ਮੁੰਬਈ: ਏਕਤਾ ਕਪੂਰ ਅੱਜ-ਕੱਲ੍ਹ ਆਪਣੀ ਸਫ਼ਲਤਾ ਦਾ ਜਸ਼ਨ ਮਨਾ ਰਹੀ ਹੈ। ਹਾਲ ਹੀ ਦੇ ਵਿੱਚ ਰਿਲੀਜ਼ ਹੋਈ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ ਦੀ ਫ਼ਿਲਮ ਡ੍ਰੀਮ ਗਰਲ ਬਾਕਸ ਆਫ਼ਿਸ 'ਤੇ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ਉੱਥੇ ਹੀ ਦੂਜੇ ਪਾਸੇ ਐਲੀ ਅਵਰਮ ਸਟਾਰਰ ਨਵਾਂ ਵੈੱਬ ਸ਼ੋਅ 'ਦਿ ਵਰਡਿਕਟ ਵਰਸੇਜ ਨਾਨਾਵਟੀ' ਨੂੰ ਵੀ ਦਰਸ਼ਕਾਂ ਦੀ ਚੰਗੀ ਪ੍ਰਤੀਕਿਰੀਆ ਮਿਲ ਰਹੀ ਹੈ।
ਬੁਸਾਨ ਫ਼ਿਲਮ ਫ਼ੈਸਟੀਵਲ ਵਿੱਚ ਏਕਤਾ ਕਪੂਰ ਦੀ ਬੱਲੇ-ਬੱਲੇ
ਏਕਤਾ ਕਪੂਰ ਦੀ ਫ਼ਿਲਮ ਡ੍ਰੀਮ ਗਰਲ ਬਾਕਸ ਆਫ਼ਿਸ 'ਤੇ ਧਮਾਲ ਮਚਾ ਰਹੀ ਹੈ। ਉਸ ਤੋਂ ਬਾਅਦ ਹੁਣ ਏਕਤਾ ਦੀ ਫ਼ਿਲਮ ਡੌਲੀ ਕਿਟੀ ਔਰ ਵੋ ਚਮਕਦੇ ਸਿਤਾਰੇ ਫ਼ਿਲਮ ਦਾ ਪ੍ਰੀਮੀਅਰ ਬੁਸਾਨ ਫ਼ਿਲਮ ਫ਼ੈਸਟੀਵਲ 'ਚ ਹੋਣ ਜਾ ਰਿਹਾ ਹੈ।
ਫ਼ੋਟੋ
ਸਫ਼ਲਤਾਵਾਂ ਦੀ ਇਸ ਸੂਚੀ 'ਚ ਇੱਕ ਨਾਂਅ ਹੋਰ ਜੁੜ ਗਿਆ ਹੈ ਉਹ ਨਾਂਅ ਹੈ ਬੁਸਾਨ ਇੰਟਰਨੈਸ਼ਨਲ ਫ਼ਿਲਮ ਫ਼ੈਸਟੀਵਲ ਦਾ, ਏਕਤਾ ਦੀ ਅਗਾਮੀ ਫ਼ਿਲਮ ਡੌਲੀ ਕਿੱਟੀ ਔਰ ਵੋ ਚਮਕਦੇ ਸਿਤਾਰੇ ਦਾ ਪ੍ਰੀਮੀਅਰ ਬੁਸਾਨ ਇੰਟਰਨੈਸ਼ਨਲ ਫ਼ਿਲਮ ਫ਼ੈਸਟੀਵਲ 'ਚ ਹੋਣ ਜਾ ਰਿਹਾ ਹੈ। ਫ਼ਿਲਮ 'ਚ ਕੌਂਨਕੇਨਾ ਸੇਨ ਅਤੇ ਭੂਮੀ ਪੇਡਨੇਕਰ ਮੁੱਖ ਭੂਮਿਕਾ ਨਿਭਾਉਂਦੇ ਹੋਏ ਨਜ਼ਰ ਆਉਣਗੇ।
ਇਹ ਫ਼ਿਲਮ ਇੱਕ ਕਾਮੇਡੀ ਸਟਾਰਰ ਫ਼ਿਲਮ ਹੈ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਅਲਾਨਕ੍ਰਿਤਾ ਸ਼੍ਰੀਵਾਸਤਵ ਨੇ ਕੀਤਾ ਹੈ। ਬਾਲਾਜੀ ਟੈਲੀਫ਼ਿਲਮਸ ਦੇ ਬੈਨਰ ਹੇਠ ਬਣੀ ਇਸ ਫ਼ਿਲਮ 'ਚ ਵਿਕਰਾਂਤ ਮੈਸੀ ਅਤੇ ਅਮੋਲ ਪਾਰਾਸ਼ਰ ਵੀ ਮੁੱਖ ਭੂਮਿਕਾ ਨਿਭਾ ਰਹੇ ਹਨ।