ਰਿਸ਼ੀ ਕਪੂਰ ਤੇ ਇਰਫ਼ਾਨ ਖ਼ਾਨ ਤੋਂ ਬਾਅਦ ਪ੍ਰੋਡਿਊਸਰ ਕੁਲਮੀਤ ਮੱਕੜ ਦਾ ਦੇਹਾਂਤ

ਅਦਾਕਾਰ ਰਿਸ਼ੀ ਕਪੂਰ ਤੇ ਬੇਮਿਸਾਲ ਅਦਾਕਾਰ ਇਰਫ਼ਾਨ ਖ਼ਾਨ ਦੇ ਦੇਹਾਂਤ ਤੋਂ ਬਾਅਦ ਇੰਡਸਟਰੀ ਨੇ ਫ਼ਿਲਮ ਤੇ ਟੈਲੀਵਿਜ਼ਨ ਪ੍ਰੋਡਿਊਸਰ 'ਗਿਲਡ ਆਫ਼ ਇੰਡੀਆ' ਦੇ ਸੀਈਓ ਕੁਲਮੀਤ ਮੱਕੜ ਨੂੰ ਗੁਆ ਲਿਆ ਹੈ।

ਮੁੰਬਈ: ਬੀਤੇ ਦਿਨੀਂ ਹੀ ਵੈਟਰਨ ਅਦਾਕਾਰ ਰਿਸ਼ੀ ਕਪੂਰ ਤੇ ਉਨ੍ਹਾਂ ਤੋਂ ਇੱਕ ਦਿਨ ਪਹਿਲਾ ਬੇਮਿਸਾਲ ਅਦਾਕਾਰ ਇਰਫ਼ਾਨ ਖ਼ਾਨ ਦੇ ਦੇਹਾਂਤ ਤੋਂ ਬਾਅਦ ਇੰਡਸਟਰੀ ਨੇ ਫ਼ਿਲਮ ਤੇ ਟੈਲੀਵਿਜ਼ਨ ਪ੍ਰੋਡਿਊਸਰ 'ਗਿਲਡ ਆਫ਼ ਇੰਡੀਆ' ਦੇ ਸੀਈਓ ਕੁਲਮੀਤ ਮੱਕੜ ਨੂੰ ਗੁਆ ਲਿਆ ਹੈ।

60 ਸਾਲ ਦੇ ਕੁਲਮੀਤ ਦੀ ਮੌਤ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ। ਕਰਨ ਜੌਹਰ ਨੇ ਟਵਿੱਟਰ 'ਤੇ ਕੁਲਮੀਤ ਮੱਕੜ ਬਾਰੇ ਦੁੱਖ ਪ੍ਰਗਟਾਉਂਦੇ ਹੋਏ ਲਿਖਿਆ, "ਕੁਲਮੀਤ ਪ੍ਰੋਡਿਊਸਰ ਗਿਲਡ ਆਫ਼ ਇੰਡੀਆ ਲਈ ਇੱਕ ਖੁੰਭੇ ਵਾਂਗ ਸੀ। ਇੰਡਸਟਰੀ ਨੂੰ ਅੱਗੇ ਵਧਾਉਣ ਲਈ ਬਿਨ੍ਹਾਂ ਰੁਕੇ ਕੰਮ ਕਰਦੇ ਰਹੇ। ਤੁਸੀਂ ਚਲੇ ਗਏ। ਤੁਸੀਂ ਹਮੇਸ਼ਾ ਯਾਦ ਆਉਗੇ। ਮੇਰੇ ਦੋਸਤ ਰੱਬ ਤੁਹਾਨੂੰ ਸ਼ਾਂਤੀ ਦੇਵੇ।"

ਇਸ ਤੋਂ ਇਲਾਵਾ ਅਦਾਕਾਰਾ ਵਿਦਿਆ ਬਾਲਨ ਨੇ ਸ਼ਰਧਾਂਜਲੀ ਦਿੰਦੇ ਹੋਏ ਟਵਿੱਟਰ 'ਤੇ ਇੱਕ ਪੋਸਟ ਨੂੰ ਸਾਂਝਾ ਕੀਤਾ ਜਿਸ ਵਿੱਚ ਉਨ੍ਹਾਂ ਦੀ ਇੱਕ ਤਸਵੀਰ ਹੈ। ਨਿਰਮਾਤਾ ਅਸ਼ੋਕ ਪੰਡਿਤ, ਸੁਭਾਸ਼ ਘਾਈ ਤੇ ਫ਼ਰਹਾਨ ਅਖ਼ਤਰ ਨੇ ਵੀ ਟਵਿੱਟਰ 'ਤੇ ਕੁਲਮੀਤ ਦੇ ਦੇਹਾਂਤ ਉੱਤੇ ਦੁੱਖ ਜਤਾਇਆ।