀ ਵਿਰਕ ਅਤੇ ਤਾਨੀਆ ਦੀ ਮੁੱਖ ਭੂਮੀਕਾ ਵਾਲੀ ਫ਼ਿਲਮ 'ਸੁਫਨਾ' ਦਾ ਗੀਤ ਯੂਟਿਊਬ 'ਤੇ ਕਾਫ਼ੀ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ਇਸ ਫ਼ਿਲਮ ਦੇ ਗੀਤ 'ਕਬੂਲ ਏ' ਅਤੇ 'ਜਾਨ ਦਿਆਂ ਗੇ' ਨੂੰ ਦਰਸ਼ਕ ਖ਼ੂਬ ਪਸੰਦ ਕਰ ਰਹੇ ਹਨ। ਹਾਲ ਹੀ ਵਿੱਚ ਇਸ ਫ਼ਿਲਮ ਦਾ ਤੀਜਾ ਗੀਤ 'ਚੰਨਾ ਵੇ' ਦਰਸ਼ਕਾਂ ਦੇ ਰੂਬਰੂ ਹੋ ਚੁੱਕਿਆ ਹੈ। ਇਸ ਗੀਤ ਵਿੱਚ ਪਿਆਰ ਵਿੱਚ ਆਈ ਦੂਰੀ ਵਿਖਾਈ ਗਈ ਹੈ। ਜਾਨੀ ਦੇ ਬੋਲਾਂ ਉੱਤੇ ਬੀ ਪ੍ਰਾਕ ਦੀ ਆਵਾਜ਼ ਬਹੁਤ ਹੀ ਦਰਦ ਭਰੀ ਹੈ। ਇਸ ਗੀਤ ਨੂੰ ਬੀ ਪ੍ਰਾਕ ਨੇ ਆਪਣੇ ਸੰਗੀਤ ਦੇ ਨਾਲ ਪੇਸ਼ ਕੀਤਾ ਹੈ।

ਜ਼ਿਕਰਯੋਗ ਹੈ ਕਿ ਫ਼ਿਲਮ 'ਸੁਫਨਾ' 14 ਫ਼ਰਵਰੀ ਨੂੰ ਸਿਨੇਮਾ ਘਰਾਂ 'ਚ ਰੀਲੀਜ਼ ਹੋਵੇਗੀ। ਸਾਲ 2020 ਐਮੀ ਵਿਰਕ ਲਈ ਬਹੁਤ ਖ਼ਾਸ ਹੈ ਕਿਉਂਕਿ ਇਸ ਸਾਲ ਉਨ੍ਹਾਂ ਦੀ ਪਹਿਲੀ ਬਾਲੀਵੁੱਡ ਫ਼ਿਲਮ '83' ਵੀ ਰਿਲੀਜ਼ ਹੋ ਰਹੀ ਹੈ।