ਕਪਿਲ ਸ਼ਰਮਾ ਦੇ ਘਰ ਆਈਆਂ ਖੁਸ਼ੀਆਂ,ਬਣੇ ਬੇਟੀ ਦੇ ਪਿਤਾ

ਮਸ਼ਹੂਰ ਕਲਾਕਾਰ ਕਪਿਲ ਸ਼ਰਮਾ ਨੇ ਟਵੀਟ ਕਰ ਆਪਣੀ ਖੁਸ਼ੀ ਜਾਹਿਰ ਕੀਤੀ ਹੈ। ਉਹ ਇੱਕ ਬੇਟੀ ਦੇ ਪਿਤਾ ਬਣ ਚੁੱਕੇ ਹਨ।

ਮੁੰਬਈ: ਕਲਾਕਾਰ ਕਪਿਲ ਸ਼ਰਮਾ ਦੇ ਘਰ ਖੁਸ਼ੀਆਂ ਨੇ ਦਸਤਕ ਦਿੱਤੀ ਹੈ। ਦੱਸਦਈਏ ਕਿ ਕਪਿਲ ਇੱਕ ਬੇਟੀ ਦੇ ਪਿਤਾ ਬਣ ਚੁੱਕੇ ਹਨ। ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਨੇ ਟਵੀਟ ਕਰ ਕੇ ਦਿੱਤੀ ਹੈ। ਆਪਣੇ ਖੁਸ਼ੀ ਨੂੰ ਸਾਂਝਾ ਕਰਦੇ ਹੋਏ ਕਪਿਲ ਨੇ ਲਿਖਿਆ, " ਕਿਸਮਤ ਵਾਲਾ ਹਾਂ ਜੋ ਇੱਕ ਬੇਟੀ ਦਾ ਪਿਤਾ ਬਣਿਆ ਹੈ, ਆਪ ਸਭ ਦੀਆਂ ਦੁਆਵਾਂ ਦੀ ਲੋੜ ਹੈ, ਸਭ ਨੂੰ ਪਿਆਰ।"

ਕਪਿਲ ਦੀ ਇਸ ਖੁਸ਼ੀ 'ਚ ਉਨ੍ਹਾਂ ਦੇ ਫ਼ੈਨਜ ਨੇ ਤਾਂ ਮੁਬਾਰਕਾਂ ਦਿੱਤੀਆਂ ਹੀ ਹਨ। ਇਸ ਤੋਂ ਇਲਾਵਾ ਗੁਰੂ ਰੰਧਾਵਾ ਨੇ ਵੀ ਉਨ੍ਹਾਂ ਨੂੰ ਮੁਬਾਰਕਾਂ ਦਿੰਦੇ ਹੋਏ ਕਿਹਾ ਕਿ ਮੁਬਾਰਕਾਂ ਭਾਜੀ ਮੈਂ ਹੁਣ ਆਫੀਸ਼ਲੀ ਚਾਚਾ ਬਣ ਗਿਆ ਹਾਂ।

ਫ਼ੋਟੋ

ਵਰਣਨਯੋਗ ਹੈ ਕਿ ਪਿਛਲੇ ਮਹੀਨੇ ਕਪਿਲ ਨੇ ਇਹ ਐਲਾਨ ਕਰ ਦਿੱਤਾ ਸੀ ਕਿ ਉਹ ਦਸੰਬਰ 'ਚ ਪਿਤਾ ਬਣਨ ਵਾਲੇ ਹਨ,ਫ਼ਿਲਮ ਗੁੱਡ ਨਿਊਜ਼ ਦਾ ਜਦੋਂ ਪੋਸਟਰ ਰੀਲੀਜ਼ ਹੋਇਆ ਸੀ ਉਸ ਵੇਲੇ ਕਪਿਲ ਨੇ ਪੋਸਟਰ ਨੂੰ ਸਾਂਝਾ ਕਰਦੇ ਅਕਸ਼ੈ ਨੂੰ ਮੁਬਾਰਕਾਂ ਦਿੱਤੀਆਂ ਸਨ। ਕਪਿਲ ਨੇ ਲਿਖਿਆ ਸੀ,"ਮੁਬਾਰਕਾਂ ਭਾਜੀ, ਪੋਸਟਰ ਬਹੁਤ ਵਧੀਆ ਹੈ ਪਰ ਮੇਰੀ ਗੁੱਡ ਨਿਊਜ਼ ਤੁਹਾਡੀ ਗੁੱਡ ਨਿਊਜ਼ ਤੋਂ ਪਹਿਲਾਂ ਆ ਰਹੀ ਹੈ।"

ਜ਼ਿਕਰਯੋਗ ਹੈ ਕਿ ਕਪਿਲ ਅਤੇ ਗਿੰਨੀ ਦਾ ਵਿਆਹ ਪਿਛਲੇ ਸਾਲ12 ਦਸੰਬਰ ਨੂੰ ਹੋਇਆ ਸੀ। ਇਹ ਇੱਕ ਲਵ ਮੈਰਿਜ ਸੀ। ਕਪਿਲ ਅਤੇ ਗਿੰਨੀ ਕਾਲੇਜ ਟਾਇਮ ਤੋਂ ਇੱਕਠੇ ਸਨ।