ETV ਭਾਰਤ ਦੇ ਰਿਪੋਟਰ ਵੱਲੋਂ ਪੁੱਛੇ ਗਏ ਸਵਾਲਾਂ 'ਤੇ ਚੁੱਪ ਹੋਏ ਰਿਤਿਕ

ETV ਭਾਰਤ ਦੇ ਰਿਪੋਰਟਰ ਨੇ ਰਿਤਿਕ ਤੋਂ ਇੱਕ ਵਾਰ ਨਹੀਂ ਕਈ ਵਾਰ ਕੰਗਨਾ ਨੂੰ ਲੈ ਕੇ ਕੀਤੇ ਸਵਾਲ। ਸਵਾਲਾਂ ਤੋਂ ਭੱਜਦੇ ਨਜ਼ਰ ਆਏ ਰਿਤਿਕ।

ਪਟਨਾ: ਬਾਲੀਵੁੱਡ ਸਟਾਰ ਰਿਤਿਕ ਰੋਸ਼ਨ ਆਪਣੀ ਫਿ਼ਲਮ ਸੁਪਰ 30 ਦੀ ਪ੍ਰੋਮੋਸ਼ਨ ਲਈ ਮੰਗਲਵਾਰ ਨੂੰ ਪਟਨਾ ਪੁੱਜੇ। ਉਨ੍ਹਾਂ ਦੇ ਨਾਲ ਗਣਿਤਕਾਰ ਆਨੰਦ ਕੁਮਾਰ ਤੇ ਉਨ੍ਹਾਂ ਦੇ ਭਰਾ ਵੀ ਮੌਜੂਦ ਸਨ। ਇਸ ਦੌਰਾਨ ETV ਭਾਰਤ ਦੇ ਰਿਪੋਰਟਰ ਨੇ ਜਦ ਰਿਤਿਕ ਰੋਸ਼ਨ ਤੋਂ ਕੰਗਨਾ ਬਾਰੇ ਸਵਾਲ ਪੁੱਛੇ ਤਾਂ ਰਿਤਿਕ ਨੇ ਰਿਪੋਰਟਰ ਦੇ ਸਵਾਲ ਦਾ ਕੋਈ ਜਵਾਬ ਨਹੀਂ ਦਿੱਤਾ। ETV ਭਾਰਤ ਦੇ ਰਿਪੋਰਟਰ ਨੇ ਵਾਰ ਵਾਰ ਰਿਤਿਕ ਤੇ ਕੰਗਨਾ ਦੇ ਵਿਵਾਦਾਂ ਬਾਰੇ ਸਵਾਲ ਪੁੱਛੇ ਤਾਂ ਰਿਤਿਕ ਨੇ ਸਵਾਲ 'ਤੇ ਕੋਈ ਰਿਸਪੌਂਸ ਨਹੀਂ ਦਿੱਤਾ।

ਕੀ ਹੈ ਵਿਵਾਦ ?

ਅਦਾਕਾਰ ਕੰਗਨਾ ਰਣੌਤ ਅਤੇ ਰਿਤਿਕ ਰੋਸ਼ਨ ਦਾ ਪਿਛਲੇ ਕਈ ਸਾਲਾਂ ਤੋਂ ਵਿਵਾਦ ਚੱਲ ਰਿਹਾ ਹੈ। ਹਾਲ ਹੀ ਵਿੱਚ ਰਿਤਿਕ ਦੀ ਭੈਣ ਸੁਨੈਨਾ ਰੋਸ਼ਨ ਨੇ ਰਿਤਿਕ 'ਤੇ ਦੋਸ਼ ਲਗਾਏ ਸਨ ਜਿਸ 'ਤੇ ਕੰਗਨਾ ਦੀ ਭੈਣ ਰੰਗੋਲੀ ਨੇ ਸੁਨੈਨਾ ਦਾ ਸਾਥ ਦਿੱਤਾ। ਉੱਥੇ ਹੀ ਕੰਗਨਾ ਨੇ ਕਰਨ ਜੌਹਰ ਦੇ ਰਾਹੀਂ ਖ਼ੁਦ ਉੱਤੇ ਦਬਾਅ ਬਣਾਉਣ ਨੂੰ ਲੇ ਕੈ ਰਿਤਿਕ 'ਤੇ ਦੋਸ਼ ਲਗਇਆ ਹੈ।