ਮੁਬੰਈ: ਬਾਲੀਵੁੱਡ ਦੇ ਉੱਘੇ ਅਦਾਕਾਰ ਤੇ 'ਮੋਮ ਕੀ ਗੁੜੀਆ' ਫਿਲਮ ਦੇ ਮਸ਼ਹੂਰ ਅਦਾਕਾਰ ਰਤਨ ਚੋਪੜਾ ਦਾ ਕੈਂਸਰ ਕਾਰਨ ਬੀਤੇ ਸ਼ੁੱਕਰਵਾਰ ਨੂੰ ਦੇਹਾਂਤ ਹੋ ਗਿਆ। ਇਸ ਦੀ ਪੁਸ਼ਟੀ ਰਤਨ ਚੋਪੜਾ ਦੀ ਗੋਦ ਲਈ ਕੁੜੀ ਅਨੀਤਾ ਨੇ ਕੀਤੀ। ਅਦਾਕਾਰ ਰਤਨ ਚੋਪੜਾ ਪਿਛਲੇ ਕਈ ਦਿਨਾਂ ਤੋਂ ਕੈਂਸਰ ਨਾਲ ਜੂਝ ਰਹੇ ਸੀ।
ਅਦਾਕਾਰ ਰਤਨ ਚੋਪੜਾ ਨੇ ਪੰਜਾਬ ਦੇ ਮਲੇਰਕੋਟਲਾ 'ਚ ਆਖਰੀ ਸਾਹ ਲਏ ਸੀ। ਅਦਾਕਾਰ ਰਤਨ ਚੋਪੜਾ ਗ਼ਰੀਬੀ ਵਾਲੇ ਸਮੇਂ ਚੋਂ ਲੰਘ ਰਹੇ ਸੀ ਉਨ੍ਹਾਂ ਕੋਲ ਦੋ ਵਕਤ ਦੀ ਰੋਟੀ ਖਾਣ ਲਈ ਵੀ ਪੈਸੇ ਨਹੀਂ ਸੀ। ਉਹ ਜ਼ਿਆਦਾਤਰ ਰੋਟੀ ਗੁਰਦੁਆਰਾ ਤੇ ਮੰਦਰ 'ਚ ਲੱਗਣ ਵਾਲੇ ਲੰਗਰ ਚੋਂ ਹੀ ਖਾਂਦੇ ਸੀ। ਰਤਨ ਚੋਪੜਾ ਕਾਫੀ ਸਮੇਂ ਤੋਂ ਪੰਚਕੂਲਾ ਦੇ ਸੈਕਟਰ 26 ਦੇ ਕਿਰਾਏ ਵਾਲੇ ਮਕਾਨ 'ਚ ਰਹਿੰਦੇ ਸੀ।