ਜੈਲਲਿਤਾ ਬਾਇਓਪਿਕ ਕੰਗਨਾ ਦੀ ਝੋਲੀ ਵਿੱਚ ਆਈ

ਵਿਦਿਆ ਬਾਲਨ ਨੂੰ ਪਹਿਲਾਂ 'ਜੈ ਲਲਿਤਾ' ਦੀ ਬਾਇਓਪਿਕ ਲਈ ਕਾਸਟ ਕੀਤਾ ਜਾਣਾ ਸੀ, ਪਰ ਹੁਣ ਕੰਗਨਾ ਰਣੌਤ ਇਸ ਫ਼ਿਲਮ ਕਰਨ ਜਾ ਰਹੀ ਹੈ। ਜਿਸ 'ਤੇ ਵਿਦਿਆ ਨੇ ਹੁਣ ਪ੍ਰਤੀਕਿਰਿਆ ਦਿੱਤੀ ਹੈ।

ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰਾ ਵਿਦਿਆ ਬਾਲਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫ਼ਿਲਮ 'ਮਿਸ਼ਨ ਮੰਗਲ' ਦੇ ਪ੍ਰਮੋਸ਼ਨ 'ਚ ਰੁੱਝੀ ਹੋਈ ਹੈ। ਵਿਦਿਆ ਨੂੰ ਜੈ ਲਲਿਤਾ ਦੀ ਬਾਇਓਪਿਕ ਲਈ ਵੀ ਕਾਸਟ ਕੀਤਾ ਗਿਆ ਸੀ ਪਰ ਕਿਸੇ ਵਜ੍ਹਾਂ ਕਰਕੇ ਵਿਦਿਆ ਨੂੰ ਇਹ ਫ਼ਿਲਮ ਨਹੀਂ ਮਿਲ ਸਕੀ। ਵਿਦਿਆ ਤੋਂ ਬਾਅਦ ਕੰਗਨਾ ਰਨੌਤ ਨੂੰ ਇਸ ਫ਼ਿਲਮ 'ਚ ਕਾਸਟ ਕੀਤਾ ਗਿਆ ਸੀ। ਹੁਣ ਇਸ ਨਾਲ ਵਿਦਿਆ ਦੀ ਪ੍ਰਤੀਕ੍ਰਿਆ ਸਾਹਮਣੇ ਆ ਗਈ ਹੈ।
ਇੱਕ ਇੰਟਰਵਿਊ ਵਿੱਚ ਵਿਦਿਆ ਨੇ ਕਿਹਾ, ‘ਮੈਂ ਪਹਿਲਾਂ ਹੀ ਇੱਕ ਪ੍ਰਭਾਵਸ਼ਾਲੀ ਰਾਜਨੇਤਾ ਦੀ ਬਾਇਓਪਿਕ ਵਿੱਚ ਕੰਮ ਕਰ ਰਹੀ ਹਾਂ। ਮੈਂ ਇੰਦਰਾ ਗਾਂਧੀ ਦੀ ਵੈੱਬ ਸੀਰੀਜ਼ ਲਈ ਇੱਕ ਕਿਤਾਬ ਦੇ ਅਧਿਕਾਰ ਵੀ ਖਰੀਦੇ ਹਨ।
ਜੈ ਲਲਿਤਾ ਦੀ ਬਾਇਓਪਿਕ 'ਚ ਕੰਮ ਕਰਨ ਵਾਲੀ ਕੰਗਨਾ ਦੇ ਸਵਾਲ' ਤੇ ਵਿਦਿਆ ਨੇ ਕਿਹਾ, 'ਜੇਕਰ ਦੋ ਬਾਇਓਪਿਕਸ ਵਿਚਾਲੇ ਦੋ ਸਾਲਾਂ ਦਾ ਅੰਤਰ ਹੁੰਦਾ, ਤਾਂ ਸ਼ਾਇਦ ਸਭ ਕੁਝ ਠੀਕ ਹੁੰਦਾ। ਵਿਦਿਆ ਨੇ ਖੁਸ਼ੀ ਜ਼ਾਹਿਰ ਕੀਤੀ ਕਿ ਕੰਗਨਾ ਰਨੌਤ 'ਜੈਲਲਿਤਾ' ਦੀ ਬਾਇਓਪਿਕ ਵਿੱਚ ਕੰਮ ਕਰ ਰਹੀ ਹੈ।
ਵਿਦਿਆ ਬਾਲਨ ਆਪਣੀ ਅਗਲੀ ਫ਼ਿਲਮ ਵਿੱਚ 'ਸ਼ਕੁੰਤਲਾ ਦੇਵੀ' ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਵਿਦਿਆ ਫ਼ਿਲਮ ਵਿੱਚ ਆਪਣੇ ਕਿਰਦਾਰ ਬਾਰੇ ਕਹਿੰਦੀ ਹੈ ਕਿ ਇਸ ਕਿਰਦਾਰ ਨੂੰ ਨਿਭਾਉਣਾ ਮਜ਼ੇਦਾਰ ਹੋਵੇਗਾ।
'ਸ਼ਕੁੰਤਲਾ ਦੇਵੀ' ਤੇਜ਼ ਗਣਨਾ ਕਰਨ ਦੀ ਯੋਗਤਾ ਲਈ ਜਾਣੀ ਜਾਂਦੀ ਸੀ। ਉਸ ਦੀ ਪ੍ਰਤਿਭਾ ਪਹਿਲੀ ਵਾਰ 5 ਸਾਲ ਦੀ ਉਮਰ ਵਿੱਚ ਸਾਹਮਣੇ ਆਈ, ਜਦੋਂ ਉਸਨੇ 18 ਸਾਲ ਦੇ ਵਿਦਿਆਰਥੀਆਂ ਲਈ ਗਣਿਤ ਦੀ ਸਮੱਸਿਆ ਦਾ ਹੱਲ ਕੀਤਾ ਸੀ।