ਮੁੰਬਈ: ਆਯੁਸ਼ਮਾਨ ਖੁਰਾਣਾ ਨੇ ਬਾਲੀਵੁੱਡ ਦੀਆਂ ਕਈ ਵੱਡੀਆਂ ਹਸਤੀਆਂ ਵਿੱਚ ਆਪਣਾ ਨਾਂਅ ਬਣਾ ਲਿਆ ਹੈ ਜੋ ਗੀਤਾਂ ਤੋਂ ਲੈ ਕੇ ਅਦਾਕਾਰੀ, ਮਾਡਲਿੰਗ ਤੱਕ ਹਰ ਚੀਜ਼ ਵਿੱਚ ਮਹਾਰਤ ਹਾਸਲ ਕਰ ਚੁੱਕੇ ਹਨ। ਅੱਜ ਉਹ ਆਪਣਾ 35ਵਾਂ ਜਨਮਦਿਨ ਮਨ੍ਹਾ ਰਹੇ ਹਨ ਤੇ ਉਨ੍ਹਾਂ ਦੀ ਪਤਨੀ ਤਾਹਿਰਾ ਕਸ਼ਯਪ ਨੇ ਆਯੁਸ਼ਮਾਨ ਨੂੰ ਜਨਮਦਿਨ 'ਤੇ ਬਹੁਤ ਹੀ ਪਿਆਰ ਭਰਿਆ ਸੰਦੇਸ਼ ਦਿੰਦਿਆਂ ਸ਼ੁਭ ਕਾਮਨਾਵਾਂ ਦਿੱਤੀਆਂ ਹਨ। ਇਸ ਦੇ ਨਾਲ ਹੀ, ਤਾਹਿਰਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਕਾਫ਼ੀ ਵੀਡੀਓ ਪੋਸਟ ਕੀਤੀਆਂ, ਜਿਸ 'ਚ ਕਈ ਸਿਤਾਰੇ ਆਯੁਸ਼ਮਾਨ ਦਾ ਜਨਮਦਿਨ ਮਨਾਉਂਦੇ ਨਜ਼ਰ ਆ ਰਹੇ ਹਨ।
ਹੋਰ ਪੜ੍ਹੋ: ਅਦਾਕਾਰ ਆਯੂਸ਼ਮਾਨ ਖੁਰਾਣਾ ਨੇ ਦੱਸੀ ਆਪਣੇ ਆਡੀਸ਼ਨ ਦੀ ਕਹਾਣੀ
ਤਾਹਿਰਾ ਨੇ ਆਯੂਸ਼ਮਾਨ ਲਈ ਇੰਸਟਾਗ੍ਰਾਮ 'ਤੇ ਇੱਕ ਤਸਵੀਰ ਵੀ ਪੋਸਟ ਕੀਤੀ ਹੈ। ਹਾਲਾਂਕਿ, ਇਸ ਪੋਸਟ ਵਿਚ ਦੋ ਹੋਰ ਵੀ ਤਸਵੀਰਾਂ ਹਨ, ਜਿਸ ਵਿੱਚ ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਹੋਰ ਬਹੁਤ ਸਾਰੇ ਲੋਕ ਦਿਖਾਈ ਦੇ ਰਹੇ ਹਨ।
ਤਾਹਿਰਾ ਨੇ ਲਿਖਿਆ ਹੈ, 'ਪਿਆਰੇ ਆਯੁਸ਼ਮਾਨ, ਜਨਮਦਿਨ ਮੁਬਾਰਕ, ਬਦਲਿਆ ਅੰਦਾਜ਼ ਅਤੇ ਉਸ ਵੱਲ ਵੱਧਦਾ ਦੇਖ ਕੇ ਚੰਗਾ ਲੱਗਿਆ। ਤੁਹਾਡੇ ਨਾਲ ਜ਼ਿੰਦਗੀ ਬਹੁਤ ਖ਼ੁਬਸੂਰਤ ਹੈ। ਇਸ ਦਿਨ ਨੂੰ ਖ਼ਾਸ ਬਣਾਉਣ ਲਈ ਤੁਹਾਡੇ ਸਾਰੇ ਪਿਆਰੇ ਲੋਕਾਂ ਦਾ ਧੰਨਵਾਦ'। ਉਸ ਨੇ ਆਪਣੀ ਪੋਸਟ 'ਚ ਕਈ ਲੋਕਾਂ ਨੂੰ ਟੈਗ ਕੀਤਾ।