ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ ਨੇ ਇੰਡਸਟਰੀ ਵਿੱਚ ਆਪਣੇ ਕੰਮ ਤੋਂ ਬਹੁਤ ਨਾਮ ਕਮਾਇਆ ਹੈ। ਹਾਲ ਹੀ ਵਿੱਚ, ਅਭਿਨੇਤਰੀ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਕਲਿੱਪ ਵਿੱਚ, ਸ਼ਰਧਾ ਕਪੂਰ ਆਪਣੇ ਦੋਸਤਾਂ ਦੇ ਨਾਲ ਇੱਕ ਰੈਸਟੋਰੈਂਟ ਦੇ ਬਾਹਰ ਖੜ੍ਹੀ ਹੈ। ਇਸ ਦੌਰਾਨ ਇੱਕ ਗਰੀਬ ਬਜ਼ੁਰਗ ਉਨ੍ਹਾਂ ਤੋਂ ਮਦਦ ਮੰਗਦਾ ਵਿਖਾਈ ਦੇ ਰਿਹਾ ਹੈ। ਇਸ ਵੀਡੀਓ ਵਿੱਚ ਵਿਖਾਈ ਦੇ ਰਿਹਾ ਹੈ ਕਿ ਪਹਿਲਾਂ, ਅਭਿਨੇਤਰੀ ਉਸ ਵੱਲ ਧਿਆਨ ਨਹੀਂ ਦਿੰਦੀ ਪਰ ਫਿਰ ਵਾਰ-ਵਾਰ ਪੁੱਛਣ ਤੋਂ ਬਾਅਦ ਸ਼ਰਧਾ ਕਪੂਰ ਉਸ ਬਜ਼ੁਰਗ ਅੱਗੇ ਹੱਥ ਜੋੜ ਦਿੰਦੀ ਹੈ। ਸੋਸ਼ਲ ਮੀਡੀਆ ‘ਤੇ ਲੋਕਾਂ ਵੱਲੋਂ ਸ਼ਰਧਾ ਕਪੂਰ ਦੀ ਕਾਫੀ ਆਲੋਚਨਾ ਕੀਤੀ ਜਾ ਰਹੀ ਹੈ ਤੇ ਇਸਦੇ ਨਾਲ ਹੀ ਕਈ ਲੋਕ ਉਨ੍ਹਾਂ ਦੇ ਸਮਰਥਨ ਵਿੱਚ ਵੀ ਆ ਰਹੇ ਹਨ।
ਵਿਰਲ ਭਯਾਨੀ ਨੇ ਸ਼ਰਧਾ ਕਪੂਰ ਦਾ ਇਹ ਵੀਡੀਓ ਆਪਣੇ ਇੰਸਟਾਗ੍ਰਾਮ ਪੇਜ 'ਤੇ ਸਾਂਝਾ ਕੀਤਾ ਹੈ। ਇਸ ਵੀਡੀਓ 'ਤੇ ਟਿੱਪਣੀ ਕਰਦਿਆਂ, ਇੱਕ ਉਪਭੋਗਤਾ ਨੇ ਲਿਖਿਆ ਕਿ 'ਕਰੋੜਾਂ ਵਿੱਚ ਕਮਾਉਂਦੇ ਹਨ, ਪਰ ਚਾਚੇ ਨੂੰ ਖਾਣ ਦੇ ਲਈ ਇੱਕ ਭੋਜਨ ਦੀ ਪਲੇਟ ਨਹੀਂ ਦੇ ਸਕਦੇ। ਭਾਵੇਂ ਤੁਸੀਂ ਪੈਸੇ ਨਹੀਂ ਦੇ ਸਕਦੇ, ਪਰ ਤੁਸੀਂ ਕੁਝ ਖਾਣ ਲਈ ਤਾਂ ਦੇ ਸਕਦੇ ਸੀ। ਉਸਨੇ ਨਾਲ ਹੀ ਕਿਹਾ ਕਿ ਦੁਨੀਆ ਕਿਉਂ ਇੰਨ੍ਹੀ ਮਤਲਬੀ ਹੋ ਰਹੀ ਹੈ।' ਇੱਕ ਹੋਰ ਉਪਭੋਗਤਾ ਨੇ ਲਿਖਿਆ, 'ਕੀ ਕਰਨਾ ਹੈ ਜੇ ਤੁਸੀਂ ਇੰਨੇ ਵੱਡੇ ਬੈਗ ਲੈਕੇ ਜੇ ਕਿਸੇ ਨੂੰ 10 ਰੁਪਏ ਤੱਕ ਨਹੀਂ ਦੇ ਸਕਦੇ।'