ਗਣਿਤ ਦੇ ਨੰਬਰਾਂ ਦੇ ਨਾਲ ਖੇਡੇਗੀ ਵਿਦਿਆ ਆਪਣੀ ਅਗਲੀ ਫ਼ਿਲਮ ਦੇ ਵਿੱਚ

ਵਿਦਿਆ ਬਾਲਨ ਦੀ ਆਉਣ ਵਾਲੀ ਫ਼ਿਲਮ ਸ਼ਕੁੰਤਲਾ ਦੇਵੀ- ਹਿਊਮਨ ਕੰਪਿਊਟਰ ਦਾ ਮੋਸ਼ਨ ਪੋਸਟਰ ਰਿਲੀਜ਼ ਹੋ ਚੁੱਕਿਆ ਹੈ। ਇਹ ਫ਼ਿਲਮ 2020 ਗਰਮੀਆਂ 'ਚ ਰਿਲੀਜ਼ ਹੋਵੇਗੀ।

ਮੁੰਬਈ:ਵਿਦਿਆ ਬਾਲਨ ਅਤੇ ਸਾਨਿਆ ਮਲਹੋਤਰਾ ਦੀ ਫ਼ਿਲਮ ਸ਼ਕੁੰਤਲਾ ਦੇਵੀ- ਹਿਊਮਨ ਕੰਪਿਊਟਰ ਦੇ ਇੱਕ ਨਵਾਂ ਮੋਸ਼ਨ ਪੋਸਟਰ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਗਿਆ ਹੈ। ਇਸ ਪੋਸਟਰ ਦੇ ਵਿੱਚ ਅਦਾਕਾਰਾ ਇੱਕ ਵੱਖਰੇ ਹੀ ਅੰਦਾਜ਼ 'ਚ ਨਜ਼ਰ ਆ ਰਹੀ ਹੈ।

ਹੋਰ ਪੜ੍ਹੋ: ਬਿਗ-ਬੌਸ : ਕੀ ਕਰ ਰਹੇ ਹਨ ਬਿੱਗ ਬਾਸ ਦੇ ਹੁਣ ਤੱਕ ਦੇ ਜੇਤੂ ?
ਫ਼ਿਲਮ ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਟਵੀਟ ਕਰ ਫ਼ਿਲਮ ਦਾ ਪੋਸਟਰ ਸਾਂਝਾ ਕੀਤਾ ਹੈ। ਉਨ੍ਹਾਂ ਨੇ ਇਸ ਦੇ ਕੈਪਸ਼ਨ 'ਚ ਲਿਖਿਆ, "ਸ਼ਕੁੰਤਲਾ ਦੇਵੀ ਦੇ ਰੂਪ 'ਚ ਵਿਦਿਆ ਬਾਲਨ ...ਗਣਿਤ ਦੀ ਪ੍ਰਤਿਭਾ ਦੇ ਜੀਵਨ 'ਤੇ ਅਧਾਰਤ, 'ਮਨੁੱਖੀ ਕੰਪਿਊਟਰ'- ਸ਼ਕੁੰਤਲਾ ਦੇਵੀ ਕੋ ਸਟਾਰ ਸਾਨਿਆ ਮਲਹੋਤਰਾ, ਅਨੁ ਮੇਨਨ ਵੱਲੋਂ ਨਿਰਦੇਸ਼ਿਤ ਇਹ ਫ਼ਿਲਮ 2020 'ਚ ਸਿਨੇਮਾ ਘਰਾਂ ਦਾ ਸ਼ਿੰਘਾਰ ਬਣੇਗੀ।"

ਹਾਲ ਹੀ ਦੇ ਵਿੱਚ ਵਿਦਿਆ ਨੇ ਟਵੀਟ ਕਰ ਇਸ ਦਾ ਫ਼ਰਸਟ ਲੁੱਕ ਸਾਂਝਾ ਕੀਤਾ ਹੈ। ਪੋਸਟਰ 'ਚ ਵਿਦਿਆ ਲਾਲ ਸਾੜੀ ਦੇ ਵਿੱਚ ਨਜ਼ਰ ਆ ਰਹੀ ਹੈ। ਇਸ ਲੁੱਕ 'ਚ ਉਨ੍ਹਾਂ ਦੇ ਛੋਟੇ ਵਾਲ ਹਨ ਅਤੇ ਮੱਥੇ 'ਤੇ ਗੋਲ ਬਿੰਦੀ ਲਗੀ ਹੋਈ ਹੈ। ਇਸ ਪੋਸਟਰ ਨੂੰ ਸਾਂਝਾ ਕਰਦੇ ਹੋਏ ਵਿਦਿਆ ਬਾਲਨ ਨੇ ਕੈਪਸ਼ਨ ਦਿੱਤਾ, "ਹਰ ਦਿਨ ਐਕਸਾਇਟਮੇਂਟ ਵਧ ਰਹੀ ਹੈ।"

ਜ਼ਿਕਰਏਖ਼ਾਸ ਹੈ ਕਿ ਇਸ ਸਾਲ ਮੈਥੇਮੇਟਿਸ਼ਨ ਆਨੰਦ ਕੁਮਾਰ ਦੇ ਜੀਵਨ 'ਤੇ ਆਧਾਰਿਤ ਫ਼ਿਲਮ ਸੁਪਰ 30 ਰਿਲੀਜ਼ ਹੋਈ ਸੀ। ਇਸ ਫ਼ਿਲਮ ਨੂੰ ਮੈਥਸ ਵਰਗੇ ਵਿਸ਼ੇ ਨੂੰ ਦਿਲਚਸਪ ਢੰਗ ਦੇ ਨਾਲ ਵਿਖਾਇਆ ਗਿਆ ਸੀ। 2020 'ਚ ਮੈਥਸ 'ਤੇ ਹੀ ਆਧਾਰਿਤ ਫ਼ਿਲਮ ਸ਼ਕੁੰਤਲਾ ਦੇਵੀ- ਹਿਊਮਨ ਕੰਪਿਊਟਰ ਆ ਰਹੀ ਹੈ। ਵੇਖਣਾ ਇਹ ਹੋਵੇਗਾ ਇਸ ਫ਼ਿਲਮ ਦੇ ਵਿੱਚ ਕੀ ਵੱਖਰਾ ਹੋਵੇਗਾ।