'ਰਿਚਰਡ ਡਾਕਿੰਸ ਐਵਾਰਡ' ਜਿੱਤਣ ਵਾਲੇ ਪਹਿਲੇ ਭਾਰਤੀ ਬਣੇ ਜਾਵੇਦ ਅਖ਼ਤਰ

ਮਸ਼ਹੂਰ ਗੀਤਕਾਰ ਤੇ ਲੇਖਕ ਜਾਵੇਦ ਅਖ਼ਤਰ ਨੂੰ ਹਾਲ ਹੀ ਵਿੱਚ ਰਿਚਰਡ ਡਾਕਿੰਸ ਐਵਾਰਡ 2020 ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਜਾਵੇਦ ਇਹ ਐਵਾਰਡ ਹਾਸਲ ਕਰਨ ਵਾਲੇ ਪਹਿਲੇ ਭਾਰਤੀ ਬਣੇ ਹਨ।

ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਗੀਤਕਾਰ ਤੇ ਲੇਖਕ ਜਾਵੇਦ ਅਖ਼ਤਰ ਨੂੰ ਤਰਕਪੂਰਨ ਵਿਚਾਰ ਲਈ ਰਿਚਰਡ ਡਾਕਿੰਸ ਐਵਾਰਡ 2020 ਨਾਲ ਸਮਾਨਿਤ ਕੀਤਾ ਗਿਆ ਹੈ। ਜਾਵੇਦ ਅਖ਼ਤਰ ਇਕਲੌਤੇ ਭਾਰਤੀ ਬਣੇ ਹਨ, ਜਿਨ੍ਹਾਂ ਨੂੰ ਇਹ ਐਵਾਰਡ ਮਿਲਿਆ ਹੈ। ਇਹ ਪੁਰਸਕਾਰ ਵਿਸ਼ਵ ਪ੍ਰਸਿੱਧ ਜੀਵ-ਵਿਗਿਆਨੀ ਰਿਚਰਡ ਡਾਕਿੰਸ ਦੇ ਨਾਂਅ 'ਤੇ ਦਿੱਤਾ ਜਾਂਦਾ ਹੈ। ਇਹ ਐਵਾਰਡ ਉਨ੍ਹਾਂ ਲੋਕਾਂ ਨੂੰ ਦਿੱਤਾ ਜਾਂਦਾ ਹੈ ਜੋ ਧਰਮ ਨਿਰਪੱਖਤਾ, ਤਰਕਸ਼ੀਲਤਾ ਤੇ ਵਿਗਿਆਨੀ ਜਨਤਕ ਤੌਰ 'ਤੇ ਸੱਚਾਈ ਨੂੰ ਕਾਇਮ ਰੱਖਣ ਲਈ ਆਪਣਾ ਯੋਗਦਾਨ ਪਾਉਂਦੇ ਹਨ।

ਗ਼ੱਲ ਚਾਹੇ ਧਰਮ ਦੀ ਹੋਵੇ ਜਾ ਫਿਰ ਰਾਜਨੀਤੀ ਦੀ, ਜਾਵੇਦ ਅਕਸਰ ਆਪਣੇ ਵਿਚਾਰ ਲੋਕਾਂ ਸਾਹਮਣੇ ਰੱਖਦੇ ਹਨ। ਇਸ ਤੋਂ ਇਲਾਵਾ ਜਾਵੇਦ ਦੀ ਪਤਨੀ ਸ਼ਬਾਨਾ ਆਜ਼ਮੀ ਨੇ ਸੋਸ਼ਲ ਮੀਡੀਆ ਰਾਹੀਂ ਜਾਵੇਦ ਨੂੰ ਵਧਾਈ ਦਿੱਤੀ ਹੈ। ਸ਼ਬਾਨਾ ਨੇ ਲਿਖਿਆ, "ਉਹ ਇਸ ਪੁਰਸਕਾਰ ਨੂੰ ਪਾਉਣ ਵਾਲੇ ਪਹਿਲੇ ਭਾਰਤੀ ਬਣੇ ਹਨ। ਇਸ ਤੋਂ ਪਹਿਲਾ ਬਿਲ ਮੇਹਰ ਤੇ ਕ੍ਰਿਸਟੋਫਰ ਨੂੰ ਇਹ ਪੁਰਸਕਾਰ ਮਿਲ ਚੁੱਕਿਆ ਹੈ। ਇਹ ਇੱਕ ਬਹੁਤ ਵੱਡੇ ਸਨਮਾਨ ਵਾਲੀ ਗ਼ੱਲ ਹੈ।"

ਸ਼ਬਾਨਾ ਤੋਂ ਇਲਾਵਾ ਕਈ ਹੋਰ ਬਾਲੀਵੁੱਡ ਹਸਤੀਆਂ ਨੇ ਜਾਵੇਦ ਨੂੰ ਸੋਸ਼ਲ ਮੀਡੀਆ ਰਾਹੀਂ ਵਧਾਈ ਦਿੱਤੀ ਹੈ। ਦੀਆ ਮਿਰਜ਼ਾ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਲਿਖਿਆ, "ਜਾਵੇਦ ਅਖ਼ਤਰ ਸਾਬ੍ਹ ਨੇ ਮੱਹਤਵਪੂਰਨ ਸੋਚ, ਮਾਨਵਤਾਵਾਦੀ ਮੁੱਲਾਂ ਨੂੰ ਅੱਗੇ ਵਧਾਉਦੇ ਹੋਏ ਧਾਰਮਿਕ ਡੋਗਮਾ ਦੇ ਲਈ ਇਹ ਐਵਾਰਡ ਜਿੱਤਿਆ ਹੈ। ਉਹ ਇਹ ਪੁਰਸਕਾਰ ਜਿੱਤਣ ਵਾਲੇ ਪਹਿਲੇ ਭਾਰਤੀ ਬਣੇ ਹਨ। ਤੁਹਾਨੂੰ ਵਧਾਈ ਹੋਵੇ।"