ਮੁੰਬਈ: ਬਾਲੀਵੁੱਡ ਅਦਾਕਾਰ ਰਣਦੀਪ ਹੁੱਡਾ ਅਦਾਕਾਰੀ ਤੋਂ ਇਲਾਵਾ ਖ਼ਾਲਸਾ ਏਡ ਸੰਸਥਾ ਦੇ ਨਾਲ ਜੁੜੇ ਹੋਏ ਹਨ। ਰਣਦੀਪ ਜਿੰਨ੍ਹਾਂ ਹੋ ਸਕੇ ਖ਼ਾਲਸਾ ਏਡ ਸੰਸਥਾ ਦੇ ਨਾਲ ਹੱਥ ਵਟਾਉਂਦੇ ਹੋਏ ਕਈ ਵਾਰ ਵਿਖਾਈ ਦੇ ਚੁੱਕੇ ਹਨ। ਹਾਲ ਹੀ ਦੇ ਵਿੱਚ ਅਦਾਕਾਰ ਰਣਦੀਪ ਨੇ ਫ਼ੇਸਬੁੱਕ 'ਤੇ ਪੋਸਟ ਪਾਈ ਹੈ ਜਿਸ 'ਚ ਉਹ ਗਣਪਤੀ ਵਿਸਰਜਨ ਵੇਲੇ ਜੋ ਕੂੜਾ ਕਰਕਟ ਜਮ੍ਹਾਂ ਹੁੰਦਾ ਹੈ ਉਸ ਨੂੰ ਸਾਫ਼ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਦੱਸ ਦਈਏ ਕਿ ਇੱਥੇ ਵੀ ਖ਼ਾਲਸਾ ਏਡ ਨਾਲ ਮੌਜੂਦ ਹੈ।
ਕਾਬਿਲ-ਏ-ਗੌਰ ਹੈ ਕਿ ਖ਼ਾਲਸਾ ਏਡ ਉਹ ਸੰਸਥਾ ਹੈ ਜੋ ਹਰ ਇੱਕ ਦੀ ਮਦਦ ਲਈ ਤਿਆਰ ਰਹਿੰਦੀ ਹੈ। ਦੁਨੀਆ ਦੇ ਕਿਸੇ ਵੀ ਕੋਨੇ 'ਚ ਕੋਈ ਵੀ ਮੁਸੀਬਤ ਆ ਜਾਵੇ ਖ਼ਾਲਸਾ ਏਡ ਮਦਦ ਲਈ ਪਹੁੰਚ ਜਾਂਦੀ ਹੈ। ਇਸ ਵਾਰ ਖ਼ਾਲਸਾ ਏਡ ਵਾਤਾਵਰਨ ਦੀ ਮਦਦ ਕਰਨ ਪੁੱਜੀ ਸੀ। ਮੁੰਬਈ 'ਚ ਹਾਲ ਹੀ ਦੇ ਵਿੱਚ ਹੋਏ ਗਣਪਤੀ ਵਿਸਰਜਨ ਕਾਰਨ ਜੋ ਵਾਤਾਵਰਨ ਦੀ ਹਾਲਤ ਹੋਈ ਉਸ ਨੂੰ ਹੀ ਸੁਧਾਰਣ ਲਈ ਖ਼ਾਲਸਾ ਏਡ ਅਤੇ ਰਣਦੀਪ ਹੁੱਡਾ ਨੇ ਇਹ ਟੀਚਾ ਮਿੱਥਿਆ ਕਿ ਉਹ ਸਮਾਜ ਦੀ ਸੇਵਾ ਕਰਨਗੇ।