ਨਹੀਂ ਰਹੇ ਮਸ਼ਹੂਰ ਨਿਰਮਾਤਾ ਚੰਪਕ ਜੈਨ

ਫ਼ਿਲਮ ਨਿਰਮਾਤਾ champak jain ਦੀ ਬੀਤੇ ਦਿਨੀਂ ਬਰੈਨ ਹੈਮਰੇਜ ਦੇ ਕਾਰਨ ਮੌਤ ਹੋ ਗਈ। ਇਸ ਖ਼ਬਰ ਤੋਂ ਫ਼ਿਲਮ ਇੰਡਸਟਰੀ ਦੇ ਦੇ ਕਈ ਸਿਤਾਰੇ ਹੈਰਾਨ ਹਨ। ਅੱਜ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਸਵੇਰੇ 11 ਵਜੇ ਕੀਤਾ ਜਾਵੇਗਾ।

ਮੁੰਬਈ: ਵੀਨਸ ਰਿਕਾਰਡਜ਼ ਅਤੇ ਟੇਪਜ਼ ਐਂਡ ਯੂਨਾਈਟਿਡ 7 ਦੇ ਮਾਲਕ ਬਾਲੀਵੁੱਡ ਨਿਰਮਾਤਾ champak jain ਦਾ ਦਿਹਾਂਤ ਹੋ ਗਿਆ ਹੈ। ਉਹ ਸ਼ਾਹਰੁਖ ਖ਼ਾਨ, ਐਸ਼ਵਰਿਆ ਰਾਏ ਸਟਾਰਰ ਫ਼ਿਲਮ 'ਜੋਸ਼' ਅਤੇ ਅਕਸ਼ੇ ਕੁਮਾਰ, ਸੈਫ ਅਲੀ ਖ਼ਾਨ ਅਤੇ ਸ਼ਿਲਪਾ ਸ਼ੈੱਟੀ ਸਟਾਰਰ ਫ਼ਿਲਮ 'ਮੈਂ ਖਿਲਾੜੀ ਤੂ ਅਨਾਰੀ' ਵਰਗੀਆਂ ਫ਼ਿਲਮਾਂ ਦੇ ਨਿਰਮਾਤਾ ਰਹੇ ਹਨ। ਇਹ ਮੰਨਿਆ ਜਾਂਦਾ ਹੈ ਕਿ ਬਰੇਨ ਹੈਮਰੇਜ ਦੇ ਕਾਰਨ ਮੌਤ ਹੋਈ। ਬਾਲੀਵੁੱਡ ਅਤੇ ਰਾਜਨੀਤੀ ਦੀਆਂ ਮਸ਼ਹੂਰ ਹਸਤੀਆਂ ਵਿੱਚ ਉਨ੍ਹਾਂ ਦੇ ਦੇਹਾਂਤ ਕਾਰਨ ਸੋਗ ਦੀ ਲਹਿਰ ਹੈ।

ਹੋਰ ਪੜ੍ਹੋ: 'ਮੋਤੀਚੁਰ ਚਕਨਾਚੂਰ' ਦਾ ਨਵਾਂ ਪੋਸਟਰ ਜਾਰੀ, ਨਵਾਜ਼ ਤੇ ਆਥਿਆ ਨਵੇਂ ਵਿਆਹੇ ਜੋੜੇ ਵਿੱਚ ਆਏ ਨਜ਼ਰ

ਬਾਲੀਵੁੱਡ ਨਿਰਮਾਤਾ champak jain ਦੀ ਮੌਤ 'ਤੇ ਅਦਾਕਾਰ ਸੋਨੂੰ ਸੂਦ ਨੇ ਟਵੀਟ ਕਰ ਉਨ੍ਹਾਂ ਨੂੰ ਯਾਦ ਕੀਤਾ ਹੈ। ਸੋਨੂੰ ਨੇ ਲਿਖਿਆ, ‘champak jain ਦੇ ਅਚਾਨਕ ਦੇਹਾਂਤ ਦੀ ਖ਼ਬਰ ਨੂੰ ਜਾਣਕੇ ਬਹੁਤ ਦੁੱਖ ਹੋਇਆ। ਉਹ ਇਕ ਸ਼ਾਨਦਾਰ ਸ਼ਖਸੀਅਤ ਸੀ। ਮੇਰੀਆਂ ਉਨ੍ਹਾਂ ਨਾਲ ਬਹੁਤ ਚੰਗੀਆਂ ਯਾਦਾਂ ਹਨ।'

ਇਸ ਤੋਂ ਇਲਾਵਾ, ਕਾਂਗਰਸ ਨੇਤਾ ਸੰਜੇ ਨਿਰੂਪਮ ਨੇ ਲਿਖਿਆ, 'ਫ਼ਿਲਮ ਨਿਰਮਾਤਾ champak jain ਦੇ ਜਾਣ 'ਤੇ ਮੈਨੂੰ ਬਹੁਤ ਦੁੱਖ ਹੈ। ਉਹ ਮੇਰਾ ਚੰਗਾ ਦੋਸਤ ਸੀ।'

ਗਾਇਕ ਮੀਕਾ ਸਿੰਘ ਨੇ ਵੀ ਟਵੀਟ ਕਰਕੇ ਲਿਖਿਆ ਕਿ, 'ਮੇਰੇ ਦੋਸਤ ਅਤੇ ਵੀਨਸ ਮਿਊਜ਼ਿਕ ਦੇ ਮਾਲਕ champak jain ਦੀ ਮੌਤ 'ਤੇ ਮੈਂ ਬਹੁਤ ਦੁਖੀ ਹਾਂ। ਉਹ ਇੱਕ ਬਹੁਤ ਚੰਗਾ ਅਤੇ ਮਦਦਗਾਰ ਵਿਅਕਤੀ ਸਨ। ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਮਿਲੇ।

ਇਸ ਤੋਂ ਇਲਾਵਾ ਤਰਨ ਆਦਰਸ਼ ਦੇ ਟਵੀਟ ਦੇ ਕੰਮੈਂਟ ਬਾਕਸ ਵਿੱਚ ਅਦਾਕਾਰ ਰਵੀ ਕਿਸ਼ਨ ਨੇ ਵੀ ਟਵੀਟ ਕਰਕੇ ਉਨ੍ਹਾਂ ਦੀ ਆਤਮਿਕ ਸ਼ਾਂਤੀ ਦੀ ਕਾਮਨਾ ਕੀਤੀ ਹੈ। champak jain ਦਾ ਅੰਤਿਮ ਸੰਸਕਾਰ ਭਲਕੇ ਮੁੰਬਈ ਵਿੱਚ ਕੀਤਾ ਜਾਵੇਗਾ।