ਕੰਗਨਾ ਰਣੌਤ ਨੇ ਆਪਣੇ ਕਿਰਦਾਰ ਬਾਰੇ ਦਿੱਤੀ ਜਾਣਕਾਰੀ

ਕੰਗਨਾ ਰਣੌਤ ਦੀ ਅਗਲੀ ਫ਼ਿਲਮ ਧਾਕੜ ਅਗਲੇ ਸਾਲ ਦਿਵਾਲੀ ਮੌਕੇ ਰਿਲੀਜ਼ ਹੋਵੇਗੀ। ਇਸ ਫ਼ਿਲਮ ਵਿੱਚ ਕੰਗਨਾ ਜਾਸੂਸ ਦਾ ਕਿਰਦਾਰ ਕਰੇਗੀ ਜਿਸ ਦਾ ਪੋਸਟਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ।

ਮੁੰਬਈ: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦੀ ਆਉਣ ਵਾਲੀ ਫ਼ਿਲਮ 'Judgemental Hai Kya' ਜਲਦ ਰਿਲੀਜ਼ ਹੋਣ ਵਾਲੀ ਹੈ ਜਿਸ ਨੂੰ ਲੈਕੇ ਕਈ ਵਿਵਾਦ ਵੀ ਹੋਏ ਸਨ। ਇਹ ਫ਼ਿਲਮ 26 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ। ਇਸ ਫ਼ਿਲਮ ਵਿੱਚ ਕੰਗਨਾ ਮਨੋਵਿਗਿਆਨਕ ਦਾ ਕਿਰਦਾਰ ਅਦਾ ਕਰ ਰਹੀ ਹੈ। ਇਸ ਫ਼ਿਲਮ ਤੋਂ ਬਾਅਦ ਕੰਗਨਾ ਦਾ ਨਵਾਂ ਪ੍ਰੋਜੈਕਟ ਆਉਣ ਵਾਲਾ ਹੈ ਜਿਸ ਦਾ ਨਾਂਅ 'Dhakad' ਹੈ।
ਫ਼ਿਲਮ 'Dhakad' ਦਾ ਪੋਸਟਰ ਪਹਿਲਾ ਹੀ ਰਿਲੀਜ਼ ਹੋ ਗਿਆ ਹੈ। ਹਾਲੇ ਤੱਕ ਫ਼ਿਲਮ ਦੀ ਕਹਾਣੀ ਕਿਸੇ ਨੂੰ ਨਹੀਂ ਪਤਾ ਹੈ ਪਰ ਇਸ 'ਤੇ ਕੰਗਨਾ ਨੇ ਇੱਕ ਇੰਟਰਵਿਊ ਵਿੱਚ ਚੁੱਪੀ ਤੋੜਦੇ ਹੋਏ ਕਿਹਾ ਹੈ ਕਿ ਇਸ ਫ਼ਿਲਮ 'ਚ ਉਨ੍ਹਾਂ ਦਾ ਕਿਰਦਾਰ ਇੱਕ ਜਾਸੂਸ ਦਾ ਹੋਵੇਗਾ।
ਫ਼ਿਲਮ ਦੇ ਪੋਸਟਰ ਵਿੱਚ ਵੀ ਕੰਗਨਾ ਹੈਵੀ ਗੰਨ ਲੈ ਕੇ ਖੜੀ ਹੈ ਜਿਸ ਤੋਂ ਸਾਫ਼ ਜ਼ਾਹਰ ਹੈ ਕਿ ਫ਼ਿਲਮ ਵਿੱਚ ਕੰਗਨਾ ਦਾ ਕਿਰਦਾਰ ਐਕਸ਼ਨ ਭਰਿਆ ਹੋਵੇਗਾ।
ਕੰਗਨਾ ਮੁਤਾਬਕ ਧਾਕੜ ਇੱਕ ਬਹੁਤ ਵੱਡੀ ਫ਼ਿਲਮ ਹੈ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਰਜਨੀਸ਼ ਘਈ ਵੱਲੋਂ ਕੀਤਾ ਗਿਆ ਹੈ। ਫ਼ਿਲਮ ਦੇ ਪੋਸਟਰ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਫ਼ਿਲਮ ਵਿੱਚ ਕੰਗਨਾ ਕਮਾਲ ਦਾ ਕਿਰਦਾਰ ਅਦਾ ਕਰੇਗੀ।
ਦੇਖਣਯੋਗ ਹੋਵੇਗਾ ਕਿ ਕੰਗਨਾ ਦੀ ਫ਼ਿਲਮ 'Judgemental Hai Kya' ਦੇ ਵਿਵਾਦਾਂ ਤੋਂ ਬਾਅਦ ਕੰਗਨਾ ਦੀ ਆਉਣ ਵਾਲਿਆਂ ਫ਼ਿਲਮਾਂ ਨੂੰ ਲੋਕਾਂ ਦਾ ਕਿਸ ਤਰ੍ਹਾਂ ਦਾ ਰਿਸਪੌਂਸ ਮਿਲੇਗਾ