ਚੰਡੀਗੜ੍ਹ: ਟੀਵੀ ਦਾ ਸਭ ਤੋਂ ਵਿਵਾਦਪੂਰਨ ਸ਼ੋਅ ਬਿੱਗ ਬੌਸ 13 ਪਹਿਲੇ ਦਿਨ ਤੋਂ ਹੀ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਹਰ ਵਾਰ ਦੀ ਤਰ੍ਹਾਂ ਇਸ ਹਫ਼ਤੇ ਵੀ ਘਰ ਦੇ ਮੈਂਬਰਾਂ ਵਿੱਚੋਂ ਕਿਸੇ ਨੂੰ ਬਿੱਗ ਬੌਸ ਚੋਂ ਬਾਹਰ ਜਾਣਾ ਪਵੇਗਾ। ਇਸ ਹਫ਼ਤੇ ਦੀ ਸ਼ੁਰੂਆਤ 'ਚ ਹੀ ਬਿੱਗ ਬੌਸ ਵੱਲੋਂ ਇਹ ਐਲਾਨਿਆ ਗਿਆ ਸੀ ਇਸ ਵਾਰ ਇੱਕ ਨਹੀਂ ਸਗੋਂ ਘਰ ਤੋਂ ਦੋ ਮੈਂਬਰ ਬਿੱਗ ਬੌਸ ਨੂੰ ਅਲਵਿਦਾ ਕਹਿਣਗੇ। ਸਲਮਾਨ ਨੇ ਖ਼ੁਦ ਇਸ ਦੀ ਜਾਣਕਾਰੀ ਦਿੰਦਿਆ ਕਿਹਾ ਸੀ ਕਿ ਸ਼ੋਅ ਵਿੱਚੋਂ ਇੱਕ ਕੁੜੀ ਤੇ ਇੱਕ ਮੁੰਡਾ ਏਲੀਮੀਨੇਟ ਹੋਣਗੇ।
ਹੋਰ ਪੜ੍ਹੋ: ਕੀ ਖ਼ਤਰੇ ਵਿੱਚ ਹੈ ਬਿੱਗ ਬੌਸ?
ਦੱਸਣਯੋਗ ਹੈ ਕਿ ਇਸ ਹਫ਼ਤੇ ਘਰ ਤੋਂ ਬੇਘਰ ਹੋਣ ਵਾਲੇ ਮੈਂਬਰ ਮਾਹਿਰਾ ਸ਼ਰਮਾ, ਰਸ਼ਮੀ ਦੇਸਾਈ ਤੇ ਮੁੰਡਿਆਂ ਵਿੱਚੋਂ ਪਾਰਸ, ਅਬੂ ਮਕਿਲ, ਆਸੀਮ, ਤੇ ਸਿਧਾਰਥ ਡੇ ਸਨ। ਇਨ੍ਹਾਂ ਸਾਰਿਆਂ ਨੂੰ ਬਿੱਗ ਬੌਸ ਵੱਲੋਂ ਸਮੇਂ-ਸਮੇਂ 'ਤੇ ਏਲੀਮੀਨੇਸ਼ਨ ਤੋਂ ਬਚਣ ਦਾ ਮੌਕਾ ਵੀ ਦਿੱਤਾ ਗਿਆ ਸੀ ਜਿਸ ਦੇ ਬਾਵਜੂਦ ਕੋਈ ਵੀ ਬੇਘਰ ਹੋਣ ਤੋਂ ਬਚ ਨਾਂ ਸਕਿਆ।