ਇਰਫ਼ਾਨ ਖ਼ਾਨ ਦੇ ਬੇਟੇ ਬਾਬਿਲ ਖ਼ਾਨ ਨੇ ਪਿਤਾ ਦੀ ਸਾਂਝੀ ਕੀਤੀ ਮੱਜ਼ੇਦਾਰ ਵੀਡੀਓ

ਅਦਾਕਾਰ ਇਰਫ਼ਾਨ ਖ਼ਾਨ ਦੇ ਦੇਹਾਂਤ ਤੋਂ ਬਾਅਦ ਉਨ੍ਹਾਂ ਦੇ ਬੇਟੇ ਬਾਬਿਲ ਖ਼ਾਨ ਨੇ ਅਦਾਕਾਰ ਦੀ ਇੱਕ ਮੱਜ਼ੇਦਾਰ ਵੀਡੀਓ ਨੂੰ ਸੋਸ਼ਲ ਮੀਡੀਆ ਉੱਤੇ ਸਾਂਝਾ ਕੀਤਾ, ਜਿਸ ਵਿੱਚ ਅਦਾਕਾਰ ਗੋਲਗੱਪੇ ਖਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।

ਮੁੰਬਈ: ਅਦਾਕਾਰ ਇਰਫ਼ਾਨ ਖ਼ਾਨ ਦੇ ਬੇਟੇ ਬਾਬਿਲ ਖ਼ਾਨ ਨੇ ਸੋਸ਼ਲ ਮੀਡੀਆ ਉੱਤੇ ਇੱਕ ਵੀਡੀਓ ਨੂੰ ਸਾਂਝਾ ਕੀਤਾ, ਜੋ ਅਦਾਕਾਰ ਦੇ 'ਪੀਕੂ' ਫ਼ੈਨਜ਼ ਲਈ ਕਿਸੇ ਖ਼ਜ਼ਾਨੇ ਤੋਂ ਘੱਟ ਨਹੀਂ ਹੈ। ਸ਼ੁੱਕਰਵਾਰ ਨੂੰ ਬਾਬਿਲ ਨੇ ਇੰਸਟਾਗ੍ਰਾਮ ਉੱਤੇ ਆਪਣੇ ਪਿਤਾ ਦੇ ਪੁਰਾਣੇ ਵੀਡੀਓ ਨੂੰ ਸਾਂਝਾ ਕੀਤਾ। ਇਸ ਛੋਟੇ ਵੀਡੀਓ ਕਲਿੱਪ ਵਿੱਚ, ਇਰਫ਼ਾਨ ਮਸਤੀ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।

ਇਸ ਵੀਡੀਓ ਦੇ ਕੈਪਸ਼ਨ ਵਿੱਚ ਉਨ੍ਹਾਂ ਲਿਖਿਆ,"ਜਦ ਤੁਸੀਂ ਕਾਫ਼ੀ ਸਮੇਂ ਤੋਂ ਡਾਈਟ 'ਤੇ ਹੋ ਅਤੇ ਸ਼ੂਟ ਖ਼ਤਮ ਹੋਣ ਤੋਂ ਬਾਅਦ ਗੋਲਗੱਪੇ ਖਾ ਸਕਦੇ ਹੋ।"

ਹੋਰ ਪੜ੍ਹੋ: ਅਮੂਲ ਬਟਰ ਨੇ ਵਿਗਿਆਪਨ ਰਾਹੀਂ ਅਦਾਕਾਰ ਰਿਸ਼ੀ ਕਪੂਰ ਤੇ ਇਰਫ਼ਾਨ ਖ਼ਾਨ ਨੂੰ ਦਿੱਤੀ ਸ਼ਰਧਾਂਜਲੀ

ਹੁਣ ਤੱਕ ਬਾਬਿਲ ਦੀ ਇਸ ਪੋਸਟ ਉੱਤੇ 1 ਲੱਖ ਤੋਂ ਵੀ ਜ਼ਿਆਦਾ ਵਿਊਜ਼ ਆ ਚੁੱਕੇ ਹਨ ਤੇ ਪਰਿਵਾਰ ਨੂੰ ਹਮਦਰਦੀ ਵਾਲੇ ਮੈਸੇਜ ਵੀ ਮਿਲ ਰਹੇ ਹਨ। ਇਸ ਵਿੱਚ ਇੱਕ ਕੁਮੈਂਟ ਦੀਆ ਮਿਰਜ਼ਾ ਦਾ ਵੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਦਿਲ ਵਾਲੇ ਇਮੋਜ਼ੀ ਪੋਸਟ ਕੀਤੇ ਹਨ। ਇਰਫ਼ਾਨ ਖ਼ਾਨ ਨੇ ਆਪਣੇ ਆਖ਼ਰੀ ਸਾਹ ਬੁੱਧਵਾਰ ਨੂੰ ਕੋਕਿਲਾਬੇਨ ਅੰਬਾਨੀ ਹਸਪਤਾਲ ਵਿੱਚ ਲਏ।