ਵਿਕਾਸ ਖੰਨਾ ਅਤੇ ਨੀਨਾ ਗੁਪਤਾ ਨੂੰ ਮਿਲਿਆ ਨਵੇਂ ਸਾਲ ਦਾ ਤੋਹਫ਼ਾ

ਵਿਕਾਸ ਖੰਨਾ ਵੱਲੋਂ ਨਿਰਦੇਸ਼ਤ ਅਤੇ ਨੀਨਾ ਗੁਪਤਾ ਸਟਾਰਰ ਫਿਲਮ 'ਦਿ ਲਾਸਟ ਕਲਰ' ਆਸਕਰ 2020 ਵਿੱਚ ਸਰਵੋਤਮ ਫ਼ੀਚਰ ਫ਼ਿਲਮ ਲਈ ਨਾਮਜ਼ਦ ਕੀਤੀ ਜਾਣ ਵਾਲੀ ਸੂਚੀ 'ਚ ਸ਼ਾਮਿਲ ਹੋ ਗਈ ਹੈ। ਨਾਮਜ਼ਦ ਫਿਲਮਾਂ ਦੀ ਅਧਿਕਾਰਤ ਸੂਚੀ 13 ਜਨਵਰੀ ਨੂੰ ਜਾਰੀ ਹੋਵੇਗੀ।

ਮੁੰਬਈ: ਮਸ਼ਹੂਰ ਸ਼ੈੱਫ ਤੋਂ ਫ਼ਿਲਮ ਨਿਰਦੇਸ਼ਕ ਬਣੇ ਵਿਕਾਸ ਖੰਨਾ ਲਈ ਸਾਲ 2020 ਖੁਸ਼ੀਆਂ ਲੈ ਕੇ ਆਇਆ ਹੈ। ਉਨ੍ਹਾਂ ਦੀ ਪਹਿਲੀ ਬਤੌਰ ਨਿਰਦੇਸ਼ਕ ਫ਼ਿਲਮ 'ਦਿ ਲਾਸਟ ਕਲਰ' ਆਸਕਰ ਨੌਮੀਨੇਸ਼ਨ ਦੇ ਲਈ ਚੋਣ ਪ੍ਰਕਰਿਆ ਦਾ ਹਿੱਸਾ ਬਣ ਗਈ ਹੈ।

ਹਾਲ ਹੀ ਵਿੱਚ ਜਾਰੀ ਕੀਤੀ ਗਈ ਆਸਕਰ ਵੱਲੋਂ ਸੂਚੀ 'ਚ ਹਾਲੀਵੁੱਡ ਅਤੇ ਕਈ ਬਲਾਕਬਸਟਰ ਫ਼ਿਲਮਾਂ ਦੇ ਨਾਂਅ ਸ਼ਾਮਿਲ ਹਨ। ਇਨ੍ਹਾਂ ਫ਼ਿਲਮਾਂ ਵਿੱਚ ਜੋਕਰ, ਐਵੇਂਜਰਸ ਐਂਡਗੇਮ, ਦਿ ਗੁੱਡ ਲਾਇਰ, ਜੋਜੋ ਰੈਬਿਟ' ਵਰਗੀਆਂ ਫ਼ਿਲਮਾਂ ਦੇ ਨਾਂਅ ਸ਼ਾਮਿਲ ਹਨ।

ਆਸਕਰ ਦੀ ਆਫ਼ੀਸ਼ਲ ਵੈੱਬਸਾਇਟ ਮੁਤਾਬਿਕ ਆਸਕਰ 2020 ਲਈ ਅਧਿਕਾਰਤ ਨਾਮਜ਼ਦਗੀਆਂ ਦਾ ਐਲਾਨ 13 ਜਨਵਰੀ ਨੂੰ ਹੋਵੇਗਾ। ਵਿਕਾਸ ਖੰਨਾ ਨੇ ਆਪਣੀ ਖੁਸ਼ੀ ਨੂੰ ਜ਼ਾਹਿਰ ਕਰਦੇ ਹੋਏ ਅਦਕਾਰਾ ਨੀਨਾ ਗੁਪਤਾ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਨੀਨਾ ਮੇਰੀ ਕਹਾਣੀ 'ਤੇ ਭਰੋਸਾ ਕਰਨ ਲਈ ਧੰਨਵਾਦ।

ਜ਼ਿਕਰਯੋਗ ਹੈ ਕਿ 'ਦਿ ਲਾਸਟ ਕਲਰ' ਅੱਜੇ ਤੱਕ ਭਾਰਤ ਵਿੱਚ ਰਿਲੀਜ਼ ਨਹੀਂ ਹੋਈ ਹੈ ਪਰ ਇਸ ਫ਼ਿਲਮ ਨੇ ਕਈ ਫ਼ਿਲਮ ਫ਼ੈਸਟੀਵਲਾਂ ਵਿੱਚ ਐਵਾਰਡ ਜਿੱਤੇ ਹਨ।