ਹੈਦਰਾਬਾਦ: ਬਾਲੀਵੁੱਡ ਦੇ ਆਲਰਾਉਂਡਰ ਅਦਾਕਾਰ ਰਣਵੀਰ ਸਿੰਘ 6 ਜੁਲਾਈ ਨੂੰ ਆਪਣਾ 36 ਵਾਂ ਜਨਮਦਿਨ ਮਨਾ ਰਹੇ ਹਨ। ਸਾਲ 1985 ਵਿੱਚ ਮੁੰਬਈ ਵਿੱਚ ਜਨਮੇ ਰਣਵੀਰ ਨੇ ਸਾਲ 2010 ਵਿੱਚ ਫਿਲਮ ‘ਬੈਂਡ ਬਾਜਾ ਬਾਰਾਤ’ ਨਾਲ ਬਾਲੀਵੁੱਡ ਵਿੱਚ ਡੈਬਿਉ ਕੀਤਾ ਸੀ। ਫਿਲਮ ਸੁਪਰਹਿੱਟ ਬਣ ਗਈ ਅਤੇ ਰਣਵੀਰ ਦਾ ਸਿੱਕਾ ਚਲ ਗਿਆ। ਰਣਵੀਰ ਸਿੰਘ ਨੂੰ ਬਾਲੀਵੁੱਡ ’ਚ ਇੱਕ ਦਹਾਕਾ ਹੋ ਚੁੱਕਿਆ ਹੈ ਅਤੇ ਉਹ ਆਪਣੇ ਸਹਿ-ਸਿਤਾਰਿਆਂ ਤੋਂ ਅਦਾਕਾਰੀ ਅਤੇ ਕਮਾਈ ਵਿੱਚ ਕਾਫ਼ੀ ਅੱਗੇ ਨਿਕਲ ਚੁੱਕੇ ਹਨ। ਇਸ ਖਾਸ ਮੌਕੇ 'ਤੇ ਅਸੀਂ ਰਣਵੀਰ-ਦੀਪਿਕਾ ਦੀ ਖੂਬਸੂਰਤ ਜੋੜੀ ਦੀ ਕੁੱਲ ਕਮਾਈ ਅਤੇ ਉਨ੍ਹਾਂ ਦੇ ਕਾਰੋਬਾਰ ਨਾਲ ਜੁੜੀਆਂ ਇਨ੍ਹਾਂ ਖਾਸ ਗੱਲਾਂ ਬਾਰੇ ਗੱਲ ਕਰਾਂਗੇ।
ਰਣਵੀਰ-ਦੀਪਿਕਾ ਦੀ ਕੁੱਲ ਕਮਾਈ
ਸਾਲ 2020 ਵਿਚ ਦੀਪਵੀਰ ਦੇ ਬਹੁਤ ਸਾਰੇ ਪ੍ਰਾਜੈਕਟਾਂ ਨੂੰ ਨੁਕਸਾਨ ਹੋਇਆ, ਪਰ ਫੋਰਬਸ 100 ਸੇਲਿਬ੍ਰਿਟੀ ਸੂਚੀ (2019) ਵਿਚ ਦੀਪਿਕਾ ਨੂੰ 48 ਕਰੋੜ ਦੀ ਅਨੁਮਾਨਤ ਕਮਾਈ ਦੇ ਨਾਲ 10 ਵੇਂ ਸਥਾਨ ਅਤੇ ਉੱਥੇ ਹੀ 118 ਕਰੋੜ ਰੁਪਏ ਦੀ ਕਮਾਈ ਦੇ ਨਾਲ 7ਵੇਂ ਸਥਾਨ 'ਤੇ ਥਾਂ ਬਣਾਈ। ਸਾਲ 2018 ਵਿੱਚ ਵਿਆਹ ਤੋਂ ਬਾਅਦ ਦੋਵਾਂ ਦੀ ਕੁੱਲ ਕਮਾਈ ਨੇੱਟਵਰਥ 160 ਕਰੋੜ ਰੁਪਏ ਤੋਂ ਵੱਧ ਹੋਣ ਦਾ ਅਨੁਮਾਨ ਲਗਾਇਆ ਗਿਆ ਹੈ।
ਦੀਪਵੀਰ ਦਾ ਲੱਗਜ਼ਰੀ ਕਾਰ ਕਲੇਕਸ਼ਨ
ਦੀਪਿਕਾ ਕੋਲ ਇਕ ਮਰਸਡੀਜ਼ ਬੈਂਜ਼ ਮੇਬਾਚ ਹੈ ਜਿਸਦੀ ਕੀਮਤ ਭਾਰਤ ਵਿਚ ਲਗਭਗ 2.73 ਹੈ। ਉੱਥੇ ਹੀ ਰਣਵੀਰ ਦੀ ਕਾਰ ਕਲੇਕਸ਼ਨ ਵਿੱਚ ਐਸਟਨ ਮਾਰਟਿਨ (3.50 ਕਰੋੜ ਤੋਂ ਵੱਧ), ਲੈਂਬਰਗਿਨੀ ਯੂਰੂਸ (30 ਕਰੋੜ ਤੋਂ ਵੱਧ), ਜੈਗੁਆਰ ਐਕਸਜੇ ਐਲ (30 ਕਰੋੜ ਤੋਂ ਵੱਧ) ਅਤੇ ਹੋਰ ਬਹੁਤ ਸਾਰੀਆਂ ਲਗਜ਼ਰੀ ਕਾਰਾਂ ਹਨ।