ਇੰਦਰਾ ਜੈਸਿੰਗ ਨੂੰ 4-5 ਦਿਨ ਨਿਰਭਯਾ ਦੇ ਦੋਸ਼ੀਆਂ ਦੇ ਨਾਲ ਜੇਲ੍ਹ 'ਚ ਰੱਖਿਆ ਜਾਵੇ -ਕੰਗਣਾ ਰਨੌਤ

'ਪੰਗਾ' ਫ਼ਿਲਮ ਦੇ ਪ੍ਰਮੋਸ਼ਨ ਦੌਰਾਨ ਕੰਗਣਾ ਰਨੌਤ ਨੇ ਵਕੀਲ ਇੰਦਰਾ ਜੈਸਿੰਗ ਦੀ ਗੱਲ 'ਤੇ ਆਪਣੀ ਰਾਏ ਸਾਂਝੀ ਕੀਤੀ। ਕੰਗਣਾ ਨੇ ਕਿਹਾ ਕਿ ਇੰਦਰਾ ਜੈਸਿੰਗ ਨੂੰ ਨਿਰਭਯਾ ਦੇ ਦੋਸ਼ੀਆਂ ਦੇ ਨਾਲ 4-5 ਦਿਨ ਜੇਲ੍ਹ 'ਚ ਰੱਖਿਆ ਜਾਵੇ।

ਮੁੰਬਈ: 'ਪੰਗਾ' ਫ਼ਿਲਮ ਦੇ ਪ੍ਰਮੋਸ਼ਨ ਦੌਰਾਨ ਕੰਗਣਾ ਰਨੌਤ ਨੇ ਵਕੀਲ ਇੰਦਰਾ ਜੈਸਿੰਗ ਦੀ ਗੱਲ 'ਤੇ ਆਪਣੀ ਰਾਏ ਸਾਂਝੀ ਕੀਤੀ। ਜੈਸਿੰਗ ਨੇ ਨਿਰਭਯਾ ਦੀ ਮਾਂ ਨੂੰ ਜਬਰ ਜਨਾਹ ਦੇ 4 ਦੋਸ਼ੀਆਂ ਨੂੰ ਮਾਫ਼ ਕਰਨ ਦੀ ਅਪੀਲ ਕੀਤੀ ਸੀ।

ਜੈਸਿੰਗ ਨੇ ਨਿਰਭਯਾ ਦੀ ਮਾਂ ਨੂੰ ਬੇਨਤੀ ਕੀਤੀ ਕਿ ਉਹ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਦੀ ਮਿਸਾਲ 'ਤੇ ਚੱਲਣ। ਜਿਵੇਂ ਸੋਨਿਆ ਗਾਂਧੀ ਨੇ ਆਪਣੇ ਪਤੀ ਤੇ ਸਾਬਕਾ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਦੇ ਦੋਸ਼ੀ ਨਲਿਨੀ ਮੁਰੂਗਨ ਨੂੰ ਮਾਫ਼ ਕਰ ਦਿੱਤਾ ਸੀ।

ਜੈਸਿੰਗ ਨੇ ਨਿਰਭਯਾ ਦੀ ਮਾਂ ਨੂੰ ਅਪੀਲ ਕੀਤੀ ਕਿ ਉਹ ਨਿਰਭਯਾ ਦੇ ਦੋਸ਼ੀਆਂ ਦੀ ਫ਼ਾਸੀ ਦੀ ਸਜ਼ਾ ਨੂੰ ਮਾਫ਼ ਕਰ ਦੇਣ। ਨਿਰਭਯਾ ਦੀ ਮਾਂ ਨੇ ਕਿਹਾ ਕਿ, ਉਨ੍ਹਾਂ ਨੇ ਨਿਰਭਯਾ ਦੇ ਦੋਸ਼ੀਆਂ ਨੂੰ ਸਜ਼ਾ ਦਵਾਉਣ ਲਈ 7 ਸਾਲ ਕੋਰਟ 'ਚ ਲੜਾਈ ਲੜੀ ਹੈ। ਨਿਰਭਯਾ ਦੀ ਮਾਂ ਨੇ ਕਿਹਾ ਕਿ "ਜੇ ਰੱਬ ਮੈਨੂੰ ਆ ਕੇ ਪੁੱਛੇ, ਤਾਂ ਵੀ ਮੈਂ ਉਨ੍ਹਾਂ ਨੂੰ ਮਾਫ਼ ਨਹੀਂ ਕਰਾਂਗੀ"

ਕੰਗਣਾ ਰਨੌਤ ਨੇ ਨਿਰਭਯਾ ਦੇ ਦੋਸ਼ੀਆ ਦੇ ਵਕੀਲ ਜੈਸਿੰਗ ਨੂੰ ਕਿਹਾ ਕਿ ਜੈਸਿੰਗ ਨੂੰ 4-5 ਦਿਨਾਂ ਲਈ ਨਿਰਭਯਾ ਦੋਸ਼ੀਆਂ ਦੇ ਨਾਲ ਜੇਲ੍ਹ 'ਚ ਰੱਖਿਆ ਜਾਵੇ। ਜੋ ਉਨ੍ਹਾਂ ਦੀ ਸਜ਼ਾ ਨੂੰ ਮਾਫ਼ ਕਰਨ ਦੀ ਅਪੀਲ ਕਰ ਰਹੀ ਹੈ। ਕੰਗਣਾ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਦੋਸ਼ੀ, ਇਨ੍ਹਾਂ ਔਰਤਾਂ ਦੇ ਹੀ ਕੁੱਖਾਂ ਚੋਂ ਪੈਦਾ ਹੁੰਦੇ ਹਨ।

ਕੰਗਣਾ ਨੇ ਕਿਹਾ ਕਿ ਜਬਰ ਜਨਾਹ ਦੇ ਦੋਸ਼ਿਆ ਨੂੰ ਚੋਹਾਰੇ 'ਤੇ ਹੀ ਮਾਰ ਦੇਣਾ ਚਾਹੀਦਾ ਹੈ। ਤਾਂਕਿ ਲੋਕਾਂ ਨੂੰ ਪਤਾ ਲੱਗੇ ਕਿ ਜਬਰ ਜਨਾਹ ਕਰਨ ਦੀ ਕੀ ਸਜ਼ਾ ਹੈ।