ਪ੍ਰਿਯੰਕਾ ਚੋਪੜਾ ਨੇ ਕੀਤਾ ਨਿਕ ਦਾ ਧੰਨਵਾਦ

ਆਪਣੀ ਵਿਆਹ ਦੀ ਪਹਿਲੀ ਵਰ੍ਹੇਗੰਢ 'ਤੇ ਪ੍ਰਿਯੰਕਾ ਚੋਪੜਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਪਤੀ ਨਿਕ ਜੋਨਸ ਦਾ ਧੰਨਵਾਦ ਕੀਤਾ ਹੈ। ਪ੍ਰਿਯੰਕਾ ਨੇ ਨਿਕ ਨੂੰ ਕਿਹਾ ਹੈ ਕਿ ਉਸ ਨੂੰ ਲੱਭਣ ਲਈ ਧੰਨਵਾਦ।

ਮੁੰਬਈ: ਪ੍ਰਿਯੰਕਾ ਚੋਪੜਾ ਅਤੇ ਨਿਕ ਜੋਨਸ ਮਨੋਰੰਜਨ ਜਗਤ ਦੇ ਸਭ ਤੋਂ ਪਿਆਰੇ ਜੋੜਿਆਂ ਵਿਚੋਂ ਇੱਕ ਹਨ। ਪ੍ਰਿਯੰਕਾ ਚੋਪੜਾ ਅਤੇ ਨਿਕ ਜੋਨਸ ਦੇ ਵਿਆਹ ਨੂੰ 1 ਸਾਲ ਪੂਰਾ ਹੋ ਚੁੱਕਾ ਹੈ। ਵਿਆਹ ਦੀ ਪਹਿਲੀ ਵਰ੍ਹੇਗੰਢ 'ਤੇ ਪ੍ਰਿਯੰਕਾ ਨੇ ਆਪਣੀ ਖੁਸ਼ੀ ਦਾ ਪ੍ਰਗਟਾਵਾ ਟਵਿੱਟਰ 'ਤੇ ਕੀਤਾ ਹੈ।

ਪ੍ਰਿਯੰਕਾ ਨੇ ਆਪਣੀ ਅਤੇ ਨਿਕ ਦੀਆਂ ਕੁਝ ਪੱਲਾਂ ਦੀ ਵੀਡੀਓ ਸਾਂਝੀ ਕਰਦੇ ਹੋਏ ਲਿਖਿਆ, "ਮੇਰਾ ਵਾਅਦਾ, ਉਸ ਵੇਲੇ, ਅੱਜ, ਹਮੇਸ਼ਾ ਤੁਸੀਂ ਮੇਰੀ ਜ਼ਿੰਦਗੀ ਵਿੱਚ ਖੁਸ਼ੀ, ਕਿਰਪਾ, ਸੰਤੁਲਨ, ਉਤਸ਼ਾਹ ਇੱਕੋਂ ਪੱਲ ਵਿੱਚ ਲੈ ਕੇ ਆਉਂਦਾ। ਮੈਨੂੰ ਲੱਭਣ ਲਈ ਧੰਨਵਾਦ। ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਦੀਆਂ ਮੁਬਾਰਕਾਂ।"

ਇਸ ਵੀਡੀਓ ਦੇ ਨਾਲ ਨਾਲ ਪ੍ਰਿਯੰਕਾ ਨੇ ਆਪਣੇ ਅਤੇ ਨਿਕ ਦੇ ਵਿਆਹ ਦੀਆਂ ਦੋ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ।

ਜ਼ਿਕਰਯੋਗ ਹੈ ਕਿ ਪ੍ਰਿਯੰਕਾ-ਨਿਕ ਦਾ ਵਿਆਹ ਇਸਾਈ ਅਤੇ ਹਿੰਦੂ ਰਿਵਾਜਾਂ ਦੇ ਨਾਲ ਹੋਇਆ ਸੀ। 1 ਦਸੰਬਰ ਨੂੰ ਪ੍ਰਿਯੰਕਾ-ਨਿਕ ਦਾ ਵਿਆਹ ਇਸਾਈ ਰਸਮਾਂ-ਰਿਵਾਜਾਂ ਦੇ ਨਾਲ ਹੋਇਆ ਸੀ ਅਤੇ 2 ਦਸੰਬਰ ਨੂੰ ਵਿਆਹ ਹਿੰਦੂ ਰਸਮਾਂ-ਰਿਵਾਜਾਂ ਦੇ ਨਾਲ ਮੁਕੰਮਲ ਹੋਇਆ ਸੀ।