ਜਲੰਧਰ: ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਹਰ ਕੋਈ ਆਪਣੀਆਂ ਭਾਵਨਾਵਾਂ ਨੂੰ ਪ੍ਰਗਟ ਕਰਨ ਦੇ ਵਿੱਚ ਲਗਿਆ ਹੋਇਆ ਹੈ। ਇਸੇ ਹੀ ਸਬੰਧੀ ਸੁਲਤਾਨਪੁਰ ਲੋਧੀ ਵਿੱਖੇ ਬਾਬਾ ਕਸ਼ਮੀਰ ਸਿੰਘ ਜੀ ਉਨ੍ਹਾਂ ਲੱਖਾਂ ਸੰਗਤਾਂ ਵਿੱਚੋਂ ਇੱਕ ਹਨ ਜੋ ਸੁਲਤਾਨਪੁਰ ਵਿੱਖੇ ਗੁਰਦੁਆਰਾ ਬੇਰ ਸਾਹਿਬ ਸ੍ਰੀ ਗੁਰੂ ਨਾਨਕ ਅਤੇ ਬੀਬੀ ਨਾਨਕੀ ਦੀਆਂ ਕਵਿਤਾਵਾਂ ਤੂੰਬਾ ਵਜਾ ਕੇ ਲੋਕਾਂ ਨੂੰ ਸੁਣਾਉਂਦੇ ਹਨ।
ਕਸ਼ਮੀਰ ਸਿੰਘ ਕਹਿੰਦੇ ਹਨ ਕਿ ਉਹ ਲਗਾਤਾਰ ਕਈ ਦਿਨਾਂ ਤੋਂ ਇੱਥੇ ਆ ਰਹੇ ਹਨ ਅਤੇ ਜਦੋਂ ਤੱਕ ਗੁਰਪੁਰਬ ਨਿਕਲ ਨਹੀਂ ਜਾਂਦਾ ਉਹ ਰੋਜ਼ ਇੱਥੇ ਆ ਕੇ ਇਸੇ ਤਰੀਕੇ ਨਾਲ ਲੋਕਾਂ ਨੂੰ ਕਵਿਤਾਵਾਂ ਸੁਣਾਉਣਗੇ। ਉਹ ਇਨ੍ਹਾਂ ਕਵਿਤਾ ਇੱਕ ਪਾਸੇ ਬਾਬਾ ਨਾਨਕ ਅਤੇ ਬੀਬੀ ਨਾਨਕੀ ਦੇ ਜੀਵਨ ਬਾਰੇ ਲੋਕਾਂ ਨੂੰ ਜਾਣੂ ਕਰਵਾ ਰਹੇ ਹਨ ਨਾਲ ਹੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਦਿੱਤੇ ਹੋਏ ਸੰਦੇਸ਼ ਵੀ ਲੋਕਾਂ ਤੱਕ ਪਹੁੰਚਾ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਕਸ਼ਮੀਰ ਸਿੰਘ ਤੋਂ ਇਲਾਵਾ ਪੰਜਾਬੀ ਇੰਡਸਟਰੀ ਦੇ ਕਈ ਗਾਇਕ ਵੀ ਗੁਰੂ ਨਾਨਕ ਦੇਵ ਜੀ ਨੂੰ ਸਮਰਪਿਤ ਆਪਣੀਆਂ ਭਾਵਨਾਵਾਂ ਗੀਤ ਰਾਹੀਂ ਪ੍ਰਗਟ ਕਰ ਰਹੇ ਹਨ। ਇਸ ਸੂਚੀ 'ਚ ਬੱਬੂ ਮਾਨ,ਸੁਨੰਦਾ ਸ਼ਰਮਾ, ਜਸਬੀਰ ਜੱਸੀ ਦਾ ਨਾਂਅ ਸ਼ਾਮਿਲ ਹੈ।