Street Dancer 3D Tailer : ਡਾਂਸ ਦੇ ਨਾਲ ਦੇਖਣ ਨੂੰ ਮਿਲੇਗਾ ਪਾਕਿ ਤੇ ਭਾਰਤ ਦਾ ਰਿਸ਼ਤਾ

ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਤੇ ਸ਼ਰਧਾ ਕਪੂਰ ਦੀ ਫ਼ਿਲਮ 'ਸਟ੍ਰੀਟ ਡਾਂਸਰ 3 ਡੀ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ ਫ਼ਿਲਮ ਵਿੱਚ ਡਾਂਸ ਦੇ ਨਾਲ ਨਾਲ ਪਾਕਿ ਤੇ ਭਾਰਤ ਦੇ ਰਿਸ਼ਤੇ ਨੂੰ ਵੀ ਦਿਖਾਇਆ ਜਾਵੇਗਾ।

ਮੁੰਬਈ: ਵਰੁਣ ਧਵਨ, ਸ਼ਰਧਾ ਕਪੂਰ, ਨੋਰਾ ਫਤੇਹੀ ਅਤੇ ਪ੍ਰਭੂ ਦੇਵਾ ਦੀ ਫ਼ਿਲਮ 'ਸਟ੍ਰੀਟ ਡਾਂਸਰ 3' ਡੀ ਦਾ ਟ੍ਰੇਲਰ ਜਾਰੀ ਹੋ ਗਿਆ ਹੈ। ਫ਼ਿਲਮ ਦਾ ਨਿਰਦੇਸ਼ਨ ਰੇਮੋ ਡੀਸੂਜ਼ਾ ਵੱਲੋਂ ਕੀਤਾ ਗਿਆ ਹੈ। ਇਹ ਫ਼ਿਲਮ ਡਾਂਸ 'ਤੇ ਅਧਾਰਿਤ ਹੈ। ਲੋਕਾਂ ਵੱਲੋਂ ਫ਼ਿਲਮ ਦੇ ਟ੍ਰੇਲਰ ਨੂੰ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਹ ਫ਼ਿਲਮ ਅਗਲੇ ਸਾਲ 24 ਜਨਵਰੀ ਨੂੰ ਸਿਨੇਮਾ ਘਰਾਂ ਵਿੱਚ ਰਿਲੀਜ਼ ਹੋਵੇਗੀ।

ਹੋਰ ਪੜ੍ਹੋ: ਜੋ ਹਾਰ ਦਾ ਸਾਹਮਣਾ ਕਰਦੇ ਹਨ,ਉਨ੍ਹਾਂ ਦੀ ਵੀ ਇੱਕ ਕਹਾਣੀ ਹੈ:ਪੁਨੀਤ ਇਸਰ

ਫ਼ਿਲਮ ਦਾ ਟ੍ਰੇਲਰ ਡਾਂਸ ਨਾਲ ਭਰਿਆ ਪਿਆ ਹੈ। ਇਸ ਵਾਰ ਰੈਮੋ ਦੀ ਫ਼ਿਲਮ ਵਿੱਚ ਭਾਰਤ-ਪਾਕਿਸਤਾਨ ਵਾਲਾ ਐਂਗਲ ਦੇਖਣ ਨੂੰ ਮਿਲ ਰਿਹਾ ਹੈ। ਵਰੁਣ ਧਵਨ ਹਿੰਦੁਸਤਾਨੀ ਹਨ, ਜਦਕਿ ਸ਼ਰਧਾ ਕਪੂਰ ਪਾਕਿਸਤਾਨੀ ਦੇ ਕਿਰਦਾਰ ਵਿੱਚ ਨਜ਼ਰ ਆ ਰਹੇ ਹਨ। ਗਣਤੰਤਰ ਦਿਵਸ ਦੇ ਮੌਕੇ 'ਤੇ ਆਉਣ ਵਾਲੀ ਇਸ ਫ਼ਿਲਮ 'ਚ ਭਾਰਤ-ਪਾਕਿਸਤਾਨ ਗੂੰਜਣਗੇ। ਪ੍ਰਭੂਦੇਵਾ ਦੇ ਆਈਕਨਿਕ ਗਾਣਾ 'ਮੁਕਾਬਲਾ' ਇੱਕ ਵਾਰ ਫਿਰ ਤੋਂ ਸੁਣਨ ਨੂੰ ਮਿਲੇਗਾ।

ਇਸ ਫ਼ਿਲਮ ਵਿੱਚ ਡਾਂਸ ਮੁਕਾਬਲੇ ਸ਼ਾਨਦਾਰ ਦੇਖਣ ਨੂੰ ਮਿਲਣਗੇ। ਥ੍ਰਿਲਰ 'ਸਟ੍ਰੀਟ ਡਾਂਸਰ 3 ਡੀ' ਟ੍ਰੇਲਰ ਵਿੱਚ, ਨੋਰਾ ਫਤੇਹੀ ਦੀ ਵੀ ਝਲਕ ਦੇਖਣ ਨੂੰ ਮਿਲੀ ਹੈ। ਇਸ ਫ਼ਿਲਮ ਵਿੱਚ ਪਹਿਲਾ ਕੈਟਰੀਨਾ ਕੈਫ਼ ਨੂੰ ਲੀਡ ਰੋਲ ਲਈ ਕਾਸਟ ਕਰਨਾ ਸੀ। ਪਰ ਕੈਟਰੀਨਾ ਆਪਣੇ ਕੰਮ ਦੀਆਂ ਹੋਰ ਪ੍ਰਤੀਬੱਧਤਾਵਾਂ ਕਾਰਨ ਇਸ ਫ਼ਿਲਮ ਦਾ ਹਿੱਸਾ ਨਹੀਂ ਬਣ ਸਕੀ।

ਹੋਰ ਪੜ੍ਹੋ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦਿੱਗਜ ਅਦਾਕਾਰ ਸ੍ਰੀ ਰਾਮਲਾਗੂ ਦੇ ਦੇਹਾਂਤ 'ਤੇ ਜਤਾਇਆ ਦੁੱਖ

ਸ਼ਰਧਾ ਕਪੂਰ ਨੂੰ ਬਾਅਦ ਵਿੱਚ ਕਾਸਟ ਕੀਤਾ ਗਿਆ ਸੀ। ਵਰੁਣ ਧਵਨ-ਸ਼ਰਧਾ ਕਪੂਰ ਇਸ ਤੋਂ ਪਹਿਲਾਂ ਰੇਮੋ ਡੀਸੂਜ਼ਾ ਦੀ 'ਏਬੀਸੀਡੀ 2' ਵਿੱਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਰੇਮੋ ਡੀਸੂਜ਼ਾ ਦੀ 'ਏਬੀਸੀਡੀ' ਅਤੇ 'ਏਬੀਸੀਡੀ 2'ਨੇ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ।