ਮੁੰਬਈ: ਅੱਜ ਮਦਰਜ਼ ਡੇਅ ਹੈ ਅਤੇ ਇਸ ਖ਼ਾਸ ਮੌਕੇ 'ਤੇ ਹਰ ਕੋਈ ਆਪਣੀ ਮਾਂ ਨੂੰ ਬਹੁਤ ਪਿਆਰ ਦੇ ਕੇ ਇਸ ਦਿਨ ਨੂੰ ਮਨਾ ਰਿਹਾ ਹੈ।
ਅਜਿਹੀ ਸਥਿਤੀ ਵਿੱਚ ਬਾਲੀਵੁੱਡ ਅਦਾਕਾਰਾ ਸਾਰਾ ਅਲੀ ਖ਼ਾਨ ਨੇ ਵੀ ‘ਮਦਰਜ਼ ਡੇਅ’ ਦੇ ਮੌਕੇ ‘ਤੇ ਆਪਣੇ ਇੰਸਟਾਗ੍ਰਾਮ ਖਾਤੇ ਤੋਂ ਇੱਕ ਫੋਟੋ ਸ਼ੇਅਰ ਕੀਤੀ ਹੈ। ਇਹ ਫੋਟੋ ਸਾਰਾ ਦੇ ਜਨਮ ਵੇਲੇ ਦੀ ਹੈ। ਇਸ ਫ਼ੋਟੋ ਵਿਚ ਸਾਰਾ ਦੀ ਨਾਨੀ ਉਸ ਨੂੰ ਗੋਦੀ ਵਿਚ ਲੈ ਗਈ ਹੈ, ਜਦੋਂਕਿ ਅਮ੍ਰਿਤਾ ਸਿੰਘ ਮੰਜੇ 'ਤੇ ਪਈ ਹੈ।
ਮਾਂ ਦਿਵਸ ਦੇ ਮੌਕੇ ਤੇ, ਸਾਰਾ ਨੇ ਇਸ ਤਸਵੀਰ ਨੂੰ ਸਾਂਝਾ ਕੀਤਾ ਅਤੇ ਲਿਖਿਆ, "ਮੇਰੀ ਮਾਂ ਦੀ ਮਾਂ। ਮੰਮੀ ਨੂੰ ਪੈਦਾ ਕਰਨ ਲਈ ਤੁਹਾਡਾ ਧੰਨਵਾਦ। 'ਮਦਰਜ਼ ਡੇਅ' ਮੁਬਾਰਕ।" ਸਾਰਾ ਦੀ ਇਹ ਪੋਸਟ ਬਹੁਤ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਇਸ 'ਤੇ ਆਪਣੀ ਫੀਡਬੈਕ ਵੀ ਦੇ ਰਹੇ ਹਨ।
ਦੱਸ ਦੇਈਏ ਕਿ ਸਾਰਾ ਸੋਸ਼ਲ ਮੀਡੀਆ ‘ਤੇ ਬਹੁਤ ਐਕਟਿਵ ਹਨ। ਉਹ ਪੇਸ਼ੇਵਰ ਅਤੇ ਨਿੱਜੀ ਜ਼ਿੰਦਗੀ ਨੂੰ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕਰਦੀ ਰਹਿੰਦੀ ਹੈ।
ਵਰਕਫ੍ਰੰਟ ਦੀ ਗੱਲ ਕਰੀਏ ਤਾਂ ਸਾਰਾ ਜਲਦੀ ਹੀ 'ਕੁਲੀ ਨੰਬਰ 1' ਵਿਚ ਨਜ਼ਰ ਆਵੇਗੀ। ਇਸ ਫਿਲਮ ਵਿੱਚ ਅਦਾਕਾਰ ਵਰੁਣ ਧਵਨ ਸਾਰਾ ਦੇ ਨਾਲ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਅਭਿਨੇਤਰੀ 'ਅਤਰੰਗੀ ਰੇ' 'ਚ ਵੀ ਨਜ਼ਰ ਆਵੇਗੀ।
