ਸ਼ਹੀਦ ਊਧਮ ਸਿੰਘ ਦੀ ਬਾਇਓਪਿਕ ਸਬੰਧੀ ਵਿੱਕੀ ਕੌਸ਼ਲ ਨੇ ਕੀਤਾ ਇੰਸਟਾਗ੍ਰਾਮ 'ਤੇ ਪੋਸਟ

ਸ਼ਹੀਦ ਊਧਮ ਸਿੰਘ ਦੀ ਬਾਇਓਪਿਕ ਦਾ ਪਹਿਲਾ ਲੁੱਕ ਜਾਰੀ ਹੋ ਚੁੱਕਾ ਹੈ। ਇਹ ਲੁੱਕ ਵਿੱਕੀ ਕੌਸ਼ਲ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸਾਂਝਾ ਕੀਤਾ ਹੈ।

ਮੁੰਬਈ: ਵਿੱਕੀ ਕੌਸ਼ਲ ਅੱਜ-ਕੱਲ੍ਹ ਆਪਣੀ ਆਉਣ ਵਾਲੀ ਫ਼ਿਲਮ ਸ਼ਹੀਦ ਊਧਮ ਸਿੰਘ ਦੀ ਬਾਇਓਪਿਕ ਦੀ ਸ਼ੂਟਿੰਗ 'ਚ ਮਸਰੂਫ਼ ਹਨ। ਹਾਲ ਹੀ ਦੇ ਵਿੱਚ ਫ਼ਿਲਮ ਦੇ ਸੈੱਟ ਤੋਂ ਵਿੱਕੀ ਕੌਸ਼ਲ ਦਾ ਫ਼ਰਸਟ ਲੁੱਕ ਸਾਹਮਣੇ ਆਇਆ ਹੈ। ਜਿਸ 'ਚ ਵਿੱਕੀ ਕੌਸ਼ਲ ਕਾਫ਼ੀ ਸੀਰੀਅਸ ਲੁੱਕ 'ਚ ਨਜ਼ਰ ਆ ਰਹੇ ਹਨ।
ਉੜੀ,ਰਾਜ਼ੀ,ਸੰਜੂ ਵਰਗੀਆਂ ਫ਼ਿਲਮਾਂ 'ਚ ਬਾਕਮਾਲ ਅਦਾਕਾਰੀ ਕਰਨ ਤੋਂ ਬਾਅਦ ਵਿੱਕੀ ਕੌਸ਼ਲ ਹੁਣ ਆਜ਼ਾਦੀ ਘੁਲਾਟੀਏ ਦੀ ਭੂਮਿਕਾ 'ਚ ਨਜ਼ਰ ਆਉਣ ਵਾਲੇ ਹਨ।

ਦੱਸਣਯੋਗ ਹੈ ਕਿ ਇਹ ਫ਼ਿਲਮ ਊਧਮ ਸਿੰਘ ਦੀ ਜੀਵਨੀ 'ਤੇ ਆਧਾਰਿਤ ਹੋਵੇਗੀ। ਇਸ ਸਬੰਧੀ ਜੋ ਫ਼ਰਸਟ ਲੁੱਕ ਜਾਰੀ ਹੋਇਆ ਹੈ ਉਸ ਵਿੱਚ ਵਿੱਕੀ ਦੇ ਮੂੰਹ 'ਤੇ ਸੱਟ ਦੇ ਨਿਸ਼ਾਨ ਵੀ ਨਜ਼ਰ ਆ ਰਹੇ ਹਨ। ਸਾਲ 2020 'ਚ ਰਿਲੀਜ਼ ਹੋਣ ਵਾਲੀ ਇਸ ਫ਼ਿਲਮ ਨੂੰ ਰਿਤੇਸ਼ ਸ਼ਾਹ ਅਤੇ ਸੁਬੇਂਧੂ ਭੱਟਾਚਾਰਯ ਨੇ ਲਿਖਿਆ ਹੈ ਅਤੇ ਸ਼ੂਜਿੱਤ ਸਿਰਕਾਰ ਦੇ ਨਿਰਦੇਸ਼ਨ ਹੇਠ ਇਹ ਫ਼ਿਲਮ ਬਣ ਰਹੀ ਹੈ।