ਬਾਲੀਵੁੱਡ ਦੇ ਬਾਬਾ ਨੇ ਕਿਹਾ ਮੇਰੀ ਉਮਰ ਹੁਣ ਅਦਾਕਾਰਾ ਨਾਲ ਡਾਂਸ ਕਰਨ ਦੀ ਨਹੀਂ

ਗੁਰੂ ਪੁਰਨੀਮਾ ਦੇ ਮੌਕੇ 'ਤੇ ਸੰਜੇ ਦੱਤ ਨੇ ਆਪਣੇ ਪ੍ਰੋਡਕਸ਼ਨ ਹਾਊਸ ਅਧੀਨ ਮਰਾਠੀ ਫ਼ਿਲਮ 'ਬਾਬਾ' ਦਾ ਟ੍ਰੇਲਰ ਲਾਂਚ ਕੀਤਾ। ਇਹ ਫ਼ਿਲਮ ਸੰਜੇ ਦੱਤ ਨੇ ਆਪਣੇ ਪ੍ਰੋਡਕਸ਼ਨ ਹਾਊਸ ਦੀ ਪਹਿਲੀ ਮਰਾਠੀ ਫ਼ਿਲਮ ਹੈ।

ਮੁੰਬਈ : ਫ਼ਿਲਮ ਅਦਾਕਾਰ ਸੰਜੇ ਦੱਤ ਨੂੰ ਬਾਲੀਵੁੱਡ ਦੇ ਵਿੱਚ ਬਾਬਾ ਆਖ ਕੇ ਬੁਲਾਇਆ ਜਾਂਦਾ ਹੈ। ਇਸ ਨਾਂਅ 'ਤੇ ਹੁਣ ਇੱਕ ਮਰਾਠੀ ਫ਼ਿਲਮ ਵੀ ਆ ਰਹੀ ਹੈ। ਫ਼ਿਲਮ ਦਾ ਟ੍ਰੇਲਰ ਸੰਜੇ ਦੱਤ ਅਤੇ ਮਾਨਯਿਤਾ ਦੱਤ ਨੇ ਵੀ ਲਾਂਚ ਕੀਤਾ ਹੈ। ਇਸ ਫ਼ਿਲਮ ਦਾ ਨਿਰਮਾਨ ਸੰਜੇ ਦੱਤ ਨੇ ਹੀ ਕੀਤਾ ਹੈ। ਟ੍ਰੇਲਰ ਲਾਂਚ ਦੇ ਮੌਕੇ ਦੋਵੇਂ ਖੁਸ਼ ਨਜ਼ਰ ਆਏ।

ਇਸ ਫ਼ਿਲਮ ਦੇ ਵਿੱਚ ਅਭੀਜੀਤ ਖਾਂਡੇਕਰ ਅਹਿਮ ਭੂਮਿਕਾ ਨਿਭਾਉਂਦੇ ਹੋਏ ਨਜ਼ਰ ਆਉਣਗੇ। ਇਸ ਫ਼ਿਲਮ ਦੇ ਟ੍ਰੇਲਰ ਨੂੰ ਦਰਸ਼ਕਾਂ ਨੇ ਭਰਵਾ ਹੁੰਗਾਰਾ ਦਿੱਤਾ ਹੈ। ਇਸ ਫ਼ਿਲਮ ਦੇ ਵਿੱਚ ਬਾਬਾ ਦਾ ਕਿਰਦਾਰ ਦੀਪਕ ਡੋਬਰਿਆਲ ਨਿਭਾਉਂਦੇ ਹੋਏ ਨਜ਼ਰ ਆਉਂਣਗੇ।

ਟ੍ਰੇਲਰ ਲਾਂਚ ਦੇ ਸਮਾਰੋਹ 'ਚ ਸੰਜੇ ਦੱਤ ਨੇ ਮੀਡੀਆ ਦੇ ਸਨਮੁੱਖ ਹੁੰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਇੱਛਾ ਹੁਣ ਚੰਗੇ ਕਰੈਕਟਰ ਰੋਲ ਕਰਨ ਦੀ ਹੈ ਉਹ ਹੁਣ ਅਦਾਕਾਰਾ ਦੇ ਨਾਲ ਡਾਂਸ ਕਰਦੇ ਹੋਏ ਚੰਗੇ ਨਹੀਂ ਲੱਗਦੇ।ਹਾਲ ਹੀ ਦੇ ਵਿੱਚ ਰਿਲੀਜ਼ ਹੋਏ 'ਓ ਸਾਕੀ ਸਾਕੀ' ਦੇ ਰ੍ਰੀਕੀਏਟ ਵਰਜ਼ਨ 'ਤੇ ਉਨ੍ਹਾਂ ਕਿਹਾ ਕਿ ਇਹ ਗੀਤ ਬਹੁਤ ਵਧੀਆ ਹੈ ਇਹ ਗੀਤ ਦਰਸਾਉਂਦਾ ਹੈ ਕਿ ਅਸਲ ਗੀਤ ਕਿਨ੍ਹਾਂ ਵਧੀਆ ਹੈ। ਜ਼ਿਕਰਏਖ਼ਾਸ ਹੈ ਕਿ ਸੰਜੇ ਦੱਤ ਦੀ ਪਹਿਲੀ ਮਰਾਠੀ ਫ਼ਿਲਮ 'ਬਾਬਾ' 2 ਅਗਸਤ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਘਾਰ ਬਣੇਗੀ।