'ਮੋਦੀ ਜੀ ਕੀ ਬੇਟੀ' ਨਾਂਅ ਦੀ ਫ਼ਿਲਮ ਬਣੀ ਖਿੱਚ ਦਾ ਕੇਂਦਰ

ਗੋਆ 'ਚ ਚੱਲ ਰਹੇ ਨੈਸ਼ਨਲ ਫ਼ਿਲਮ ਡੇਵਲਪਮੇਂਟ ਕਾਰਪੋਰੇਸ਼ਨ ਆਫ਼ ਇੰਡੀਆ (ਐਨਐਫਡੀਸੀ) 'ਚ ਫ਼ਿਲਮ ਨਿਰਦੇਸ਼ਨ ਏਡੀ ਸਿੰਘ ਨੇ ਆਪਣੀ ਆਉਣ ਵਾਲੀ ਫ਼ਿਲਮ 'ਮੋਦੀ ਜੀ ਕੀ ਬੇਟੀ' ਦਾ ਜ਼ਿਕਰ ਕੀਤਾ। ਇਸ ਫ਼ਿਲਮ ਦਾ ਸਿਰਲੇਖ ਹਰ ਇੱਕ ਨੂੰ ਪਸੰਦ ਆਇਆ।

ਪਣਜੀ: ਮੋਦੀ ਜੀ ਕੀ ਬੇਟੀ ਨਾਂਅ ਦੀ ਫ਼ਿਲਮ 'ਤੇ ਕੰਮ ਚੱਲ ਰਿਹਾ ਹੈ। ਹਾਲਾਂਕਿ ਫ਼ਿਲਮ ਦਾ ਵਿਸ਼ਾ ਕੀ ਹੈ ਇਹ ਸਾਹਮਣੇ ਨਹੀਂ ਆਇਆ ਹੈ। ਕਿਹਾ ਇਹ ਜਾ ਰਿਹਾ ਹੈ ਕਿ ਇਹ ਕਾਮੇਡੀ ਐਕਸ਼ਨ ਫ਼ਿਲਮ ਹੈ। ਇਸ ਫ਼ਿਲਮ ਦੇ ਨਾਲ ਐਡ ਬਣਾਉਣ ਵਾਲੇ ਏਡੀ ਸਿੰਘ ਫ਼ਿਲਮੀ ਨਿਰਦੇਸ਼ਨ ਦੀ ਦੁਨੀਆ 'ਚ ਸ਼ੁਰੂਆਤ ਕਰਨ ਜਾ ਰਹੇ ਹਨ।

ਗੋਆ 'ਚ ਚੱਲ ਰਹੇ ਨੈਸ਼ਨਲ ਫ਼ਿਲਮ ਡੇਵਲਪਮੇਂਟ ਕਾਰਪੋਰੇਸ਼ਨ ਆਫ਼ ਇੰਡੀਆ (ਐਨਐਫਡੀਸੀ) ਦੇ ਫ਼ਿਲਮ ਬਜ਼ਾਰ 'ਚ ਇਸ ਦੇ ਸਿਰਲੇਖ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ।
ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਨ ਮੰਤਰੀ ਪ੍ਰਕਾਸ਼ ਜਾਵੇਡਕਰ ਦੇ ਨਾਲ ਫ਼ਿਲਮ ਬਜ਼ਾਰ ਦੇ ਵੇਨਯੂ 'ਚ ਮਜ਼ਾਕਿਆ ਭਰੇ ਅੰਦਾਜ਼ 'ਚ ਗੱਲਬਾਤ ਕੀਤੀ।

ਨਿਰਦੇਸ਼ਕ ਨੇ ਕਿਹਾ, "ਪ੍ਰਕਾਸ਼ ਜਾਵੇਡਕਰ ਅਤੇ ਇੰਡਸਟਰੀ ਦੇ ਕੁਝ ਮਹਾਨ ਲੋਕਾਂ ਦੇ ਨਾਲ ਮਿਲ ਕੇ ਕਾਫ਼ੀ ਚੰਗਾ ਲੱਗਿਆ, ਇਨ੍ਹਾਂ 'ਚ ਉਹ ਵੀ ਸ਼ਾਮਿਲ ਨੇ ਜਿਨ੍ਹਾਂ ਦੀ ਮੈਂ ਸ਼ਲਾਘਾ ਕਰਦਾ ਹਾਂ ਅਤੇ ਉਨ੍ਹਾਂ ਦੇ ਨਾਲ ਕੰਮ ਕਰਨ ਨੂੰ ਲੈਕੇ ਇੱਛੁਕ ਹਾਂ।"

ਉਨ੍ਹਾਂ ਨੇ ਅਗੇ ਕਿਹਾ, "ਇਹ ਮੇਰੇ ਲਈ ਭਾਗਾਂ ਵਾਲੀ ਗੱਲ਼ ਹੈ ਤਿ ਮੈ ਆਪਣੀ ਕਾਮੇਡੀ ਐਕਸ਼ਨ ਫ਼ਿਲਮ ਮੋਦੀ ਜੀ ਦੀ ਬੇਟੀ ਬਾਰੇ ਸਾਰਿਆਂ ਨੂੰ ਦੱਸ ਸਕਾਂ।" ਇਸ ਫ਼ਿਲਮ ਦੀ ਸਟਾਰਕਾਸਟ ਕੀ ਹੋਵੇਗੀ ਇਸ ਦੀ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ।