ਹੈਦਰਾਬਾਦ: ਬਾਲੀਵੁੱਡ ਦੇ ਲਿਟਲ ਸੁਪਰਹੀਰੋ ਟਾਈਗਰ ਸ਼ਰਾਫ ਸਟਾਰਰ ਫਿਲਮ 'ਹੀਰੋਪੰਤੀ 2' 'ਚ ਖਲਨਾਇਕ ਦਾ ਕਿਰਦਾਰ ਨਿਭਾਉਣ ਵਾਲੇ ਬਹੁਮੁਖੀ ਅਦਾਕਾਰ ਨਵਾਜ਼ੂਦੀਨ ਸਿੱਦੀਕੀ ਦਾ ਫਰਸਟ ਲੁੱਕ ਸਾਹਮਣੇ ਆਇਆ ਹੈ। ਨਵਾਜ਼ ਦੇ ਕਿਰਦਾਰ ਦਾ ਨਾਂ ਲੈਲਾ ਹੈ। ਨਵਾਜ਼ੂਦੀਨ ਨੇ ਸੋਸ਼ਲ ਮੀਡੀਆ 'ਤੇ ਤਸਵੀਰ ਸ਼ੇਅਰ ਕਰਕੇ ਫਿਲਮ 'ਚ ਆਪਣੀ ਪਹਿਲੀ ਲੁੱਕ ਤੋਂ ਪਰਦਾ ਹਟਾ ਦਿੱਤਾ ਹੈ। ਫਿਲਮ ਦਾ ਟ੍ਰੇਲਰ 17 ਮਾਰਚ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ। ਇਹ ਫਿਲਮ ਇਸ ਸਾਲ ਈਦ ਦੇ ਮੌਕੇ 'ਤੇ 29 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਹੈ।
ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਆਪਣੀ ਪਹਿਲੀ ਲੁੱਕ ਸ਼ੇਅਰ ਕਰਦੇ ਹੋਏ ਨਵਾਜ਼ੂਦੀਨ ਨੇ ਕੈਪਸ਼ਨ 'ਚ ਲਿਖਿਆ, "ਨਫ਼ਰਤ ਦਾ ਬੁਣਾਗਾ ਜਾਲ, ਜੋ ਵੀ ਲੈਲਾ ਨਾਲ ਟਕਰਾਏਗਾ ਕਰ ਦਿਆਂਗਾਂ ਬੂਰਾ ਹਾਲ।" ਦੱਸ ਦੇਈਏ ਕਿ ਟਾਈਗਰ ਅਤੇ ਨਵਾਜ਼ੂਦੀਨ ਇਸ ਤੋਂ ਪਹਿਲਾਂ ਫਿਲਮ 'ਮੁੰਨਾ ਮਾਈਕਲ' 'ਚ ਨਜ਼ਰ ਆਏ ਸਨ।
ਇਸ ਦੇ ਨਾਲ ਹੀ ਫਿਲਮ ਦੇ ਮੁੱਖ ਅਦਾਕਾਰ ਟਾਈਗਰ ਨੇ ਫਿਲਮ ਦੇ ਨਵੇਂ ਪੋਸਟਰ ਸ਼ੇਅਰ ਕੀਤੇ। 'ਹੀਰੋਪੰਤੀ 2' ਦੇ ਨਵੇਂ ਪੋਸਟਰ 'ਚ ਟਾਈਗਰ ਸ਼ਰਾਫ ਦਾ ਜ਼ਬਰਦਸਤ ਲੁੱਕ ਦੇਖਣ ਨੂੰ ਮਿਲ ਰਿਹਾ ਹੈ। ਪੋਸਟਰ 'ਚ ਟਾਈਗਰ ਸ਼ਰਾਫ ਹੱਥ 'ਚ ਬੰਦੂਕ ਲੈ ਕੇ ਕਾਰ ਦੇ ਸਾਹਮਣੇ ਬੈਠੇ ਹਨ।
ਇਹ ਵੀ ਪੜ੍ਹੋ: ਆਮਿਰ ਅਤੇ ਅਨੁਸ਼ਕਾ ਸਪੈਨਿਸ਼ ਫਿਲਮ 'ਚੈਂਪੀਅਨ' ਦੇ ਰੀਮੇਕ 'ਚ ਫਿਰ ਨਜ਼ਰ ਆਉਣਗੇ ਇਕੱਠੇ
ਟਾਈਗਰ ਸ਼ਰਾਫ ਨੇ ਫਿਲਮ ਦਾ ਨਵਾਂ ਪੋਸਟਰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤਾ ਹੈ। ਪੋਸਟ ਸ਼ੇਅਰ ਕਰਦੇ ਹੋਏ ਟਾਈਗਰ ਨੇ ਦੱਸਿਆ ਹੈ ਕਿ ਫਿਲਮ ਦਾ ਟ੍ਰੇਲਰ 17 ਮਾਰਚ ਨੂੰ ਛੋਟੀ ਹੋਲੀ ਦੇ ਮੌਕੇ 'ਤੇ ਰਿਲੀਜ਼ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ਟਾਈਗਰ ਨੇ ਫਿਲਮ ਦੀ ਲੀਡ ਅਦਾਕਾਰਾ ਤਾਰਾ ਸੁਤਾਰੀਆ ਦੇ ਕਿਰਦਾਰ ਦਾ ਵੀ ਖੁਲਾਸਾ ਕੀਤਾ ਹੈ। ਫਿਲਮ 'ਚ ਤਾਰਾ ਦੇ ਕਿਰਦਾਰ ਦਾ ਨਾਂ ਇਨਾਇਆ ਹੈ। 'ਹੀਰੋਪੰਤੀ' 'ਚ ਕ੍ਰਿਤੀ ਸੈਨਨ ਨੇ ਮੁੱਖ ਕਿਰਦਾਰ ਨਿਭਾਇਆ ਸੀ।
