ਮੁੰਬਈ: ਅਦਾਕਾਰ ਪੰਕਜ ਤ੍ਰਿਪਾਠੀ-ਸਟਾਰਰ ਫਿਲਮ 'ਕਾਗਜ਼' ਦਾ ਪੋਸਟਰ ਜਾਰੀ ਹੋ ਗਿਆ ਹੈ। ਫਿਲਮ ਦੀ ਕਹਾਣੀ ਇੱਕ ਆਦਮੀ ਦੀ ਹੈ ਜਿਸ ਨੂੰ ਕਾਗਜ਼ 'ਤੇ ਮ੍ਰਿਤਕ ਘੋਸ਼ਿਤ ਕੀਤਾ ਗਿਆ ਹੈ ਅਤੇ ਇਹ ਇਹ ਸਾਬਤ ਕਰਨ ਦੀ ਅਣਥੱਕ ਕੋਸ਼ਿਸ਼ ਕੀਤੀ ਕਰਦਾ ਹੈ ਕਿ ਉਹ ਜ਼ਿੰਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਫਿਲਮ ਅਸਲ ਘਟਨਾ ‘ਤੇ ਅਧਾਰਤ ਹੈ।
ਫਿਲਮ ਦਾ ਪੋਸਟਰ ਬਹੁਤ ਦਿਲਚਸਪ ਲੱਗ ਰਿਹਾ ਹੈ। ਪੋਸਟਰ 'ਚ ਪੰਕਜ ਕਾਗਜ਼ ਦੇ ਗੰਡਿਆਂ ਦੇ ਵਿਚਕਾਰ ਖੜੇ ਦਿਖਾਈ ਦੇ ਰਹੇ ਹਨ। ਉਸ ਦੇ ਹੱਥ ਵਿੱਚ ਸੰਘਣੇ ਪੇਪਰ ਬੰਡਲ ਵੀ ਦਿਖਾਈ ਦੇ ਰਹੇ ਹਨ।
ਅਦਾਕਾਰ ਨੇ ਫਿਲਮ ਦਾ ਪੋਸਟਰ ਇੰਸਟਾਗ੍ਰਾਮ 'ਤੇ ਸਾਂਝਾ ਕੀਤਾ ਹੈ। ਆਪਣੇ ਕਿਰਦਾਰ ਬਾਰੇ, ਪੰਕਜ ਨੇ ਕਿਹਾ, "ਕਾਗਜ਼ ਇੱਕ ਸ਼ਾਨਦਾਰ ਢੰਗ ਨਾਲ ਲਿਖੀ ਸੱਚੀਆਂ ਘਟਨਾਵਾਂ 'ਤੇ ਅਧਾਰਤ ਇੱਕ ਕਹਾਣੀ ਹੈ। ਇਹ ਇੱਕ ਆਮ ਆਦਮੀ ਦੀ ਆਪਣੀ ਪਛਾਣ ਪ੍ਰਤੀ ਹਾਸੋਹੀਣਾ ਸਫ਼ਰ ਦਰਸਾਉਂਦੀ ਹੈ। ਮੇਰਾ ਪਾਤਰ ਮੇਰੇ ਕੁੱਝ ਹਾਲੀਆ ਪਾਤਰਾਂ ਤੋਂ ਬਹੁਤ ਵੱਖਰਾ ਹੈ ਅਤੇ ਮੈਂ ਅਜਿਹੀ ਪ੍ਰੇਰਣਾਦਾਇਕ ਕਹਾਣੀ ਦਾ ਹਿੱਸਾ ਬਣਨ ਲਈ ਉਤਸ਼ਾਹਤ ਹਾਂ।”
ਅਦਾਕਾਰਾ ਮੀਤਾ ਵਸ਼ਿਸ਼ਠ ਅਤੇ ਅਦਾਕਾਰ ਅਮਰ ਉਪਾਧਿਆਏ ਵੀ ਮੁੱਖ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਨੂੰ ਸਲਮਾਨ ਖਾਨ ਫਿਲਮਸ ਅਤੇ ਸਤੀਸ਼ ਕੌਸ਼ਿਕ ਐਂਟਰਟੇਨਮੈਂਟ ਪ੍ਰੋਡਕਸ਼ਨ ਨੇ ਪ੍ਰੋਡਿਊਸ ਕੀਤਾ ਹੈ। ਫਿਲਮ ਜੀ-5 'ਤੇ ਰਿਲੀਜ਼ ਹੋਵੇਗੀ।
