#soty2 ਫ਼ਿਲਮ ਵੇਖਣੀ ਤਾਂ ਆਪਣੇ ਰਿਸਕ 'ਤੇ ਹੀ ਵੇਖੋ: ਦਰਸ਼ਕ

10 ਮਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਫ਼ਿਲਮ ਨੂੰ ਮਿਲਿਆ-ਜੁਲਿਆ ਹੀ ਰਿਸਪੌਂਸ ਮਿਲਿਆ ਹੈ।

ਚੰਡੀਗੜ੍ਹ: ਕਰਨ ਜੌਹਰ ਦੀ ਫ਼ਿਲਮ 'ਸਟੂਡੇਂਟ ਆਫ਼ ਦਿ ਈਅਰ 2' ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋ ਚੁੱਕੀ ਹੈ। ਇਸ ਫ਼ਿਲਮ 'ਚ ਟਾਈਗਰ ਸ਼ਰਾਫ ਤੋਂ ਇਲਾਵਾ ਤਾਰਾ ਸੁਤਾਰਿਆ ਅਤੇ ਅਨੰਨਿਆ ਪਾਂਡੇ ਵੀ ਮੁੱਖ ਭੂਮਿਕਾ 'ਚ ਹਨ। ਇਸ ਫ਼ਿਲਮ ਰਾਹੀਂ ਬਾਲੀਵੁੱਡ 'ਚ ਡੈਬਯੂ ਕਰ ਰਹੇ ਤਾਰਾ ਸੁਤਾਰਿਆ ਅਤੇ ਅਨੰਨਿਆ ਪਾਂਡੇ ਦੀ ਅਦਾਕਾਰੀ ਲੋਕਾਂ ਨੂੰ ਪਸੰਦ ਆਈ ਹੈ।

ਫ਼ਿਲਮ ਨੂੰ ਮਿਲਿਆ-ਜੁਲਿਆ ਹੀ ਰਿਸਪੌਂਸ ਮਿਲਿਆ ਹੈ। ਬੇਸ਼ੱਕ ਸਿਨਮੇਟੋਗ੍ਰਾਫ਼ੀ ਕਮਾਲ ਦੀ ਹੈ ਪਰ ਫ਼ਿਲਮ 'ਚ ਕੰਟੇਂਟ ਦੀ ਕਮੀ ਹੈ ,ਕਾਮੇਡੀ ਦੀ ਢੁੱਕਵੀ ਪੇਸ਼ਕਾਰੀ ਫ਼ਿਲਮ 'ਚ ਨਹੀਂ ਕੀਤੀ ਗਈ।

ਦੱਸਣਯੋਗ ਹੈ ਕਿ ਜੋ ਦਰਸ਼ਕ ਪਹਿਲਾਂ ਸ਼ੋਅ ਵੇਖ ਕੇ ਆਏ ਹਨ ਉਨ੍ਹਾਂ ਦਾ ਕਹਿਣਾ ਇਹ ਹੈ ਕਿ ਫ਼ਿਲਮ ਵੇਖਣੀ ਹੈ ਤਾਂ ਆਪਣੇ ਰਿਸਕ 'ਤੇ ਹੀ ਵੇਖੋ।

ਫ਼ਿਲਮ ਦੇ ਟ੍ਰਲੇਰ ਤੋਂ ਹੀ ਸਪਸ਼ਟ ਹੋ ਜਾਂਦਾ ਹੈ ਕਿ ਇਸ ਫ਼ਿਲਮ 'ਚ ਲਵ ਟ੍ਰਾਈਐਂਗਲ ਵੇਖਣ ਨੂੰ ਮਿਲੇਗਾ। ਜੋ ਇਸ ਫ਼ਿਲਮ ਦੇ ਪਹਿਲੇ ਭਾਗ 'ਸਟੂਡੇਂਟ ਆਫ਼ ਦ ਈਅਰ ' 'ਚ ਵੀ ਵੇਖਣ ਨੂੰ ਮਿਲਿਆ ਸੀ। ਈਟੀਵੀ ਭਾਰਤ ਇਸ ਫ਼ਿਲਮ ਨੂੰ ਦੇ ਰਿਹੈ 5 ਵਿੱਚੋਂ 2.5 ਸਟਾਰ।